Wednesday, January 23, 2013

නිදිවරන්නේ බලාගෙනයි, ඔබ මහත් වෙයි! Sleepless!! FAT??

නිදිවරන්නේ බලාගෙනයි, ඔබ මහත් වෙයි!
 
ඉස්සර පන්තිවලදී කට්ටිය කියනවා මතකද මේ බලහන්

"මූ මහන්සි වෙලා පාඩම් කරනවා මූ කෙට්‍ටු වෙලා ඇස් යට ගිහින්"


'මූ නම් කකා ඉන්නවා නිදා ගන්නවා මහත් වෙලා "
කියලා.


ඇත්තටම විද්‍යාව අපිව පුදුම කරනවා මෙන්න අලුත්ම විස්තරේ නිදි වරපුවාම මහත් වෙනව ලු ඇත්තටම අපිට පිලිගන්න අමාරු කාරණයක් වගේ ඒත්,


 චිකාගෝ විශ්වවිද්‍යාලයේ මහාචාර්යය බ්‍රෙඩ් විසින් කරන ලද පරීක්ෂණයකින් මේ ගැන තහවුරු කරලා තියනවා.

කාලේ අකාලේ කීවලු නේද එහෙනම් මෙන්න මන් ඒ ගැන කියවපු පත්තර කෑල්ල ලියවලාම බලන්න වැඩි විස්තර
..







ප.ලි.
 මෙය වැඩිදුර කියවන්නට අවසි අය සිටී නම් කියන්න මා මෙය නැවත ටයිප් කොට පොස්‍ටුවක් ලෙස දමන්නම් .

පරණ ඒවා හතරක්



#ආදරය ලොකුවටම ගූ ගොඩකි (කවි)
#රුවන්වැලි මාහා සෑ ගර්භයේ තවමත් දැල්වෙන පහන්
#නෙළුම් කුලුනේ අනුරුවක් නොමිලේම ගෙදර මේසේ උඩට ගෙන්න ගන්න
#ආතල් ගන්න කථා ලීවේ නෑ (+18)  

Read More

Friday, January 11, 2013



මේ සිනහ පිරුණු මුව කවුදැයි කියා අප දන්නේ මෑතකය නමුත් ඈ කවුදැයි දන්නෝ දනිති.කෙසේ වෙතත් අද වන් විට ඈගේ සැනකිලි මාසයක් බවට වසරාආරම්භයක් බවට මෙම වසර පත්ව අහවර.අද ශ්‍රි ලංකා ජනරය මහමග වසන්නා වූ දුගී මගින්ද (ප්‍රසිද්ධියේ සිගා කෑම ශ්‍රි ලංකාවේ තහනම්ය.එය හරිය වැල සයිට්  තහනම් සහ අන්තර්ජාලයේ ඒම අඩවි බ්ලොක් කර ඇතැයි කියූ රාජයක් ගිනිපෙත්තටම ගූගල් වාර්ථා ගැසූ කථාව සේ විහිලු කතාවක් පමණි. ) ඈ කවුදැයි දනි.මේ දවස් වල කෑ ගහන මෙතුමිය කවුදැයි මා සොයා බැලීමක් කලාය.මේ මට සමුවූ තොරතුරුය.
 ________________________________________________________________________________
උපත - 1958 කුරුණෑගල දී.
මව - ෆ්ලෝරා බණ්ඩාරනායක.
පියා - විල්සන් බණ්ඩාරනායක
පාසල් අධ්‍යාපනය - ගිනිගත්හේන ප්‍රාථමික විද්‍යාලය,, කෑගලු බාලිකා ම. වි., තෝලංගමුව ඩඩ්ලි සේනානායක මධ්‍ය විද්‍යාලය,අනුරාධපුර මධ්‍ය මහා විද්‍යාලය.
උසස් අධ්‍යාපනය - කොළඹ විශ්වවිද්‍යාලය, නීති පීඨය, නීතිය පිළිබඳ දර්ශන උපාධිය, නීතිය පිළිබඳ ආචාර්ය උපාධිය.
තනතුරු - කොළඹ විශ්වවිද්‍යාල නීති පීඨය,
 සහකාර කථිකාචාර්ය,
 ජ්‍යෙෂ්ඨ කථිකාචාර්ය,
 නීතිපීඨ අංශාධිපති,වැඩබලන උපකුලපති
 නීතිය පිළිබඳ මහාචාර්ය.
________________________________________________________________________________

                      මේ තොරතුරු සොයා බැලූ විට දැන ගන්නට ලැබූ තවත් දෙයක් නම් ලොව ප්‍රථම අගමැතිනිය වූ සිරිමාවෝ ආර්. ඩී. බණ්ඩාරනායක මැතිණියමෙන් ලක්දරණ කල "ගැහැණිය" උඅසස් කිරීමට දායක වූ කටයුත්තක් මෙතුමියද කර ඇති බවය එනම් 2011 වසරේ මැයි මස 18 වන දා ආචාර්ය ශිරාණි බණ්ඩාරනායක අගවිනිසුරුවරිය ලෙසින් දිවුරුම් දුන්නා ය. ඒ හතළිස් තුන් වන අගවිනිසුරුවරිය ලෙසින් පමණක් නොව ලක්දිව ප්‍රථම අගවිනිසුරුවරිය වශයෙනි. යුක්තිය පසිඳලන අධිකරණයේ තනතුරක් ලැබීම පෙර පිනක් සේ නොසිතුවත් එය කෙනෙකුගේ අනාගතය විසඳන වගකීම් සහිත තනතුරකි. අපේ රටේ අධිකරණ ඉතිහාසය ඉතා විමසිල්ලෙන් බලන විට ශ්‍රේෂ්ඨාධිකරණ විනිසුරු පදවිය දැරූ විවිධ පුද්ගලයන් ගැන විවිධ කතාබහ ඇත. ඒ කතාබහ වැඩිපුර පවතින්නේ තනතුරේ සිටියදී දෙන තීන්දු මත නොව තනතුරෙන් විශ්‍රාම ගිය පසු හැසිරෙන ආකාරය අනුවය.කෙසේ වෙත දැන් හරි අපූර්වත සිදිවීම් පෙලක් සිදුවේ.

 මේ සියල්ලේම මුලුක විස්වාසය පලුදු වීමකි.මා ලද දෙනුවත් වීම් අනුව ඇයට කන කොකා හඩන්නට පටන් ගත්තේ උත්තරීතර තනතුරේ සිදු අවිස්වාසය නිසාවෙනි.එක්තරා මෘද්‍රිත මාධයක පලවූ අන්දමට එහි මූල බීජය මෙසේ වන්නට විය















ඕනෑම රටක ඉහළතම ශ්‍රේෂ්ඨාධිකරණ නිලධාරියා වන්නේ අග්‍රවිනිශ්චයකාරවරයා ය. එවැනි පුද්ගලයෙකුගෙන් මුළු රට ම ඉතා ඉහළ මට්ටමේ හැසිරීමක්, විනයක් සහ යහපත් ක්‍රියාපටිපාටියක් බලාපොරොත්තු වනු ඇත. එහෙයින්, එම ධූරය දරන පුද්ගලයෙකු ඉහළතම අවංකභාවයක් අනුගමනය කළ යුතු ය. 

එපමණක් නොව, එම තනතුර දරන පුද්ගලයෙකු විසින් සමහරවිට මනුෂ්‍යයෙක් හැටියට ඉඳහිට වරදක් සිදු වූවත්, ඕනෑකමින් විනය කඩකිරීමක් හෝ දූෂිත ක්‍රියාවලියක යෙදීමක් කිසි විටෙක සිදු නොකළ යුතුය. එමෙන්ම, ඒ පුද්ගලයා තමාගේ ක්‍රියාපටිපාටිය ගැන කිසිදු ප්‍රශ්නාර්ථයක් මතු නොවන්නට ද, සැලකිලිමත් විය යුතු ය. 

ඊට අමතරව, තම මුදල් ගනුදෙනු සම්බන්ධයෙන් කිසිදු විෂමතාවයක් නොමැතිව කටයුතු කිරීමට ද අගවිනිසුරුවරු වග බලා ගත යුතුය. තත්ත්වය මෙසේ තිබියදී, වර්තමාන අගවිනිසුරු තුමිය වන ආචාර්ය ශිරාණි බණ්ඩාරනායක මහත්මිය එවැනි තලයේ ක්‍රියාපටිපාටියක් අනුගමනය නොකරන බව ඉතා පැහැදිලිය. 


ඈ රටේ උත්තරීතර නීතිය සුරකින්නිය වන විට ඈගෙන් මෙසේ "මල්ලෙන් එලියට පනින්නා වූ බළලා" කවරකුදැයි විමසිලිමත්ව බලා සිටින්නට ශ්‍රී ලංකා ප්‍රජාතාන්ති‍්‍රක සමාජවාදී ජනරජයේ ආණ්ඩුක්‍රම ව්‍යවස්ථාවට හැකි විය.
 ඔය කියන්නා වූ පර්ලිමේන්තුවද  ඈද ශ්‍රේෂ්ඨාධිකරණ ය මේ ආකාරයෙන් ගැටෙන්නට වුයේ රටේ මහජනතාවට වෙනත් කිසිම දෙයක් නැත යන හැගීම් මුදුන් පත් කොටගෙනය.එක් එක්කනා ගන්න තින්දු ප්‍රකාශයට පත් කරයි.

මධ්‍ය තම වගකීම් නොවඩුව ඉ‍ටු කරමින් තප්පරයෙන් තප්පරය එවා වාර්ථා කරයි.ඈට පක්ෂ විපක්ෂව හුදෙක් සාමානය ජනයා යැයි කියමින් උත්ගෝසන කරති.සමහරකු සම්හරකුට  ප්‍රසිදිධියේ පොලු ‍රැගෙන විත් පහර දෙති එහෙත් ටෙලිවිෂනයෙන් කට නොගෙන  මහජනයා මේ විකාර ‍රැගිලි බලා සිටි.තවකෙකු අමේ මහින්ද මාමාට ජය වේවා! යැයි කෑ ගසති.පාර්ලිමෙන්තුව  සති ගනන් ‍රැස් වී විවාද කරති.

එහෙත් එකකුට හෝ ගායක් නැති ලංකාවට හදිසි තත්ව ප්‍රකාශ කිරීමට අවසි නොවේ ඒ ලොක්කන් වෙනම වැඩ වල නිසාවෙනි එවා වැදගත් අපේ  ගම්වලට මදි නොකියන්ට වර්ෂාවෙන් හානි ය.ඒවා ගානක් නෙත් ඒවා ඉවසා මහ ජනයා මරග ‍රැගුම් බලා සතු‍ටු වේ!

හොද ලිපියක් -http://www.dinamina.lk/2011/05/23/_art.asp?fn=f1105234&p=1

Read More

Monday, January 7, 2013

ටැබූ කියා නටන්නේ කුමකට ද? Taboo Subjects

"ටැබූ නොවෙමි.ඔහුගේ පාඨකයෙක් පමණක් වෙමි.ඔහුගෙ ලිපි නැවත සංවාදයට ලක් කිරීම අරමුණ වේ."


 
 
මේ මොන ටැබූවෙක් දැයි මා නොදනි නැවත කරණමක් ගැසීමට මේ ටැබුවා සූදානම්ය.නමුත් අර්බුද ‍රැසකි

මේ පරණ ටැබූම ද ඇත්තටම ටැබූගේ ජීවිත කාලය වන්නට තිබුනේ මේ කාලයයි මන්ද මේ කාලයේ අපේ ටැබූ මහත්මයා ලීවානම් අපට රස පිරුණු සංවාදාත්මක බ්ලොග් ලිපි කියවන්නට තිබුණි.නැත්නම් මේ කරන්නේ කතන්දරයාගේ අලුත් නාටකයක් ද යන්නත දැනට එම බ්ලොග් අඩවියේ පාඨකයන්ට ගැටලුවක් වී ඇත.අපි වාසනාවන්ත පාඨකයන් වන්නට මේ සැබෑ ටැබූනම් අනර්ගය.


කාකා ගැන එහි පාඨක සැකය-
ටැබූ ආපහු..!! ආයෙ බ්ලොග් අවකාසෙ පරණ වෙනවාද? මන්දා!!! කකා...ග වැඩක්ද? කකාගෙ නොවෙන වැඩක්ද? දැන් ඉතින්!!! කල්පනා කරන්නම වෙනවා.එහි එක් ලිපියකට ඇනෝ අදහසක් මෙසේ විය.

සුපුරුදු සැකය "මේ ඉන්නෙත් කතන්තර කාරයාමද මංදා "

එහි එක් ලිපියකට ඇනෝ අදහසක් මෙසේ විය.

 "මේක හරියට පරණ රොබින් මැරුනාම අළුත් රොබින් ආවා වගේ වැඩක්. හැබැයි ගහන්නේ පරණ විස්කි අළුත් බෝතල් වලට දාලා.

බ්ලොග් අවකාශයේ දැන් කියවන්න්නත් වැදගත් යමක් නැති හන්දා මෙහෙම තියෙන එකත් ලොකු දෙයක්"



අලුත් රොබින් කෙනකු ආවාට පරණ රොබින් පොර කියා ඔහු පොර වූයේ නැත ඔහු පොර වුයේ ඔහුගේ වැඩවලිනි.


 මොනවා උනත් හැමවිට ටැබූ නම ඇසූ පමනින් නැවත ටැබූනම්  ප්‍රසිද්ධ බ්ලොග් කාරයන්ට මෙය ගැසීම වැලැක්විය යුතුයි.
 
මොහු කරන්නට සූදානම් වෙන්නේ ලිපි විචාරන්නට නම් එයට ටැබුගේ අනර්ග නම සේල් කල යුතු නැත.


 ඔහුගේ අඩවියක් වෙනත් නමින් ආරම්භ කොට එහි ටැබූගේ ලිපි විචාරන්නට පුලුවනි.

මොහු සැබෑ ටැබූ නොවේ නම් අරමුණ "ටැබූගේ" නම විකුණා කෑම ද?

http://www.taboosubjects-mirrored.blogspot.com???

ප.ලි.2013-1-01-10
උක්ත අඩවිය ප්‍රචාරනය සදහා යොදාගත් ලිපියක් නොවේ.


Read More

Thursday, January 3, 2013



ගුරු කීවාව මේ ගුරු කතාව වැඩිමනක් අදාල වෙන්නේ අ.පො.ස.උසස් පෙල  උගන්වන ගුරු විශේෂයකටයි.සමහරෙකුට කෙම්ස්ට්‍රි ගණිතය බයෝ ‍ෆිසික්ස් යනාදි විෂයනුත් එතනින් එහා ගිය කලා වණිජ විෂයත් පිහිටන්නට ගුරු වරුන්ගේ අදාලත්වයක් තිබේ ද? එසේ අදාලත්වයක් තිබෙනවානම් කොටසක් කැම්පස් යන්නත් ඉතා හොදින් සමත් වීමටත් හේතුව කුමක් ද?මේ දිනවල රූපවාහිනී වගේම මෘද්‍රිත මාධයේත් වපුරා තිබෙන ටියුෂන් කලාවක් අවශ්‍යනම් පාසල් වල අධ්‍යාපනය කුමකට ද? ටියුෂන් යන ළමයා පමණක් විභාගය සමත් වන්නේ ද?මේවා මා සිත තුල පැන නැගෙන්නා වු ගැටළුවක් නොව සමස්ථ සමාජයම අවධානය දිනාගත්තා වූ සාමූහික වූ ප්‍රශ්ණ වැලකි.

මෙවා එකින් එක ලිහා පැහැදිලි කරන්නට ගන්නා උත්සහයක්.
පළමුව ඉහත සදහන් කල පරිදී ගුරුවරයාගේ පලපෑම කෙසෙද යන්න.මාගේ මව මෙන්ම කුඩා කල ඔබගේ මවද ඔබව ඇගේ ඇකයෙහි හොවා යම් යම් දේ කියා දීම  ගුරුවරයාගේ අත්තිවාරම් සැලසුම ලෙස දැක්විය හැක.කොටින්ම කිවහොත් යමකුට යමක් ක්‍රමවත්ව පැහැදිලි කරන්නේ නම් ඔහු හෝ ඇය ගුරුවරයකු වේ.මා අද මෙලස අකුරු කරන්නට මා "අ" අකුරේ සිට ඉගන ගත යුතු මා පිය ආභාෂයයෙන් එහා ගිය කල සියල්ලක්ම ගුරුවරයකු යටතේ අධ්‍යාපනය හදාරයි.ඔහුනට හැකි වන්නේ යම් දෙනුමක් යම් කරුණක් අප හට පැහැදිලි ගෙන හැර දැක් වීම නම් විභාගයක ලකුණක් ගුරුවරයකු මත රදා තිබිය හැක ද  මා කියන්නේ නම් එය එසේය එය එසේම වන්නේය යන්නයි.
               මා උසස් පෙළ හදාරන පාසල් අවධියේ මාගේ පාසලේ කෙමෙස්ට්‍රි ගුරුතුමිය මට මතකය.පීරියඩ් එකට ලැබ් එකට ගිය පසු උසස් පෙල මුල් කාලයේ ඔහේ සටහන් ලියයි ඇය කියවයි.එකල කෙමෙස්ට්‍රි සංදේශ කාවයක් විය පැ‍රැක්ටිකල් දවසට ඈ අප ලැබ් එකට යන් විට සියල්ල සූදානම් කොට අවසන්ය පොතක් බලාගෙන සියලු සරායනික ද්‍රවය එක් කොට පොත බල බලා එක් කරයි "දැක්කා නේ ළමයි"  පොතේ ඇත්තේ නිල් පැහැය නම් දම් පැහැය සැදුනත් මාගේ ගුරුතුමියට එය නිල් පැහැ වූවා.කොටින්ම කියතොත් ප්‍රොෆෙසර් ජයතිලකගේ පොත ආපසු ලිවීමක් අප ඒ කාල ජෙදය තුල කලාය.මා සිතන්නේ අපට පමණක් නොව ලංකීය සිසු සිසුවියන් බොහෝ දෙනකුට පාසල් වලට ඒ සෙතේය.කොටින්ම කියතොත් එය පාසල් තුල රසායන විද්‍යා පෙල පොත විය.එසේනම් ගුරුවරයා කල යුත්තේ කුමක් ද ඔබ විමසාවී මාගේ දෙක්ම අනුව ගුරුවරයකුගේ වගකීම වන්නේ  ලමයා සතු සිතිමේ හැකියාව ඔහු තුල ජීවත් වන ඔහුව  එලියට ගැනීම මිස ඔහුන්ව යන්ත්‍රයක් කිරීම නොව.එයට ගුරුවරයාටම දොස් තැබීමම නිවරදි නොවන බැව් ද මා ප්‍රකාශ කරමි.
                මෙය සමස්ථ පද්ධතියක් තුල පවතින වරදකි.ළමයකුට යාන්ත්‍ර විද්‍යාව තියරි උගන්වා ගණනක් දුන් විට ඔහු නියමට ගනන් සාදාවි එහෙත් එක් වර "මචං මේ බිත්තිය කෙලින් තියෙන්නේ කොහොමද ?" ඇහුවොත් ඔහු උඩ බිම බලනු ඇත මන්ද තියරි ඔලුවලට පතබෑමෙන් වෘතිකයා විද්‍යඥා බිහිවන්නේ නැත් මෙලොව නිවුටන්ලා , ‍තෝමස් අල්වා එඩිසන්ලා  බිහිවන්නේ නැත.එන්තැල්පි ගනන් දහස් ගනන් සාදාවී එත් එන්තැල්පිය කියන්නේ කුමක් ද ඒ හා සම්බන්ද වටපිටාව සාමාන්‍ය පරිසරය විස්ථර කිරීමක් තියරි පමණ්ක් දන්නෙකුට බැරිය.ඔහු නියම සමාජ ගවේශකයකු පරිසරය තම පොත තුල දකින්නකු විය යුතුයි.ඒ වෙනුවෙන් ඔහු සූදානම් කල යුතුය.ඉන්ජිනේරුවන් වෛද්‍යවරු බිහිවේවි එහෙත් සියවසේ විද්වතකු බිහි නොවේවි.මේ ක්‍රම තුල  බිහිවන ශිෂ්‍යා ඉන්ජිනේරුවකු වන්නේ ඔහුගේ හද කැලබි ප්‍රශ්ණ වලට පිළිතුරු සොයන්නට නොව ලොකු ගෙයක් වාහනයක් වරප්‍රසාද හබා යන්නටය.උසස් පෙල කටපාඩම් කරගන්නා දෙයින් ලකුණකින් හෝ ඉස්සරහට යන්නටය එක ලකුණක් අඩු වන්නා විද්‍යාපීටය ඔහුට ලකුණකට අඩු වන්නේ ඉන්ජිනේරුවා වෛද්‍යවයා නොව සමාජීය වරප්‍රසාදය අද ක්‍රමය ලමයා හුරු කරවන්නේ තරග කරන්නේ වරප්‍රසාද  සදහා පමනි.
    මේ නිසා ගුරුවරයාට හැකි පමන මෙය වෙනස් කල යුතුය ගුරුවරයා ද ප්‍රොෆෙසර්ගේ පොතේ යැපෙන්නෙකු නොවිය යුතුය.
තවත් ඉතිරි ප්‍රශ්න තිබේද නැත සියල්ලන්ම දුවති ඒ වෙනුවෙන් ඉතා කාර්යක්ෂමවත් ක්‍රම්වත් අන් අයට නොව‍ටු දැනුමක් කියනා තියරි ගොන්නක් ‍රැස් කල යුතුයි මන්ද එකක් හෝ අඩු වුවහොත් සමාජීය වරප්‍රසාදයේ සිදුවන් වෙනස් වීම එක් තියරි කෑල්ලක අඩුපාඩුවක් නොවේ.

මා මාව නිවරදිය සියල්ලන්ම එකග තාවකට පැමින මේ ක්‍රමයේ වෙනසක් සිදු කල හැකි නම්.මේ දිවිල්ලේ ඉලක්කය වරප්‍රසාදය නොවේ නම්.මේ බුද්ධිමත් මොල ගෙඩි නැවත අයිස්ටයින් ප්‍රතිවාදියන් බිහිකරනු ඇත.
Read More

Tuesday, January 1, 2013

ආවඩා ආයුබෝ වේවා!


 ආවඩා අයුබෝ වේවා එහෙනම් ඔන්න ආයේ ඉතින් පටන් ගත්තා .ගිය අවුරුද්දට අඩුපාඩු නැතිව ඔන්න 70වක්ම ලියලා තියනවා.මේක බ්ලොග් ලියන කියන කබ්බන්ට කබ්බියන්ට හොද අවුරුද්දක් වෙයි මොකද මේ 27 ගේට්‍ටුවත් එනවානේ.තව පැය කීයද එතකොට 2013 අවුරුද්දෙත් දවසක් ජීවත් වෙලා අහවරයි.

මේ අවුරුද්දේ මොනවා ලියන්න ලැබෙයිද කියන්න දන්නේ නෑ.ඒත් හිනාව පිරුනු දේවල් ලියන්න ලැබෙන්න කියලා මම ප්‍රාර්ථනා කරනවා.ම්.. එහෙනම් කථාවක් ලියන්නම්

ඔන්න පෙරපාසල් යන පොඩි දග කොල්ලෙක් ඉන්නවා අපේ ගෙවල් පැත්තේ පොරගේ අම්මා තමා මට මේ කතාව කීවේ.
දවසක් ඒ පොඩි එකා එයාගේ අක්කත් එක්ක හවස බුදු පහන තියලා ගාථා කියනවාලු. ගාථා කියන අතරතුර පොර අක්කාට ඇගිල්ලෙන් ඇනලා.ඔක්කෝම ඉවර වෙලා ඇවිත් අම්මාට කියනවා ලු  අම්මා අක්කා දැක්කාද ගාථා කියනකොට හිනා වෙනවා ඔවා බුදු සාදු බලාගෙන ඉන්නේ කියලා.
නෑ අම්මා මල්ලී මට ඇගිල්ලෙන් ඇන්නා කියලා අක්කා කීවලු.
පොර කීවලු බුදු සාදු මගේ යාළුවානේ ඒක නිසා ප්‍රශ්ණයක් නෑ කියලා.
අර ඇන්ටි ඇහුවාලු ඒ කොහොමද කියලා.
පොඩි එකා කියපි "මං දහම් පාසල් ගිහින් ඉන්නකොට දවසක් ළමයි ඔක්කෝම සෙල්ලම් කරන්න ගියා ඒත් මන් විතරක් පංතියට වෙලා හිටියා බුදු සාදු ඒ වෙලාවේ ඇවිත් මගෙන් ඇවිත් ඇහුවා ඇයි සෙල්ලම් කරන්න යන්නේ නැත්තේ යාලුවෙක් නැද්ද මං යාලුවා වෙන්නම් කීවාලු"

මොනවා උනත් මට හිතෙනවා මේ පොඩි එකා හොද බ්ලොග් කාරයෙක් කතෘවරයෙක්  වෙයි අනාගතේ.

ඔන් ඔහොම මේ අවුරුද්දෙත් ලියන්වා මගේ ලියවිල්ලේ ‍රැඩිකල් වෙනස් නම් නෑ සුපුරුදු පරිදී ලියමි ඉදිරියත්.

මං දැක්කා පොඩි ප්‍රවෘතියක් මේ විදියට
"
මිලියනයකට ආසන්න පාසල් සිසුන්ට නොමිලේ සපත්තු ලබාදීමට අවශ්‍ය මූලික කටයුතු සම්පාදනය කර ඇතැයි, අමාත්‍ය කෙහෙළිය රඹුක්වැල්ල මහතා පවසයි.

අමාත්‍යවරයා මේ බව ප්‍රකාශ කළේ, අද මැණික්හින්න ප්‍රදේශයේ සිසු දරු දැරියන් පිරිසකට පාසල් උපකරණ ලබාදීම සදහා පැවති උත්සවයකදීය.

එය "ජය කෙහෙළිය" පදනම විසින් සංවිධානය කරනු ලැබ තිබේ.

"මිලියන තුනකට ආසන්න දරුවන් ප්‍රමාණයකට සපත්තු කුට්ටමක් ලබා දෙන්නත් මේ වෙනකොට ගණන් හදලා බලලා අවශ්‍ය අය තෝරලා මිලියනයකට ආසන්න ළමයි ප්‍රමාණයකට පළවෙනි වසරට මේ වසරේ ලබාදෙන්න  තීරණය කළා. මේ සියල්ලම කරන්නේ අපේ මේ පුංචි දූ දරුවන්ට මානසිකත්වය ශක්තිමත් කරමින් තියෙන සුළු සුළු අඩුපාඩුකම් මහා පරිමාණයේ අඩුපාඩුකම් හෝ වේවා ඒවා සුළුවෙන් හෝ තමන්ගේ යම්කිසි විදිහේ අවකාශයක් ලබමින් මූලික පරමාර්ථය වන අධ්‍යාපනයේ මධ්‍යස්ථානයක් බවට එහි කොටස්කරුවන්ට අපේ මේ පුංචි දූ දරුවන්ට ඒ මානසික සහනයක් එක්ක අධ්‍යාපනයේ කටයුතුවල නියලෙන්න තමයි මේ වැඩපිළිවෙළ අපි ක්‍රියාත්මක කරන්නේ

"


අනේ  ඔය දන්න දන්න ලොකුක්කනේ මානසික සහනය වෙනුවෙන් ඔයිට වඩා දේවල් මේ දරුවන්ට කරන්න පුලුවන් මොකුත් ඕනි නෑ අඩුම මේ අවුරුද්දේ පවත්වන විභාග ටිකවත් අපක්ෂපාතිව තිබ්බානම් ලංකාවේ මිනිසුන්ගේ ලොකුම මානසික සහනය ඒ දේ වෙයි.

එහෙනම් 2013 පලවෙන් පෝස්‍ටුවත් මේ විදියට අහවර කලා ඕන්....

http://admin.lankadeepa.lk/admin/wp-content/uploads/2013/01/31-page5-c1.jpg
 ප.ලි.
ඔබ සැමගේ අලුත් අවුරුදු ප්‍රාර්ථනා සර්ථකම වේවා!
Read More

Monday, December 31, 2012

බ්ලොග් කරුවකු තේරුම් ගත යුතු හරය.


ම්.කොහින් කොහොම හරි අවුරුද්දක්ම ගෙවුනා නෑ තව පැය කිහිපයක් තියනවා දවස් 364 ගෙවිලා අහවර වුන එකේ ඔය අන්තිම පැය දෙක යන්න මහ වෙලාවක් යැයි කියලා හිතෙනවා ද?ඕකත් නොදනීම ගෙවිලා යයි.

කොහොම උනත් ලෝකේ වැඩිම වාරයක් අවුරුද්දේ නම මිනිසුන්ගේ කටවලින් කියවුනු වසර වෙන්න ඇති "2012" ඒ අතින් බලපුවාම නම් අවුරුද්ද හරි වාසනාවන්තයි.ඒත් මගේ ජීවිත කතාවෙනම් මන් එතරම් කැමති අවුරුද්දක් විදිහට මේ අවුරුද්ද සලකන්නේ නෑ ඒ වගේම මේ අවුරුද්දේ තේරුම් ගත්ත ලොකුම දේ තමා අත්තටම මිනිහෙක් මොළය මනස මේ හැමදේම  පිළිවලකට නිරවුල් විදියට වැඩකරන්න කාලයේ ගත වීම වගේම සමාජ ගත වීමත් ඉතා වැදගත් කියලා.කොහෙන්  කොහොම හරී ඔයාලා වගේම මාත් තවත් තිර බලාපොරොත්තු පොදි නොබැදගෙන අවශ්‍ය දේ පමණක් පොදිබැදන් ඉදිරියට අවුරුද්දක් විදියට ඉදිරි වසර භාර ගනීවි.




2010 බ්ලොග් ලියන්න ආරම්භ කරනකොට සිංහල බ්ලොග් කීයද අන්තර්ජාලයේ තිබුනේ ම් කාකා නිෂාන්ත අයියා සොදුරු සිත ම්.. බස්සා මේ වගේ කිහිප දෙනයි ඒ කලේ මගේ මතකයේ ‍රැදිලා තියෙන්නේ ඒත් අද හැමෝටම මුහුණු පොතේ එකවුන්ට් එක  වගේම  බ්ලොග් අඩවියකුත් ඇති මොකද දකින දකින තැන අද විවිද බ්ලොග් අඩවි සතු‍ටුයි ආඩම්භරයි සිංහල කතා කරන සිංහලයෙක් විදියට මගේ මවු භාෂාවත් මේ වගේ ව්‍යාප්ත වෙන එක ගැන.ඒත් මේ හැමෝම බ්ලොග් කලාවේ ‍රැදී ඉන්නේ නෑ ඒකට මොකක හරි සාධාරන හේතුවක් තියනවා අන්න ඒ දේ තමා මේ අවුරුද්ද අවසානයේ තේරුම් ගත්ත  ලොකුම දේ බ්ලොග් කලාව තුල.
                  ඒකට හේතුව මන් කියන්නම වෙනවා ඒත් ඒකේ පැහැදිලි කිරීම කරන්නේ කොහොමද කෙටියෙන්ම කියනවා නම් මේ වැගේ වගේ දානවා වගේ නෙවේ මේකත් අපූර්වතම කලාවක් ඒ දේ තෙරුම් ගන්න ඕනි ලගදී මඩිස්සේ නිශාන් ලියලා තිබුනා කවුරු මොනවා කීවත් හැමෝම බ්ලොග් ලියන්නේ හිට්ස් බලාගෙන කියලා ඇත්ත මොකද ඔයා බ්ලොග් ලියන්නෙක් නම් ඔබ අවුරුදු ගානක් වැදගත් හෝ නොවදගත් ලිපි විශාල සංඛයාවක් ලියනවා එක හිට්ස් එකක් වත් නැතිනම් මොකටද ඒවා ලියන්නේ ඊට වඩා හොදයි දින පොතක් ලියන්න නැත්නම් හිතේ තියාගෙන ඉන්නවා ඒ කියන්නේ ඔබ ලියන්නේ අපි මෙ ලියන්නේ අපේ පෞද්ගලික ජීවීත සමීප කරගනිමින් අපි ලියන දෙයකින් කෙනකුට මොනවා හරි දෙයක් තියෙන්නම ඕනි ඒක තමා හේතුව.බ්ලොග් එකයි දින පොතයි අතර තියන විශාල වෙනස ඒක .

               එහනම් මගේ බ්ලොග් අඩවියට පැමිණෙන හිත මිතුරනි ඔබ මා කිසි දිනක මුණ ගැසී නැත නමුත් ඔබ හා මා සමග ඇති ඒ ලෙන්ගතු ලැබදීයාවට මෙම අඩවියට පැමිනෙන ඔබ සියලු දෙනාට ස්තූතියි!

මගේ බ්ලොග් අඩවියේ වෙනස් කම් සැහෙන විශාල ප්‍රමාණයක් උනා "මහේෂ් ගේ ලෝකය" "මහේෂ් නම් සැරිසරනා" උනා ඒ වගේම තීම් එකත් චාම උනා ඒ වගේම අන්තර් ගත හරයත් ඉතා තදබල වෙනසක් උනා හරවත් ලෙස ,ඒක ඔබ සියලුම දෙනාව පසුගිය ලිපියෙන් පෙනෙන්නට ඇත.

වසරක් පුරාවට ලිව්වා ඒ දේවල් වල ගුණ දොස් විචාරන්නට මොකුත්ම නොකියා යන්නට හෝ ඔබ මා සමග ‍රැදි සිටියා ඔබ සැමට මාගේ කෘතඥ පූර්වක ස්තුතිය!වසරක් ‍රැදී සිටි ඔබටත්,

ලබන්නා වූ නව වසර සිත් තුටින් සිටිනා හද පිරි අවුරුද්දක් වේවා!

Read More

Tuesday, December 25, 2012

රෙදි අදින්නේ නැති ඇමතිවරු සිටිනා රට




දෙන දෙයක් කා වෙන දෙයක් බලා සිටින්නට සැම දෙනා කැමතිය.බොහෝ දෙනාට දැන් රටේ අනාගතය කොහේවත් යන දෙයකි එයට හොට දමා කිච වෙන්නට අකමැතිය.අපි අපේ පාඩුවේ සංකල්පයට හෙන හැසිය යුතුය.
       අද වන් විට ලංකාවේ විභාග දෙපාර්මේන්තුවත් , එය මෙහෙය වන විභග කොමසාරි අධ්‍යාපන ඇමතිත් උසස් අධ්‍යාපන ඇමතිත් සියළු දෙනා දූර වල වැඩ බාර ගෙන තිබෙන්නේ නොනගතේය ඔහුන් අත ගසන ගසන හැම වැඩක් ම කනපිට ය.කැරට් අලයක් සුප් එකකට දමන්නාක් මෙන්  අධ්‍යාපනය පෙති ගැසීය දැන් එවා සුප් එකේය  දැන් සුප් එකේ කැරට් කෑලි නැත.එවා ද දියව යන තරමට  හැදිගා අවසන්ය.වසරේ එක් එක් කාලවලට නටන්නට  හොද නාඩගම් ගොඩක් මොවුන් සතු විය.මේ වසරේ නටා අවසන් වු පසු දැන් ඇගේ නූල් පටක් වත් නැත ඒ ත්‍රමටම ලාංකීය අධ්‍යාපනය අද නිරුවතිනි.
             විෂ්ව විද්‍යාල ශිෂයෝ සුපුරුදු ලෙසම වසරේ සැමදාම හොයනා විදිහට විසදු ම් සෙවීය නමුත් මධ්‍ය හමු දෙක තුනකින් ඒවා අහවරය.ආචාර්යය මාහාචාර්යයවරුන්ටද  ඒ බයිලාව එසේ ම ගැසීය. උසස් පෙළ අහවර කර ගත්තාට ප්‍රථිපල තවමත් ප්‍රොසෙසින්ය.පේපර් ඇති වූ අඩුපාඩු වලට ලේබලයක් ආලවා මාරු වුනාට මෙවර ප්‍රථිපල වලට කෙලවන්නට ආමාරුය  ගියවර කෙලවා ගත් හරිය  හොද පදමට ඇතිය අන්තිමට ප්‍රථිපල එලියට ආවාට යමෙකුට සිදුවූ අසාධාරණය කියා ගන්නට  කෙනෙක් නැති ඒවා කීවට පලක් ද නැත.මාධ්‍ය ඒවා කියන්නට වලි කන්නේද නැත එවා ලියා කියා නිකන් නෝන්ඩි වනවාට වඩා චන්ද ‍රැස්වීමක් පෙන්වා ලියා සම්මානයක් ගන්නට ඔවුනුත් කැමතිය.
 
      2011 උසස් පෙළ ලියා සමත් වූවෝ තවමත් විශ්ව විද්‍යාල සිහිනයට හූල්ලයි.වෛද්‍යවරු ඉන්ජිනේරු සිහින හැබෑ කරගත වුන් කරගන්නට දෙයක් නැතිව බලා සිටී 2012 උසස් පෙල අහවර වී ප්‍රථිපල නිකුතු වන්නට තියනා කාලය අහවරය එයින් විශ්‍ය විද්‍යාල වරම් ලබන්නෝ විශ්ව විද්‍යාල යන්නේ අවුරුදු දෙකක් නිවසට  වී බලා සිට ද.රාජපක්ෂ පරම්පරාවේ තුන් වෙනියාට වයස 23 ඔහු දැන් අජටාකාශ උපාධිය ලබා එහි මාධ්‍ය ප්‍රචාර ලබමින් ‍රැකියාවක් නිරත් වෙයි.මධ්‍යම පන්තික දරුවන් අවුරුදු 23 මේ විශ්ව විද්‍යාල යැයි කියති.ඔවුන්ට කැකිරි පොඩි වුන්ට මොකුත් නෑ සංකල්පයකි.මෙවා කතාකර වැඩක් නැත් මංද සිදුවන්නට වුවමනා සියල්ල ඔහේ සිදුවේ.
   අධ්‍යාපන ඇමති තම විලි වහගන්නට රෙදි කැබැල්ල කරගෙන සිටින්නේ අයහපත් කාලගුණයයි.ශ්‍රි ලාංකීය විභාගයක පිලිගැනීම බල්ලට යන වැඩ සිදුවෙද්දී මේ වන විට ඔහුනට කතා කරන්නට වැස්ස නියමය.ළයින්ට සිදු අසාධාරණය ගැන කතා කරන්නට අමතකය පෙනෙන්නේ අයහපත් කාලගුණේ අනේ පවූ අහිංසකයෝ කියන්නටය.අධ්‍යාපන ඇමතිට දෙන්න තිබ්බේ කාලගුණ ඇමති කමය.ගෙඩි පිටින් ප්‍රශ්ණ පත්‍ර පිටවී යනවා ඔහුට පෙන්නේ නැත.අපරාධ පරීකෂණ දෙපාර්මේන්තුවේ වැඩ කියා අත පිස දා ගන්නට මේ ‍රැල හරි හපනුන්ය.
     පහේ ශිෂ්‍යත්ව විභාගයේ ප්‍රශ්නපත්‍ර පිට විය. ඒ පසුගිය අගෝස්තුවේදීය. විභාග කොමසාරිස්වරයා ඒ ගැන සෙවීම අපරාධ පරීක්‍ෂණ දෙපාර්තමේන්තුවට බාර කෙළේය. කොටින්ම එසේ කිරීමෙන් අනතුරුව කොමසාරිස්වරයා අත පිසදා ගත්තේය. මේ සම්බන්ධයෙන් විමසූ විට ඔහු කියන්නේ අපරාධ පරීක්‍ෂණ දෙපාර්තමේන්තුව ඒ ගැන බලා ගනු ඇති බවකි.
      මේ දෙසැම්බරයේද සිදුවී ඇත්තේ එයමය. පුරුදු පරිදි සාමාන්‍ය පෙළ ප්‍රශ්න පත්‍ර පිට වීමේ සිද්ධිය ගැන සෙවීම අපරාධ පරීක්‍ෂණ දෙපාර්තමේන්තුවට පැවැරිණි. අධ්‍යාපන ඇමැති බන්දුල ගුණවර්ධන මහතා කිව්වේ 'මට විභාග දෙපාර්තමේන්තුව විශ්වාසයි' යනුවෙනි.
                සා. පෙළ විද්‍යාව ප්‍රශ්න පත්‍රයේ ප්‍රශ්න දහනවයක්ම ටියුෂන් ගුරුවරයකු වූ සම්පත් අත්තටගේ නැමැත්තකු විසින් ලබාදී තිබිණි. ඔහු අපරාධ පරීක්‍ෂණ දෙපාර්තමේන්තුවට පවසා තිබුණේ තමන් වසර ‍ෙදාළහක් තිස්සේ මෙම විෂය උගන්වන නිසා අනුමාන නිවැරැදි වූ බවයි. ඔහුගේ මැජික් බලයෙන් ඔහු විභාගයට එන ප්‍රශ්න ඉදිරියෙන් සිනා මුහුණක සලකුණක්ද දමා තිබිණි. එයද අත්දැකීමෙන් කළා විය හැකිය.ලැජ්ජාවක් නැතිව ඔහු කියන්නේ අවුරුදු විස්සක් තමා පොල් ගෑවේ නැති බවය එත් ගෑ පොල් වල තරම මේ දවස් කිහිපය තුල රටම දැක්කාය.


මෙවර ඇමතිවරයා දෙවාලයක ගොස් බාරයක් විය නමුත් දෙවියන් වත් ඇමති දෙස බැලුවේ නැත සුපුරුදු පරිදී සියල්ල සිදු විය .මේසේ පිටවිය හැක්කේ  මෙම ප්‍රශ්ණ පත්‍රය පමනක් නම් එය තවත් අවුලකි.මෙය බෙදා හැරියේ හෝල් කලාස් වලය මේවා ඉන්ජිවිජුවල් කලාස් විස්සක පමණ වුනා නම් කිසි කෙනෙක් අද දන්නේ නැත  අනෙක් ටිකට ඒ සෙතේ වුනාද අප දන්නේ නැත.
     මේ තරම් කරුණු තිබියදීත් විභාග කොමසාරිස්වරයා අදාළ ටියුෂන් ගුරුවරයා පිට වරදක් පටවන්නට සූදානම් නැත.
 'මව්බිම' ගවේෂණ මඟින් හෙළිදරව් වූ ආකාරයට මේ පිටුපස රජයේ මුද්‍රණාලයේ නිලධාරීන් සිටී. විශ්වවිද්‍යාලයක නිලධාරීන් දෙදෙනකු සිටී. ඉන් එක් අයකු විද්‍යාගාර සහායකයෙකි. මෙවර සාමාන්‍ය පෙළ විභාගයේ ගණිතය, බුද්ධාගම සහ ඉතිහාසය යන ප්‍රශ්නපත්‍රද පිට වී ඇත.මේවා නිසකවම අප සැමගේ ප්‍රශ්ණ්Aයි.

කොතෙකුත් ලීවද එක දිගට ලියාගෙන යා හැක මෝඩයන්ගේ වැඩ කියන්නට තවත් කාලය කැප කල යුතු නොවේ.ප්‍රශ්ණ 20 ම නිවරදිව පිළිතුරු ලිවූ ශිෂයා අද නිසකවම දුකේය.කනා ගැසු වැරදුනු නොලිවූ සිසුන්ට ද මේ ගොන් පොර හරි ෂෝක්ය.ලමායාගේ ඉදිරී ජීවිතය සදහා කරනා ‍තෝරා ගැනීමට මෙය නිසක බලපෑමක් වෙනවා නොවනු මානය.සතය සැම දෙනාම දනී නමුත් සියලු දෙනා අද තමාගේ පාඩුවේය.
අන්තිමට මෙහේම කියන්නම් "යුගයක දරුණුම ඛේදවාචකය කෝලහාල කරනා මිනිසුන්ගේ හැසිරීම නොව බුද්ධිමත් මිනිසුන්ගේ නිහඩ බවයි "


Read More

Thursday, December 20, 2012


කාමරයට ඇතුල් වන විටම බල්බය වරක් නිවී දැල් වුනේ මට ඔච්චමට මෙනි මේ කරුමක් කාර බල්බයට මතක නැති උනාට මං කොච්චර කල් මේකත් එක්ක හිටියා ද?

නිතතින් මගේ ඇස ගියේ මේසය මත වු ඔරලෝසුව වෙතටයි එහි වෙලාව රාත්‍රි 10ය සටහන්ව තිබුනි.තව ඇත්තේ පැය  කීය ද?මට හීල්ලින

මා කෙසේ හෝ මේ කතාවේ මූලය සොයා ගත යුතුයි.ඔබට නොතේරේද අප මූලය සොයා යා යුතුයි.
ඔබට එහි පැහැදිලි කිරීඅක් අවශ්‍ය ද?ඇත්තෙන්ම එය එසේ විය යුතුයි.මන් කියන්නම්..

අපි මේ හීන තරණය නතරා කල යුතුයි. අප මුලයක් සොයා ගත යුතුයි.

ඔබ සිතනවා ද ඔය ඔබ කියා නෑ ඔය ඔබ නොවේ නෑ මා අසිහියෙන් නොවේ ඔය ඔබ නොවේ මා එසේ කියන්නේ ඇයි මා තවත් ඔබට පැහැදිලි කරන්නම්
.ඔබ ඊයේ නිදාගෙන අවදිවූවා ද? නැත ඔයා මේ කියවන්නේ මේ හැමදේම හීනයක් ඔබ තාමත් නිදි තව පැය කිහිපයනින් සිදුවන ලොක විනාශයක් ඔබ හීනෙන් දකිනවා.අවදිවන්න කෙසේද ඔබට අවදි වන්නට බෑ.ඔය,,ඔබ හීනෙන් නොවෙ කියා මට ඔප්පු කරන්න කෙසේද?ඔබ කෙසේද?ඔබ කොනිත්තන්න රිදේවි.වතුර ඇග ගල්වන්න සීතල දැනේවි.ඔබේ සිහින ලෝකයේ සිතල සැබෑ ලෝකයේ සීතලම එකම සමනයි ඔය ඔබ හීනෙන්කොහොමද ඔබ නෑ කියන්නේ ඔබට බැහැ මූලය සොයන්න.ඔබට බැහැ!!!!

සුලග හමනවා සීතලයි එත් ඔබ තවමත් නිදි අවදි වන්න.අද අදව ඔබට උදා වුයේ නෑ මේ මේ ගෙවන්නේ ඔයා මේ ඉන්නේ හීනෙක මේක හීන ලෝකයක් ඔයාගේම ලෝකය ඔයාගේ හීන ලොකේ ඔයාගේ යාලුවා ඔයා දන්න මේ බ්ලොග් එක.
වෙලාව! වෙලාවට දෑස යොමු කරන්න ඔබේ ඔරලෝසුව පරිගණකයේ ඔරලෝසුව සිතන්න මේ ඔයාගේ හීනේ ඇතුලේ යන ඔරලෝසුවක් මේක බොරුවක් හීනයක් නැගිටින්න මේ ලෝකය ඉපදෙනවා මැරෙනවා මූලය සොයන්න බෑ එලියට යන්න ඔබට ඒක කරන්න බෑ මේ ඉන්නේ හීනෙන් හොද හුස්මක් අරගන්න ඇස් වහගන්න.දැන් අරින්න ඔය ඔය පියවි ලෝකය!ඔබට විස්වාසද ඔය හීනෙන් නෙවේ කියලා!!!


ඊයේ ලෝක විනාශය වුනේ නැද්ද?
Read More

" ලෝක විනාශය " විද්‍යාත්මක ගවේෂණ ලිපිය 2


දැන් ඉතින් ලෝක විනාශය ගැන නෑ නෑ කිය කියා හිටියාට පොඩ්ඩක් පොඩ්ඩක් මොකද වගේද? මොකෝ ඊයේ (16) ඉදන් දැන් පැය කීයක් ද තවම වහිනවා නේ.බයවෙන්න එපා ලොක විනාශයක් නැ.මේකයි  ලොකු තර්ක ගොඩාක් බලාපොරොත්තුවෙන් ලීව "ලෝක විනාශය විද්‍යාත්මක ලිපිය"ට කට්ටියේ තිබ්බ අඩු සැලකිල්ල නිසා මේක ලියන්න මට ලොකු උවමනාවක් ඇත්තෙන්න්ම කීවොත් "‍ෆිට්" එකක් තිබුනේ නෑ.

           මොනවා උනාම මොකෝ ඉස්සර පණ්ඩිත කමට කීවේ මගේ සතුටට ලිපි ලියනවා කියලා නේ.මොකද මේ බ්ලොග් ලෝකයේ ඉන්න අපේ ලිපි ලියන කිසිම කෙනකුට අඩුම ඉන්ටර් නෙට් බිල් එකවත් බ්ලොග් එකෙන් හම්බ වෙන්නේ නෑ නේ එකම දේ කීවොත් ආත්ම තෘප්තිය.කලින් ලිපියෙදී ඒක් මට හොදටම තේරුනා.අනික මන් හිතන්නේ බ්ලොග් කරුවෙක් තවත් බ්ලොග් කාරයකුට සලකන්න පුලුවන් හොදම විදිය කමෙන්ට් එකක් (මන් මේකෙන් අදහස් කලේ මගේ ලිපිවලට හැමෝම හොදම විදියට සලකන්න කියලා නම් නෙවේ.)ඔයාගේ කැමැත්ත මොනවා උනත් කියවන් කෙනකුට වඩා ලියන කෙනකුගේ හිත මේ කියන් දේ ගැන දන්නවා.ඉස්සර මගේ බ්ලොග් කියවන්න ආපු දැන් එන් නැති.සමහර වෙලාවට එන සමහර වෙලාවට නොයෙන,හැමදාම එන කමෙන්ට් කරන නොකරන අහම්බෙන් එන මේ එකී නොකී හැම දෙනාටම ආ අමතක උනා පොඩ්ඩක් හොද කියන ගොඩාක් බනින ඇනොලාට මගේ කෘතඥ පූර්වක ස්තූතිය.

              කට්ටිය බලනවාද මොකෝ මේ එක පාරටම බලනවාද මන් මොකද එක පාරටම මෙහෙම කීවේ ඇයි කියලා කතාව කැලේ ගියා තමා ඒ උනාට ලෝක විනාශය උනොත් අය කවදා මේ වචන ටික කියන්න ද.බය වෙන්න එපා ආයෙත් කියනවා එහෙම  දෙයක් වෙන්නේ නෑ එහෙනම් අපි කතාව පටන් ගමු.

    ලොක විනශයක කතාව ලොකු කරපු මේ මායාවරු කවුද?




ඇත්තටම මායාවරුන්ගේ ගල ඉවර උනාද අපි බලමු ඉස්සරහටත් කියවලා.


ඇත්තටම මායාවරු ඒ කියන්නේ මායා ශිෂ්ටාචාර ලෝකයේ පැවතුනු විශිෂ්ඨ ශිශ්ටාචාර වලින් එකක් ඒත් ඒ විශිෂ්ට ශිෂ්ටාචාරය ලෝක විනාශයට දායක වෙන්නේ කෙසේද?ඒ දේ සිද්ද වෙන්නේ සරල නොහොත් අහඹු සිද්ධියකින්,
මේ ලිපියෙන් ඒ ගැනත් සැකවින් විස්තරයක් කිරිමක් අවශ්‍ය වෙයි කියලා මන් හිතනවා ඇත්තටම මේ මායාවරුන් ලෝක විනාශයට සම්බන්ද වෙන්නේ කැනීමක් කල පුරාවිද්‍යාඥයන් පිරිසිකට පින් සිදුවන්න.ඔබ හට ඒ විස්තරය ගෙනහැර පෑමට හොද සිංහල ලිපියක් මල් කැකුළු  සතුව තිබී මට හමුවිය එහි කෙටියෙන් මෙසේයි.

පුරාවිද්‍යාඥයන්ට හමුවුණා, ගෝතමාලාවේ ලා කොරෝනා කැණීම් බිමෙන් ගල් පඩි පෙළක කොටස් වගයක්. මායා කැලැන්ඩරයට අනුව 2012 දෙසැම්බර් 21 වැනිදා ‘අවසාන දිනය’ යැයි කියවෙන බව එහි කොටා ඇති රූපාක්ෂරවලින් (hieroglyphics) හෙළිවෙනවා කියල ඔවුන් කියනවා. ‘අවසාන දිනය’ ගැන සඳහන් වූ දෙ වන ශිලා ලේඛනය එයයි.

වසර 1,300ක් පැරණි ඒ සෙල්ලිපි දසක ගණනාවකින් හමු වූ වඩාත් ම වැදගත් රූපාක්ෂර ලෙස සැලකෙනවා.  මේ බිමෙහි පුරාවස්තු කොල්ලයට ආ අය විසින් අතහැර දමා ගිය මේ සෙල්ලිපි පුවරුවලින් ඓතිහාසික තොරතුරු පවා හෙළි වෙනවා. අවසාන දිනය ගැන සඳහන් කොටසේ රජුගේ නැවත පැමිණීමක් ගැනත් සඳහන් වෙනවා.

 ”ඒ කාලයේ මායා කලාපයේ විශාල දේශපාලන කැලඹිල්ලක් පැවතුණා. රජතුමාට සිදුවුණා, ඉඟි කරන්නට විශාල කාල චක‍්‍රයක් අවසානයේ 2012 දී ලෝකය අවසන් වීම සිදු වන ආකාරයෙහිලා දක්වන්නට.” යයි ඔස්ටින් නගරයේ පිහිටි ටෙක්සාස් විශ්ව විද්‍යාලයේ ඬේවිඞ් ස්ටුවර්ට් කියනවා.
 ඔහු තමා මේ ස්ථානයේ කැණීම් මෙහෙයෙව්වේ.

තුලේන්හී මිඞ්ල් ඇමරිකන් රිසර්ච් ඉන්ස්ටිටිටුට් අධ්‍යක්ෂ මාසෙල්ලෝ ඒ. කැනුටෝ ගෝතමාලාවේ ලා කොරෝනා කැණීම් බිමෙහි මතුකර ගෙන ඇති ශිලාලේඛන පරීක්ෂා කරන අයුරු.



 මායා ගෝති‍්‍රකයන් බොහෝ දෙනෙකු නම් කියන්නෙ මේ ලෝක විනාශය පිළිබඳ අනාවැකිය බටහිර අයගේ අර්ථ දැක්වීමක් විතරයි කියලයි. ඒක කාලයේ අවසානයක් නොව නව යුගයක ආරම්භයක් කියලයි ඔවුන් විශ්වාස කරන්නෙ.

 මේ ආකාරයට ලෝකාවසානයක් යොමු කර ඇත්තේ අවුරුදු 5,125ක චක‍්‍රයකට පසුවයි. මායාවරුන්ගේ දීර්ඝ ගණන් කිරීමක් ඇතුළත් ඒ කැලැන්ඩරයේ ආරම්භ වුණේ කි‍්‍රස්තු පූර්ව 3113දීයි.

 ”කතාව පටන් ගන්නේ සුමේරියන්වරුන් සොයා ගත් නිබිරු (Nibiru) නම් ග‍්‍රහයා පෘථිවිය දෙසට හඹා ඒමෙනුයි. ඒ ප‍්‍රවාදය පුරාණ මායා කැලැන්ඩරයේ එක් කාල චක‍්‍රයක අගට, එනම් 2012 ශිශිර සූර්ය නිවෘත්තිය හා සම්බන්ධ කරල තියෙනවා.”

 ”මේ ලේඛනයෙ තියෙන්නෙ අනාවැකියකට වැඩිය පුරාණ දේශපාලන ඉතිහාසයයි” එහෙම කියන්නේ ලා කොරෝනාවල කැණීම් බාර සහකාර අධ්‍යක්ෂ මාසෙල්ලෝ ඒ. කැනුටෝයි. 2008 සිට කැනුටෝ හා ගෝතමාලා විශ්ව විද්‍යාලයේ තෝමස් බැරියන්ටොස් යන දෙදෙනා කලින් කොල්ලකරුවන් විසින් හාරා දමා ගිය ලා කොරෝනා නම් ස්ථානයේ කැණීම් මෙහෙයෙව්වා. ”

ගිය අවුරුද්දේ අපට හමු වුණා, කැටයම් කළ ගල් පුවරු වගයක්, මෙහි පුරාවස්තු කොල්ලකරුවන් ගේ අවධානයට ලක් නොවුණු. ඔවුන් කැඞී බිඳී ගිය මේවා කෞතුක වස්තු ලෙස සොරා ගෙන ගොස් විකිණීමට තරම් වටිනාකමක් නැතැයි සිතා දමා ගිය ඒවායි.” කියන බැරියන්ටෝස්, ”ඔවුනට මෙහි තිබී වටිනා දේ හමුවන්නට ඇති. ඒත් මේවායේ වැදගත්කම වැටහී නැහැ.” කියනවා.




 
අලූත සොයා ගන්නා ලද මායා කැලැන්ඩරයේ අවසාන දිනය සඳහන් වුණු ශිලා පුවරුව.

 
අවසන් දිනය සඳහන් මේ දෙවන පුවරුව හමු වූයේ ගෝතමාලාවේ මේ කැණීම් බිමෙහිදියි.

 
කොල්ලකරුවන් විසින් අතහැර දමා ගිය ගල් පුවරුවක ඇති රූපාක්ෂර.

 
මෙය දසක ගණනාවකින් ලද වඩාත් වැදගත් ම රූපාක්ෂර ගල් පුවරුව කියලයි කියන්නෙ.

 
තුලාන්හි ඇමරිකානු පර්යේෂණායතනයේ අධ්‍යක්ෂ මාසෙල්ලෝ ඒ. කැනුටෝ ගෝතමාලාවේ ලා කොරෝනා කැණීම්වලදී හමුවූ රූපාක්ෂර පුවරු පිරික්සමින්.

 
ගෝතමාලාවේ මායා දෙවොලක්. මායා කැලැන්ඩරයට අයත් ගණනය කිරීම් රැසක් මෙහි බිත්තිවල තියෙනවා. එසේ කළු නිල ඇඳුමින් සැරසුණු මිනිසුන්ගේ රූපවලින් ද ඒවා සරසා තියෙනවා.

 
ගෞතමාලාවේ ලා කොරෝනාවෙන් හමු වී ඇති වසර 1300ක් පැරණි ශිලා රූපාක්ෂර පුවරුවක්.

ගෝතමාලාවේ ටෝටුගුවේරෝ දෙවොල මෙන් දෙවොලවල මේ ‘අවසන් දිනය’ දැක්වෙන කැටයම් කළ පුවරු තියෙනවා. මේ මායා රූපාක්ෂරවලින් කියවෙන ලෝකාවසානය පිළිබඳව හැත්තෑ ගණන්වල සිට මේ දක්වා පොත් සිය ගණනක් ලියැවී තියෙනවා. ඒවායින් බොහොමයකින් කියැවුණේ නිබිරු නම් ගුප්ත ග‍්‍රහ ලෝකය ඇවිත් පෘථිවියේ හැපීමෙන් හෝ කළු කුහරයක් විසින් ගිල ගැනීමෙන් හෝ පෘථිවිය විනාශ වන බවයි.

 කැනුටෝ හා බැරියන්ටෝස් යන දෙදෙනා විසින් මෙහිදී සොයා ගෙන ඇත්තේ ගෝතමාලවේ දී මෙතෙක් හමුවූ දිගම ශිලාලේඛනයයි. ඒවා කොටා ඇත්තේ ගල් පඩිපෙළකයි. එහි ලා කොරොනා ඉතිහාසයේ වසර 200ක් තිස්සේ වූ සිදුවීම් කොටා තියෙනවා. මෙහෙම කියන්නේ 1997 සිට එහි ගවේෂණ කටයුතුවලට සම්බන්ධව සිටින ඬේවිඞ් ස්ටුවර්ට්. ඔහු ටෙක්සාස් විශ්ව විද්‍යාලයේ මීසෝ ඇමරිකා මධ්‍යස්ථානයේ අධ්‍යක්ෂවරයායි.

 මේ ගලේ කොටා ඇති රූපාක්ෂර කියවීම ඔහු පසුගිය මැයි මාසයේ දී ආරම්භ කළා. මේ පඩිපෙළෙහි ඉතා ඉවසීමෙන් විචිත‍්‍ර ලෙස නෙලා ඇති රූපාක්ෂර පුවරු 56ක් තියෙනවා.

 කි‍්‍ර.ව. 696 දී එකල ජීවත් වූ බලවත්ම මායා අධිරාජයා ලා කොරෝනාවට සැපත් වීම ගැන සිහිපත් කරනු සඳහායි, එහි සටහන් තබා ඇත්තේ. එහි සඳහන් වන්නේ ඒ රජුගේ නම ‘කලක්මුල් හී යුක්නූම් යිච්ආක් කහාක්’ කියායි. කි‍්‍ර.ව. 695 දී ඔහුගේ දිගුකල් සතුරකු වූ ටිකල් විසින් ඔහුව පරාජය කරනු ලැබූ පසු මාස කීපයකට පසුවයි, ඔහු මෙසේ පැමිණෙන්නේ.

 මේ ගැන අධ්‍යයනය කළ විශේෂඥයන් කියන්නේ ඒ සටනෙන් පසු ඔහු මියගිය බවයි. ඔහුගේ පරාජයෙන් පසු ඔහු මිතුරන් තුළ ඇති වූ බිය පහ කරනු සඳහා යළි ආ බවයි එහි දැක්වෙන්නේ.

හිසරදයක්ව තිබූ මායා කතාවෙත් ඇත්ත තිත්ත  දැක්කානේ...
හැමෝම කොහොමද මෙහෙම කියන්නේ?එහෙනම් කොහොමද මේක මේ තරම් ප්‍රචලිත වුනේ?

මේ ගැන ලොකු විස්ථරක් මං පහුගිය ලිපියෙන් පැහැදිලි කලා ඒහි සදහන් නොකල කරුණ නම් ලොක විනාශය අලලා නිර්මානය වු විශිෂ්ඨ ගණයේ චිත්‍රපට විශිෂ්ඨ  මිනිසාගේ චින්තරන කාබාසිනියා කරලන්නට උල් පන්දම් දීමය.එහි බලපෑම වැඩිකරන්නට බෝතල් පත්තර මාධ්‍යයේ විශිෂ්ඨ සහය නොමදව ලැබුනා ඔබත් මමත් පිංසිදු වන්නට ලොක විනාශයක් දැන ගන්නේ එසේයි.


2003 දී ලෝක විනාශයක් සිදු වන්නට ගියා එදා මේ ත්තවය උදා නොවුනේ විශිෂ්ඨ මාධ්‍ය මෙහෙවරක් නිසාමය .

කෙසේ වෙතත් මේ ලිපියට මූලය වු ගැහැණු ලමායාට නිසි පිළිතුරක් ලබා දීම උවමනාය.නසා එක මෙසේ පවස ඇත.

ප‍්‍රශ්නය: දෙසැම්බර් 23 වැනිදා සිට 25 තෙක් ලෝකය අඳුරු වෙනවා යැයි පැවැසෙනවා. මෙහි ඇත්ත නැත්ත කුමක්ද ? නාසා ආයතනය ඒ බව තහවුරු කරනවාද ?

පිළිතුර: කොහෙත්ම නැහැ. නාසා ආයතනය හෝ වෙනත් විද්‍යා ආයතන හෝ එවැනි අනාවැකි පළ කර නැහැ. ඒක මහ බොරු අදහසක්. ඒ අදහසට පාදක වී තිබෙන්නේ ග‍්‍රහලෝක එක එල්ලයට පිහිටීමක් මුල් කර ගනිමින්. ග‍්‍රහලෝක එක එල්ලයට පිහිටද්දී, සූර්යයා වැසී යන බවත් එවිට පෘථිවිය අඳුරු වන බවත් පැවැසෙනවා. ඒත් එවැනි දෙයක් සිද්ධ වෙන්නේ නැහැ.

එහෙනම් ඉතින් කට්ටියටම බය වෙන්න දෙයක් නෑ ඔන්න ලෝක විනාශයක් ලග පාතක නෑ.මේ අපේ ජනාධිපතිතුමත් කියන්නේ... :)

Photo: ඔයාලත් මේකට එකඟයිද? එහෙනම් like  කරන්න. කියන්න කියලා මොනවම හරි දෙයක් තියෙනවනම් comment එකක් දාන්න. සෙට් එකේ කට්ටියත් එක්ක බෙදාගන්න ඕන කියලා හිතුණොත් share කරන්න. මොකද කියන්නේ like කරනවද? comment කරනවද? එහෙමත් නැත්තන් share කරනවද?



Read More

Recent Posts

"

15. පව් කරන තැනැත්තා මෙලොව දී ශෝක කරයි. පරලොව දී ශෝක කරයි. දෙලොව දීම ශෝක කරයි. තමා ගේ අපවිත්‍ර ක්‍රියාවන් දැක ඔහු ශෝක කරයි, බොහෝ සෙයින් ශෝකයට පත්වෙයි.

15. The evil-doer grieves here and hereafter; he grieves in both the worlds. He laments and is afflicted, recollecting his own impure deeds.

"

-ධම්ම පදය | Dammapadhaya