Sunday, October 14, 2018


බ්ලොග් ලිවීම අතර මඟ නැවතී ඇති නිසාත් ලීවීමේ ආශාව නැවත නැවත මතුවන නිසාත් පටන් ගන්නා බොහෝ ලිපි ඩ්‍රාෆ්ට් වලින් නවතින නිසාත් සතියක ඕනෑම වෙලාවක  සිතට දැනෙන සිතුවිල්ලක් එකතු කොට සති අවසානයේ මුදා හරින්නට සිතුවෙමි.මේ එහිපලමු දිග හැරුමයි.

2018 ඔක්තෝබර් 8වන දින පන්දර  2.00යි

ලිවීම උදෙසා නැවත නැවත උත්සහ කරමි මහා කාලකන්නි අගාදය සිටින්නෙකුට ලිවිය නොහැක.ජනේලයෙන් එලියේ වැහි වැටෙන හඩ ඇසේ.ලොකයේ මන් ආසම දේවල් මොනවාද අහුවොත් ඒ ඒ ලිස්ට් එකේ උඩින්ම ඉන්න දෙයක් තමා වැස්ස ඒ උනාට එච්චර ආදරණීය වැස්ස ගැනවත් හැගීමක් නොමැති තැනට මන් මැරිලා ඉවරයි.නැත්නම් මන් විතරක් නෙවේ උබලා ඔක්කොමත් වැටිලා ඉවරයි.නැගිටලා ගිහින් ‍ෆිරිජ් එකෙන් සීතල වතුර බෝතලයක් අරගෙන බීගන ගියා එලියේ වහින වැස්සේ සීතලයි කැරෙකෙන විදුලි පංකාවේ සීතලයි එකතු කරගෙන රත්වෙලා හිටිය මට සීතල වතුර ටික උගුර පහලට වැටෙන කොට මුලු පපුවම ඉච්චිලා යනවා දැනුණා.සීතල හොයද්දි පිච්චෙනවා.පිච්චෙන්න හොයද්දි සීතල වෙනවා..
මේක කතාව කොහෙන් පටන් ගන්නද කියලා තේරෙන්නේ නෑ.ලිවීම නතර කර සිගරට්‍ටුවක් දැල්වීමි..අද දවස  අද දවස  කිසි තේරුමක් නැති අද දවසක් එක්කුටවත් ඕනි නෑ මේ රට හදන්න හැම එකාටම ඕනි ‍රැවටිලා ඉන්න මොක්ද දැන දැන  ‍රැව‍ටුනාම   තමන්ට වාසී කියලා ඕකුන් දන්නවා..


2018 ඔක්තෝබර් 9 වන දින පන්දර  1.00යි

පන්ති පහයි
කෙල්ලෝ දෙකයි
කීයලා උන් කීවට
උබලා දන්නවා ඒක
එහෙම නෙවෙයි කියලා
එක නිකන්
කොල්ලෝ ගොඩයි
එක කෙල්ලයි වගේ කතාවක්
නෑ ඒක විරවරියකයේ කතාවක්ර

ස්තියාදු පේමවන්තයාගේ පාපොච්චාරණය ලියනවාද නැද්ද කිය කිය හිතන් ඉන්නකොට,ආදරණීය වේසාවියකගේ මඟුල් ගෙදර ලියපිය ලිපිය  කිය  කියා  හිත කෑගහන්න ගත්තා...ඒ ඔක්කෝම පැත්තක තියලා මන් ලියන්න ගත්තේ  රතු තරු ප්‍රේමවන්තිය කියන පොත,ඒක

රතු අහසක්
තරු පහක්
එක දිඳුලන තනි  තරුවක්
නිල් අහසක්
තරු ඳිදුලන කලු අහසක්

අහන්න එපා තරු පහ මොනවාද  කියලා.නැත්නම් කලු අහස ගැන නිල් අහස ගැන දිදුලන තරු ගැන මොකද ඒ කිසි දේක තේරුමක් නෑ..නෑ එක ආදරණීය තේරුමක් තියනවා.කාලයකින් නැවත බ්ලොග් එකට  ලියන්න ගත්තේ මහ මූසල ඔක්තෝඹරයක් නිසා  වෙන්න ඇති මාසේ ආරම්භයේ ඉදලා දවස් 9ක් ගෙවිලා ගියත්.එලිවන තුරා නිදි මරණ, පුකට එලිය වැටෙන කම් නිදාගන්න ,ජීවිතයවල් ගොඩක්වෙලා.ඒක  නිකම්ම නිකන් සාධාරනීකරණය කරගන්න උත්සහ කරන බොරුවක්.මේක ලියන්නේ අවුරුදු බර  ගණනක් පරණ මොර‍ටුව විශ්ව විද්‍යාලයේ  ක්ලිෆඩ් පෙරේරා නැත්නම් ඒ හොස්ටල් එකේ  ඉදන්.විශ්ව විද්‍යාලයේ අතුලේ පිහිටලා තියන එකම  පිරිමි නේවාසිකාගාරය මේක.මේ ලැප් එක තියන් ඉන්න රූම් එකේ මේසේ උඩ කි දෙනෙක් තමන්ගේ උපාධි කියන ජීවිතය වෙනුවෙන් සටන් කරන්න ඇතිද මේ ලැප්ටොප් ඔවුන්ට නොතිබෙන්න ඇති මේ මේස උඩ රාක්ක උඩ කියවන්න පොත් තියෙන්න ඇති නැතන්ම් බීඩි සිගරට් අරක්කු ඇදුම් කුණු දුවිලි  කොලකෑලි නැත්නම් මොකුත්ම නොතිබෙන්න ඇති.මේ කාමර වල ඔවුන් විප්ලව කරන්න ඇති සංවාද කරන්න ඇති කුණු කතා කියන්න ඇති ආදරය ගැන ලෝකය ගැන හිතන්න ඇති.නැත්නම් මොකුතම නොකර නිදා ගන්න ඇති.


2018 ඔක්තෝබර් 10 වන දින සවස  5.30 යි.

ඔහුන් දැන් හුදකලා වූවන්ය
ඔහුන්ගේ අතීතයේ කැ පරහර වල
වේදනා විදිමින් ,නැවත ඒ නැතීවීයන 
වේදනාවන්ගේ
කාලකාන්නී වූ ආස්වාදය සොයමින් යන
කලකන්නි විනාශකාරයෝමය
කාලකාන්නී වූ ආනාගතයක්
මවන්නට හදන උන්ට
දුවන්නට පහර දෙන
වර්ථමානයට බයේ
ගුලි ගැහී මුලු ගැහී
වර්ගවාදී පොරත්වයම
මමත්වය කරගත් උන්ය
නිල් රතු කොල ඇස්කොට්ලාට
අමතරව
සමාජ ආස්වාදය
සුත්‍රාන්තය
කරගත් අන්ධ බක්තිකයන්ය
උන් ජීවත් නොවී
ජීවත් වෙන්නට නොදී
ජීවත් වෙන්නට උත්සහ කරයි
කවියාද නැවත් ඔවුන් ගැන
සිතමින් ලියමින් කියමින්
තේරුමක් නැති අලගෙඩි වෙනුවෙන්
කාලයේ දුවයි


"ඒක සම්පූර්ණ ඇත්තක් නොවේ.මාක්ස් ලෙනින් වාදයේ පදනම මානව භක්තියයි.මාක්ස්, එන්ග්ල්ස් වැනි න්‍යායාචාරවරුන් හා ලෙනින් වැනි ප්‍රායෝගික වාදියනුත් දැඩි මානව භක්ති වාදීන්.

එහෙත් ජේ.වී.පී. කාරය අපේක්ෂා කරනෙ මධ්‍යම පන්තික  නිලතල හා භෞතික සැප සම්පත්.එසේම ඔවුන්  ඔවුන්ගේ ව්‍යාපාරය ජාතිවාදී එකක්.මෙය සම්පූර්ණයෙන්ම මාක්ස් ලෙනින් වාදයට විරුදධයි."


(මහාචාර්ය ඩබ්ලිව්.ජී.කුලරත්න රෝස මලේ න‍ටුවේ කටූ පි‍ටුව 110)

2018 ඔක්තෝබර් 11 වන දින පන්දර  4.00යි

" කොල්ලෝ 50ක් අල්ලනවාට වඩා එක කිම්බක් අල්ලන එක උන්ට වාසි දායකයි..මොඩ යක්කු.." යාලුවෙක් එක්ක කතා කරද්ද වැටහුනේ..
පොස්ට් එක්ක කමෙන්ට් එකක් දැක්කාම හිතුනේ..මහා බොරුවක් මවාපාගෙන ජීවත්  වෙනවා..

බැල්ලි
තොගේ බොරු කතා
උබට ඕනි හඳ එලියත් නැති
කුප්පි ලාම්පු එලියත් නැති
මහ අදුරු වෙලාවක
ලෝකෙට හොරෙන්
හැමනෙන්න
ඊට පස්සේ
ඉර උදා උනාම
මහ බොරුවට
රඟපාන්න
උබේ ඔය බොරුවෙන්
ඔක්කොම රවට්ටලා
තියාගනින්
හබැයි
උබේ හෙලුව
ජෙනෙල් වලින් එබි බැලූ
හඳ එලියත්
කුප්පි ලාම්පුවෙන් එලියවු
පරිසරයත්
දැන ගනීවි
බැල්ලි
‍තෝ මැරියන්

නිදිමතයි..සිතල බැල්කනියේ පු‍ටුවේ වාඩිවූ මම.කකුල්  දෙක යකඩ වැටට හේත්තු කොට  සිගට්‍ටුවක් දැල්වීමි.

.
"මම සිග‍රැට්‍ටුවක් දල්වා ගතිමි.හිස මුලුමනින්ම  ඉහලට නමා තාරුකාවක් දෙස බලා ඒ දෙසට දුම පිඹ හරිමි.සිගරට්‍ටුවේ ආස්වාදය වනුයේ දෑසට නොපෙනෙන දුමය.කිසිවකු ගණ අන්ධකාරයේ දුම් නොබොන්නේ එබවිනි.
"ඇයි සිගරට් බොන්නේ?"
"මම බීඩි බොන්නේ නැති නිසා""

(මංජුල වෙඩිවර්ධනගේ බත්තලංගුන්ඩුව පි‍ටුව 142)

2018 ඔක්තෝබර් 12 වන දින පන්දර  3.00යි

බැල්කනියට සිවිල් ඉංජිනේරු දේපාර්මෙන්තුව ලයිට් එලියෙන් හැඩගැන්වී ඇති සැටි පෙනේ.ඒ අස්සේ සීතල හුලඟත් එක්ක  සිවිල් එක අස්සෙන් පිරිත් ඇහෙනවා.අද සිවිල් ඩිපාර්ට්මර්ට් එකේ  පිරිත්.සිගරට්‍ටුවක් බිබි ජීවිතේ පලමු වතාවට පිරිත් අසමි.

ඇයි උබ පෙන්න නැත්තේ වැඩිය.මිතුරාගේ පිලිතුර"මේක මහ ජරාවක් මොකටද බන් මේවට එන්න.මේ උගන්වන ඒවා ඉගන ගන්න කැම්පස් එන්න ඕනිද? මහ පිස්සු ජාතියක්!මේ හැමදේම වෙනස් වෙන්න ඕනි.කැම්පස් හදන්න ඕනි නෑ මේකේ ඇතුලේ ඉන්න උන් මෙහෙම ඉගන ගන්න ඕනි නම්!මහ ලොකු විශ්ව විද්‍යාල කොහේද බන් මේවගේ විශ්වීය දැනුම හොයන් යන්නේ,මඟුල! උඹ කියන්නෙ තවත් මේ මගුල ඉවසන්න කියලාද?!"

 මඳක් නිහඩව සිටි මා අසල තිබූ ස්කෙච් බුක් එකේ ක‍ටුගාන්නට වීමි.

"මොකො උඹ කතා නැත්තේ"

නෑ උබ කියන එක හරි මන් කියන්නේ ඔව් ඉවසපන්!හැබැයි උබ පටන් ගනින් ඒක හොයන්න.අනික් උනුත් ඒක එහෙම තේරුම් ගත්ත දවසට ඒක කරයි.

සීතලයි...!සිගරට්‍ටුව අවසන් වී ඇති නමුත් පිරිත් තවමත් අවසන් නැත.


"උපක අපගේ අධ්‍යාපන ක්‍රමය අසාර්ථක එකක්.එහි පැහැදිලි දර්ශණයක් හෝ ක්‍රමවේදයක් නැහැ.එම නිසා අපගේ අනාගත පරම්පරාව අතරමං වෙලා"

"එහි ඇති ප්‍රධාන දෝෂය කුමක්ද? "උපක ඇසුවේය.

"අපගේ අධ්‍යාපන ක්‍රමය කන්නංගර මහතා ඉදිරිපත් කල ක්‍රමය අතහැර දැමීම වරදක්.කන්නංගර තමා මෙරට අධ්‍යාපන විප්ලවයක් කලේ" යැයි ඔහු කීවේය.

"ඒ කියන්නේ කන්නංගර මහතාගේ නිදහස් අධ්‍යාපනය දැයි"උපක ඇසුවේ ය.

"ඔව් ඇත්තටම නිදහස් අධ්‍යාපනය තමයි.එහෙත් කන්නංගරගේ  නිදහස් අධ්‍යාපනය අපි හරියට තේරුම් ගන්නේ නැහැ .1945ට පෙරත් ස්වභාෂා අධ්‍යාපනය එනම් සිංහල හා දෙමළ අධ්‍යාපනය දුන්නේ  නොමිලේ..මුදල් ගෙවා ලබාගත යුත්තේ හොඳ ඉංග්‍රිසි අධ්‍යාපනයයි.කන්නංගර කලේ මධ්‍ය මහා විද්‍යාල හරහා මෙම නිදහස් අධ්‍යාපනය නොමිලේ ලබා දීමයි.එහෙත් 1956දී ඇති වූ වැඩ පිළිවෙළ නිසා මෙම ඉංග්‍රීසි අධ්‍යාපන ක්‍රමය නැතිවී ගියා."

"අපේ අධ්‍යාපන ක්‍රමයේ ඇති දෝෂය කුමක් ද?" උපක ඇසුවේ ය.

"අපේ අධ්‍යාපනය නූතනයට විශේෂයෙන් පශ්චාත් නූතන දර්ශනයට ගැලපෙන්නේ නැහැ.තරුණ තරුණියන් දකුණේ ජේ.වී.පී. එකට යන්නෙත්,උතුරේ එල්.ටී.ටී. එකට යන්නෙත්  හුදු ආර්ථිකමය හෙතූන් නිසා නොවේ.අධ්‍යාප්පනය මගින් ඔවුන්ට් අවශ්‍ය නූතන දැනුම කුසලතා හා ආකල්ප නොදැනෙන නිසයි." වික්‍රමසිංහ මහතා කීවේ ය.

"අධ්‍යාපන ක්‍රමය වෙනස් කල යුත්තේ කෙසේ ද?" උපක ඇසුවේ ය.

"අපේ අධ්‍යාපන ක්‍රමය මගින් නිර්මාණාත්මක, නිවහල්,විචාරශීලී පිරිසක් බිහි කළ යුතුය.ඒ සඳහා අධ්‍යාපනයේ විශාල වෙනසක් කළ යුතුය.ආචාර්ය ප්‍රේමදස  උඩගම  කියා තිබෙනවා,අපි දොස්තරවරු,ඉංජිනේරුවන්,පරිපාලකයන් තැනීමට ප්‍රථම හොඳ මිනිසුන් තැනිය යුතුයි කියා.මේ ආධ්‍යාපනයේ විශාල වෙනසක් අවශය යි.

"ගුරුවරු හා ඔවුන්ගේ ඉගැන්වීමේ ක්‍රම වෙනස් කළ යුතු නොවේ ද?"

(මහාචාර්ය ඩබ්ලිව්.ජී.කුලරත්න රෝස මලේ න‍ටුවේ කටූ පි‍ටුව 45/46)

2018 ඔක්තෝබර් 13 වන දින උදේ 10.30 යි

සෙනසුරාදා ලංකාවට නිවාඩු දවසක් උනාට  එක හැමෝටම එහෙම නැහැ.මොර‍ටුව විශ්ව විද්‍යාලයේ වාස්තු පීඨයටත් ඒක කිසි වෙලාවක  එහෙම වෙනේ නැහැ. කැම්පස් එකේ ඉන්න බහුතර ශිෂ්‍ය ශිෂ්‍යාවන් පිරිසක් සෙනසුරදා නැත්නම් සිකුරාදා හවස් වෙද්දි ගෙවල් වලට යනවා.එහෙම නොය බහුතරයක් සෙනසුරාදා නිදහසේ නිදාගන්න වෙලාව වෙන් කර ගන්නවා.සතියේ දවස් පහමත් නිදාගත්තත් හිතට හරිනෑ වගේ  සෙනසුරාදා හරි ඉරිදා හරි ඒ වෙනුවෙන් වෙන් කරනවා.මොනවා උනත් වාස්තු පීඨයට ඇතුල් උන ශිෂයෙක්ට සතියේ දිනවල හැසිරීම ප්‍රයෝජනයක් නැති වෙනවා.ඒ නිසාම සෙනසුරාදා වෙනකම් බලන් ඉන්නේ කලබල නැති පරිසරයක් බලන්න.දැන් එ පරිසරය වෙනස් වෙලා සති අන්තේ කියන්නේ කැම්පස් එකේ වෙනදටත් වඩා සෙනඟ පිරෙන දවසක් වෙලා..හැම පාරකම අතුරු සිදුරු නැතිව වාහන නවත්තන දවසක් වෙලා.මහ පිස්සුවෙන් වගේ මිනිස්සු එහේ මෙහේ දුවනවා ඒකට කියන්නේ  එම්.එස්.සී කියලා.

ඉතිහාසෙ ඉදන්
හැමදාම
ඒක උනා
තමන්ගේ
දෙමාපියන්
සහෝදර සහෝදරියන්
නැදැයින්
මිත්‍රයන්
පවා දුන්නා
උන්ට දුෂ්ඨකම් කලා
එහෙම කරපු
පරම්පරා ගානක
ලේ දුවන්නේ ඔය ඇගවල්
ඇතුලේ
එහෙව් එකේ
ගැනියෙක් වෙනුවෙන්
මිත්‍රකම්
පාවා දෙන්න
ඕකට ලැජ්ජා නෑ
මිත්‍රයාගේ ගැහැණිය
වෙනුවෙන්
ඒක කරන්නත්
ඕකට
ලැජ්ජාවක්
නෑ

"ප්‍රේමය් ඇත්තටම පවතින්නේ නෑ.ඒක මතුපිට තියන සිතුවිලි ආවරණයක්;අශාව වඩා ගන්නා ව්‍යාජයක්.ලිංගික ආශාව වඩාගන්නට ගොඩනගන සිතුවිලි පරිකල්පනයක්.ලිංගික ආශාවක් තියනවා නම් පළමුව ඒක තෘප්තිමත් කරගන්න ඕනි.ඒකට් ප්‍රේම කල යුතුයි කියල ඒකේ එල්බගෙන  ඇතුළතින් බිද වැටෙන එක අර්ථ විරහිතයි."

(උපුල් ශාන්ත සන්නස්ගල,කොළපාට ඇස්  පි‍ටුව 98)

2018 ඔක්තෝබර් 14 වන දින පන්දර  4.00යි

නැගෙනහිර වෙරලෙන් ඇහෙනවා කියාගෙන තොපි ඔක්කෝම මාවා කෑවා ඔව් මා කෑවා,බුරුවෝ..පලි ගන්න දෙයක් නෑ පැටලිච්ච ඒකිව එතනින් එළියට එන්න පාර පෙන්නන්න බැරි එකයි දුක.


සාම්ප්‍රධායික ගැහැණියක් නොවේ
කියාගෙන
උබ බීර වීදුරුව තොලගාන්න
සැකේට ඇබරි ඇබරි වට පිට
බලද්දි
මෙතන හරි නෑ කිය කියා මුලු
හොද්දි
උබත්
අනික් උන් වගේම
අනික් උන් ගැන වදවෙන
සාම්ප්‍රධායික
ගැහැණියක්



උබ හරි පවු කියලා හිතෙනවා උබව අහුවෙලා ‍රැවටිලා ඉන්න තැනට වඩා කොච්චර හොදින් උබට ඉන්න පුලුවන්ද කියලා දැනෙනවා.සම්ප්‍රදායකට බය වෙලා එක රාමුවකට කො‍ටුවෙලා.ඇත්ත ගැහැණියව එලියට දාන්න උඹට බැරි වෙලා එ ගැහැණිය කොහොම කෙනෙක්ද කියලා පිරිමි මන් දන්නවා නෑ දන්නේ නෑ ඒක දැනිලා තියනවා.

අද උදේ 10.30 යි

සෙනසුරාදා ඉවරයි අද ඉරිදා මොර‍ටුව විශ්වවිද්‍යාලයේ  ඒ හොස්ටල් එක එහා පැත්තේ සිවිල් ඉන්ජිනේරු දෙපාර්මේන්තුව පැත්තට තියන පිහිබිය ගස් අස්සෙන් එලිය වැටිලා  ඒක විස්තර කරන්න බැරි තරමට ලස්සනයි.මේ ලෝකේ හැමදේම ලස්සනට දකින්න පුලුවන්.ඕනි නම් යුද්දයක් විරහවක් මරණයක් මේ හැමදේමත් මහ ලස්සනට දකින්න පුලුවන්.හැබැයි එක දකින්නේ කොහොම ද කියලා දන්නේ අපේ හිතම තමයි අපේ ඇස්ම තමයි.

"ඒ අර බලපන් අර කෙල්ලගේ ටැටූ එක" මිතුරා පවසයි

"ලස්සනයි යකෝ.."මම පවසයි

"පට්ට  කෑල්ල " මිතුරා පවසයි

"උබේ කෙල්ල, ඒකි ටැ‍ටු ගහනවාට උබ කැමතිද?" මම පවසයි

"මන් උබෙන් ඒ ප්‍රශ්ණෙ ඇහුවොත්" මිතුරා පවසයි

"මට කෙල්ලක් නෑ නේ" මම පවසයි

"අනේ මේ මන් තොට කියන්නේ නෑ.හරි හිටියොත්"මිතුරා පවසයි

"මගෙන්  අවුලක් නෑ කෙල්ල  නිදහසේ ඉන්න එපැයි" මම පවසයි

"මන් නම් කැමති නෑ බන්.අපි ඕක ඔහෝම දැක්කාට  මිනිස්සු දකින්නේ වැරදි විදියට" මිතුරා පවසයි

"මිනිස්සු කියන්නේ කවුද බන්"මම පවසයි

"හුත්තක් අහන්න එපා " මිතුරා පවසයි

"මිනිස්සු කියන්නේ අපිම තමා බන්.අර කෙල්ල.කෙල්ලක් ඒක ඒකිගේ ලොකේ.බලපන් ඒකි ලස්ස්නට නිදහසේ  ඉන්න හැටි.මේ ඉන්නේ මිනිස්සු උබයි මායි.මට අවුලක් නෑ..උබටත් ඒ කෙල්ලගේ ටැ‍ටු එක අවුලක් නෑ..එහෙම අවුලක් නැති මිනිහාට.උබේ කෙල්ලගේ ටැටූ එක අවුල්.උබලටමනේ කෙල්ලෝ සෙට් වෙන්නේ මොඩයෝ වගේ.." මම පවසයි මම සිනා සේ

"අනේ පක..තොට වගේ මට පිස්සු නෑ" මිතුරා මට බනී

යමන් ප්ලේන්ටියක් බොන්න



3 comments:

  1. මොරටුවේ ඉන්න උබ ලියනවා දියගම ඉන්න මම කියවනවා. දෙන්නම එකම කම්පස් එකක හිටියට දෙතනක ඉදන් කියවනවා.

    ReplyDelete

මගේ හයිය ඔය වචන කිහිපය.

Recent Posts

"

15. පව් කරන තැනැත්තා මෙලොව දී ශෝක කරයි. පරලොව දී ශෝක කරයි. දෙලොව දීම ශෝක කරයි. තමා ගේ අපවිත්‍ර ක්‍රියාවන් දැක ඔහු ශෝක කරයි, බොහෝ සෙයින් ශෝකයට පත්වෙයි.

15. The evil-doer grieves here and hereafter; he grieves in both the worlds. He laments and is afflicted, recollecting his own impure deeds.

"

-ධම්ම පදය | Dammapadhaya