Showing posts with label ශ්‍රි ලංකාව. Show all posts
Showing posts with label ශ්‍රි ලංකාව. Show all posts

Tuesday, April 19, 2016

Green Spine | හරිත කොදුඇටපෙලේ කථාව

ඔව් කාලෙකින් ලිව්වේ නෑ තමා ඕක ඉතින් පොස්ට් එකක් ලියන්න පටන් ගන්න හැමදාම කියන කථාවනේ.කොහොමද පාඨකය අවුරුදු අවුරුදු ආවා ගියා මන් ඉතින් අවුරුදු ගැන රස කථා පොස්ට් ලියන්න ඕනි නෑ නෙ මූනූ  පොතේ රවුමක් ගියානම් ඇති පදමට පදම් වෙලා එන්න පුලුවන්.නිවාඩුවත් ඉවරයි හෙට අහපවු කැම්පස් යන්න පටන් ගන්න වෙනවා ඉතින් ඊට කලින් ලියන්න පටන් ගන්න හිතුනා කථාවක් ලියනව ද නැත්නම් මයියාගේ හයිකින් රිපෝට් එකක් ලියනව ද ලියනවා නම් හයිකින් රිපෝට් තොගයක් ලියන්න පුලුවන් ලියන්නම්ම කියලා හිතාගෙන ඉන්න රිපෝට් කිහිපයක්ම තියනවා. බෙලිහුල් ඔය ඉදලා නයගරක් ව්ර්ල්ඩ්ස් එන්ඩ් හරහා ඔහියට හිය ගමන නකල්ස් දුම්බර මිටියාවතේ ගත කරපු ‍රැය එතකොට අලුත්ම කතාව තමා GreenSpine එහෙමත් නැත්නම් හරිත කොදුඇට පෙලක කතාව කොහොම කොහොම හරි ඔය ඔක්කොම ලියන්න හිතාගෙන ඉන්නවා.එහෙනම් අලුත්ම කථාව ලියන්නම්.


පාඨකය  මන් නුවර කොලඹ  ඒසී බස් එක්ක ගෙදර එන ගමන් ඒ කියන්නේ නුවරට එන ගමන්  මන් ඉදගෙන හිටිය සීට් එකේ අනික් පැත්තේ හිටියේ කෙල්ලක් කෙල්ලක් කීවට කෙල්ලක්ම නෙවේ දෙව්දුවක් වගේ ඒ ඇස් දෙක ඒ තොල් දෙක... .දන්නවද ඒ කෙල්ල එක පාරටම..හෝව් හෝව් පාඨකය මේ කියන්න යන්නේ වැරදි කථාවක් කරන්න දෙයක් නෑ මන් ලියන්න පටන් ගත්තේ GreenSpine කියන කථාවනේ එහෙනම් ඒක් කියවමු.ඔන්න ඔය කියන්න පටන් ගත්ත විදියට මන් කොහොම හරි ගෙදර ආවා. ගෙදර ආවේ 18 උදේ පාන්දර පිටත් වෙන ගමනකට අවැසි කලමනා ටික ලෑස්ති කරගන්න.මේක දවස් පහක ගමනක්.

ඔය කියන හරිත කොදු නාරටියේ වැඩේට මට ආරාධනාව ලැබුනේ සුදාර අයියාගෙන් GreenSpine කියන්නේ අවුරුදු ගානක් තිස්සේ පිඹුරුපත් සකස් කර කර හිටපු ගමනක්.ගිය අවුරුද්දේ අප්‍රේල් වලත් සූදානම් වෙච්ච ගමන් නොයකුත් හේතූන් නිසා මේ අවුරුද්දට කල් පැනපු නිසා මට මේ පාර අවස්ථාවක් ලැබුනා මේ ගමනටැකතු වෙන්න.මහේෂ් කේ. සහ චමිල් අයියාත් රාජ් අයියාත් මේ ගැන කථා කලත් මේ ගැන සැකවින් විස්තර දැන ගන්න ලැබුනේ සුදාර අයියා ගමනට යන කණ්ඩායමට එකතු කර ගත්තාට පසෙයි.මෙකී කණ්ඩායමට තවත් කිහිප දෙනෙක් සහභාගි වීමට සිටියත් නොයෙකුත් හෙතුන් මත අවසානයේ පස් දෙනෙකුගෙන් යුත් කණ්ඩායමක් GreenSpine ගමනට ලක ලෑස්ති වුනා.
        පාඨකට දැන් ඔබට ලොකුම ගැටලුව මොකක්ද මේ GreenSpine නැත්නම් හරිත කොදු ඇටපෙල කියල.සරලවම කීවෙත් අවුරුදු ගානක් සකස් කරපු පිඹුරුපත්වල අඩුවීම වැඩිවීම් මැද්දේ අවසාන GreenSpine මෙහෙයුම උනේ දවස් පහකින් කිලෝමීටර් 81-100 අතර (අප සිතියම් හා Google මැප් ආධාරයෙන් කල ගණනය කිරීම අනුව.සැබෑ කදු වැටි වලදී මෙය මීට වඩා වැඩිවිය හැක.) දුරක් කැලය මැදින්  මහනුවර දිස්ත්‍රික්කයේ මාතලේ නාවුල සිට රංටැබේ ජලාශය දක්වා දවස් පහකීන් ගමන් කිරීම.මේ සිතියම් ගත් කිරීම අනුව

01.රතනගල
02.බට අඩු කපොල්ල
03.කිරිමැටියා කන්ද
04.මාවුස්සාහිරීය
05.පිටවල පතන
06.හෙටන්වෙල
07.රත්මෙටිය
08.කිරිගල්පොත්ත
09.ගොම්බානිය
10.නකල්ස් කදු මුදුන් පහ
11.අලියාවැ‍ටුන ඇල්ල
12.කොබෝනීල ගල
13.දෝතොලු ගල

ප්‍රදාන භූ සටහන් ලෙස අප සිතියම් ගත කල මාර්ගයේ  ප්‍රදාන ස්ථාන හදුන්වා දිය හැකියි.අන්න ඕක තමා කථාව කෙටියෙන්ම කීවොත් GreenSpine කියන්නේ දැන් තේරෙනවා ඇතිනේ කොච්චර අමාරු අභියෝගයක්ද කියලා.අපේ අරමුන වුනේ දවසකට කිලෝ මීටර් 20ක ප්‍රමාණයක් ආවරණය කර ගනීම ලොකුම අභියෝග කිහිපයක් තිබුනා.




01.අප එක් කෙනෙකුගේ බැක් පැක් එක්ක බර කිලෝ 20-30 අතර තිබුනා (ආසන්න වශයෙන්) ඒ බරත් එක්ක අපගේ ගමන් වේගය තීරණය වුනා.
02.දවසින් දවස අපගේ තෙහෙට්‍ටුව  වැඩිවීම.
03.අප සිතනවාට වඩා පරිසර පද්ධති වල ඇති විවිධත්වය.සිතියම් හෝ Google මැප් වලට වඩා සැබෑ පරිසර පද්ධති වල විවිධත්වය.
04.කාලගුණ වෙනස් වීම් අධික හිරු එළිය හා වැසි ත්ත්වයන්.
05.ශාරීරක අපහසුතා හා හදිසි අනතුරු හා ආබාද / සත්තුන් ගෙන් සිදුවිය හැකි අනතුරු.

ඔන්න ඔය විදියට තමා සරලවම කියනවා නම් හරිත කොදු ඇට පෙල නොහොත් GreenSpine කථාවේ සාරාංශය.දැන් තේරෙනවා නේ පාඨකය මේ සදහා කණ්ඩායම් සාමාජිකයකු ‍තෝරා ගනිද්දි තියන බැරෑරුම් කම. ඔය හයිකින් කියන කතාවේ කැහිල්ල හොදටම  අමාරුව වැඩි වෙච්ච ගමනක් තමා මේ ලැස්තිය.දැන් කණ්ඩායම ගැන කියන්නම්


අංක එක-සුදාර අයියා තමා මේ පිඹුරුපත් මූලික සියලු සැල්සුම් සකස් කරලා අපිට කතා කලේ මේ මනුස්සයාගේ අවුරුදු නිවාඩුව වියට්නාම් වල ඉදලා ලංකාවට ගොඩ බැහැලා ගමන යන්නයි ලැස්තිය.



අංක දෙක- මහේෂ් කේ. ඒ කියන්නේ මගේ නමේ අනික් කොපිය මහේෂ් අයියා මිනිහා හිතන් ඉන්නේ හෙනම සොෆ්ට්වෙයා ඉන්ජිනියර් කියලා ඒකනේ  බොසාටත් කොක්ක දාන්නේ.සුදාර අයියා මෙහෙට එනකම් මිනිහා තමා එහෙට මෙහෙට දුවලා මේ ගමනට අවැසි කලමනා ලක ලැස්ති කලේ.ගමන ඉවර වෙනකොට  මිනිහට භූමිතෙල් මෑන් කියන්න පුලුවන් නැත්නම් සීරියල් මෑන් කියන්නත් පුලුවන්



අංක තුන-අපේ කණ්ඩායමේ ඩොකා මේ මෙහෙයුමේ වැදගත්ම මනුස්සයා මනුස්සයත් සිංගප්පූරුවේ ඉදන් මෙහෙට ගොඩ බැස්ස ගමන්ම තමා ගමනට සෙට් වෙන්නේ.ඉන්දියාවට පුදුම ලැදි කමක් තියෙන්නේ මනුස්සයෙක්.මිනිහා මේ ගමන් ඉවර වෙනකම් ඉන්නවාද ඒක අපි බලමු ඉස්සරහට.



අංක හතර-හරි නිවිච්ච මනුස්සයෙක් කැලේ ඉන්නකොට විතරක් අපේ සිංහල වෙදා නොහොත් භාක්ෂර ලවණය.මෝක්ෂර ඉන්ජිනේරුවා.නැවිගේශන් කරලා ඇටන්වලයි වල්පොල මුල්ලයි නිසා මිනිහා තව පොඩ්ඩෙන් ක් ස නිකව පත්තු කරගන්නවා.



අංක පහ-ඔව් දැන් ඉතුරුවෙලා ඉන්නේ මන් නේ මන් තමා


ඔන්න ඔය කියන පස් දෙනා තමා කණ්ඩයම.මෙතන ඉන්නේ මේ ගමන් ගිය පිරිස විතරයි.මෙකත් එක්ක එක දිගට හිටපු කිහිප දෙනකුත් ඉන්නවා.ඔන්න ඔය කියන පස් දෙන.මේ කියන ගමන යන්න ලැස්තියි.18 පාන්දර ගමන් පීටත් වෙනවා පාඨකය අපි තව  ඉස්සරහාට කියවමු.ඊලඟ කොටසින් හමුවෙන්නම් ජය ශ්‍රී!

ඔන්න දැන් පැතුම් අයියා මේ නමින් වැදගත් වැඩක් පටන් අරන් තියනවා බලාගෙනම යන්න ඒකත් Green Spine, Reforestation Project


සුභ අලුත් අවුරුද්දක් වේවා!

Read More

Saturday, August 30, 2014

හන්තානට පායපු සඳ කතාවේ දෙවැන්න

එහෙනම් ආවඩා ආයුබෝවේවා කියලා මේ පටන් ගන්නේ හන්තානට පායපු සඳ කතාවේ දෙවැන්න පළමු කොටස නොකියවපු අය කියවලාම එන්න එහෙනම්..



පළමු කොටසේදී අපි තවත් වනාන්තර පෙදෙසකට ඇතුලු වෙලා හිටියේ මේ වෙනකොට වෙලාව 4ට ආසන්නයේ හෝ හතර පහු වි තිබෙන්නට ඇත එ වෙනවිට නැවතත මඳ වැස්සක් පටන් අරන් තිබුනේ එනිසාම හෝ මේ දින කිහිපය තුල තිබූ  වැසි සහිත කාලගුණය මේ පරිසරය මේ තරම් තෙත් කරන්නට ඇත යටි වගාවෙන් තොර වූ මේ වන ලැහැබ අපට එතරම් අපහසුවක් ගෙනාවේ නැත.වන සතුන් ගමන් කිරීම නිසා සැදී තිබු යම් තරමක් දුරට පැහැදිලි අඩිපාරවල්ද දැකිය හැකිව තිබුනා දිය පහරවල් කිහිපයකින්ද යුක්ත වූ නිසාම එම කලාපයෙහි තෙත් ගතිය වැඩි කරන්නට  ඇත.




           මේ වන විට කණ්ඩායම් සිත් මදක් කලබල ගතියක් තිබෙන්නට ඇත මන්ද පැය දෙකක් ඇතුලත තවත් සැහෙන දුරක් ගමන් කල යුතු වූ බැවිනි එහෙත් කිසිවෙකුගේ මුහුණු වල සතුට හැර වෙන දෙයක් දක්නට නොවීය වෙලාව 4.15පසුවී තිබෙන්නට ඇත ඉතා දැඩි මීදුමකට වනයෙන් එලියට එත්ම අපට මුහුන දෙන්නට සිදුවිය දැඩි බෑවුම් සහිතව හා තෙත පරිසරයක එලිමහන් භූමියකට අප එලබ සිටියෙමු එහි බැවු බව වැඩි තැකීමක් නොකලේ මීදුම හා ලිස්සීම වැඩි නිසාමය  උස් නොවූ තෘණ පදුරු වලින් මෙම පෙදෙස ගහන විය අතර මගදී හමු වූ දිය පහරින් අප සැම අපගේ වතුර බෝතල් පුරවා ගත්තේ චමිල් අයියාගේ අදහසක් පරිදීය සැලකිය යුතු ගමනක් අපට ඉතිරිව ඇති බැවිනි වතුර බෝතල් පුරවා ගුලූකෝස් ස්වල්පයකුත් චොකලට් පෙත්තකුත් අප බඩට දාගෙන නැවත ගමන් ආරම්භ කලෙමු ඒ වන විට අප GPS රුට් එකේ වරදක් නොමැතිව ගමන් කලෙමු..ගූගල් මැප්ස් ආධාරයෙන් අප ඒ වන විට මාර්ගය නිරීක්ෂණය කලේ දැඩි මීදුම නිසාවෙනි..නැවතත මිටර් දෙක තුනක් පලල ව්න ලැහැබකි එය පහසුවෙන්ම තරණය කර  නැවතත් උස් නොවූ තෘණ සහිත බූමියකට පැමිණ සිටියමු..ගූගල් මැප්ස් හි සටහන්ව ඇති පරදී කදු මුදුනේ සිට බටහිර බෑවුම අවසාන වෙන තෙක්  තරමක් ඝණ වන ලැහැබක් පැතිර තිබුනි..තිබු එකම විකල්පය එය තරණයයි තව පැයයි විනාඩි විස්සකට නොවඩු කාලයකදී  අඳුර අපව ලුහුබදිනු ඇත..අප ඉක්මන් කල යුතුය...ඉක්මනින් වන ලැහැබ ලගට අප එළිමහන් භූමිය පසුකර පැමිණ සිටියෙමු..



              නොසිතු ලෙස අවාසනාව අපව සොයා ආවාදැයි සැකයකි..එහි යටි වගාව ඉතා ඝණව පිහිටා තිබුණි වනයට ඇතුලු වීම පවා දුශ්කරව තිබුනි වනයට ඇතුල් විය හැකි තැනක් තිබේද බලන්නට මේ වන විට අපි යුහුසුලුවෙමින් සිටියෙමු..කවින්ද සහ අනුශ්ක එක තැනක් කපා වන ලැහැබට ඇතුල් වීමට උත්සහ කරමින් සිටියේය.අවසන යනු අප එක් දින ගමනක් නිසා පිහි ලණු ආදි අනෙකුත් කිසිම කලමනා ගෙන ගොස් නොතිබුනි එසේ හන්තාන මෙසේ අමාරු වේ යැයි කිසිම විටක් අප බලාපොරොත්තු නොවුනෙමු..කණ්ඩායම එක් තැනක නවතා මද චමිල් අයියාද කදු මුදුනය ගොස් වනයට ඇතුල් වන්නට තැනක් ඇත්දැයි පරීක්ෂා කර බැලුවෙමු.එහෙත් වනයේ ව්‍යාප්තිය එක දිගට එකම ලෙස විය අප පහලට එන විට අනුෂ්ක සමග පිරිස ඇතුලට යාමට මගක් පාදාගෙන තිබුනි..ඇතුලට ගියේ බඩගාගෙන මෙනි ඇතුල් වූ පමනින් උස් ගස් සහිත නිදහස් භුමියකි  වැසි සමයෙහි තද වතුර පහරක් ගලා යන ලකුණු දක්නට ලැබුණි.නමුත් ගැටලුවකි අප එතන සිරවී සිටියෙමු ඉදිරී මාර්ගය තද වැල් වලින්ද පදුරු වලින්ද ගහන වි තිබුනි..නැවත අදුරද මී දුමද වැඩී වෙන ලකුණු දක්නට ලැබුනි.පාර වැරදී නැත නමුත් අවහිරව තිබුණි.

   මේ වෙලාවේ සියලු සිත් තුල තිබූ සැහැල්ලුව පහව ගොස් තිබූ බැව් සියලු දැස් වල දිස්විය.එය මා හද තුලද විය අද වන විටත් මා හට ඒ අවස්තාවේ එවැනි කණ්ඩායමක් සමඟ  සිටීම ගැන ආඩම්භරයකි මන්ද ඒ වෙලාවේ සියලු දෙනා වචනයක් හෝ පැවසුවේ ඉදිරි ගමන ගැන හෝ විකල්පයක් ගැන මිස තමා තුල ඇතිවී තිබු පිඩනය සැහැල්ලුව පහව යෑම කණ්ඩායමේ ගමනට අදාල නොකර ගතේය.මේ වන විටත් කවින්ද හා අනුෂ්ක ඉදියට ගමන් කිරීමට මාර්ගයක් පාදා ගැනීමේ උත්සහයක නිරතව සිටියාය.අප නැවත ගූගල් මැප්ස් ආධාරයෙන් ගමන් මාර්ගය පිරික්සන්නට පටන් ගතෙමු ඒ නිදහස් බිම් කඩක් හෝ කැලෑව අඩු ප්‍රදේශයක් මේ  ප්‍රදේශය පසු කිරීමට  අපට සොයා ගත හැකිවේ දැයි බැලීමටයි.ඒ වෙලාවේ ගූගල් අපිට උදව් නොකලාය ඔහු සතුව අපට උපකාර කිරීමට හැකි කිසිවක් නොතිබුනි.
         දැන් අපගේ අරමුණ කෙසේ හෝ මෙතෙනින් මර්ගයක් පාදා ගැනීමට උතසහ කීරීමයි.අනුශ්ක හා කාවින්ද ඉදිරියද සමීර හා චමිල්ද කැලයෙන් උඩටද ගමන් කොට ඉදිරියට යාහැකි මාර්ගයක් ඇත්දැයි සොයා බලදී ඉතිරි හතර දෙනෙක් ඉතිරි කොට මා ද නුරංග  අයියාද පහලින් කැලයෙන් පිටවීමට තැනක් ඇත්දැයි සොයා බැලීමට කැලය තුලට ගමන් කලෙමු අවසනාවකි සැම මාර්ගයක්ම ඉතා දුශ්කර ලෙස අවහිරව තිබුනි කරුමයකි අප සතුව ඇත්තේ කුඩා සුවිච් පිහියක් හා එක් රම්බෝ පිහියක් පමනි මේවාගෙන් අපට කෙසේවත් ගස් හා ගැටිය නොහැකි.සියලු දෙනා නැවත බලා පොරොත්තු කඩව එක් තැනකට එක්වී සිටියෙමු.


                       නැවතත් හිටපු තැනටම වෙලාව ගැන මා සතුව මතකයක් නැත කෙසේ වෙතත් දැන් වෙලව සවස පහ පසුවී තිබෙන්නට ඇත.මෙය කන්දේ බටහිර බෑවුම වුයේ අපගේ වාසනාවට මෙනි මන්ද වැහි බර කලගුණයේදීත් තවමත් ආලෝකය අප සතුව එක්ව සිටී.නැවත තීරණයකට පැමිනියෙමු.අනුශ්ක සමග කවින්ද නැවත කැලෑ ප්‍රදේශයෙනි එලියට ගොස් කදු මුදුනට කැලය අයිනෙන් ගමන් කොට නැවත කැලයට යා හැකි තැනක් ඇත්දැයි සොයා බැලිය යුතුයි.එතැක්  අනෙක් සියලු දෙනා මෙතැන ‍රැදී සිටිය යුතු අතර නුරංග අයියාද චමිල් අයියා ද මා ද නැවත මා සහ නුරංග ගමන් කල මාර්ගයේ ඉදිරියට ගමන් කොට ඉදිරියට යා හැකි දැයි සොයා බලනු ඇත.අපගේ දෙවන ගමන ද අසාර්ථකය ඉතා ඝන ක‍ටු ලැහැබකින් අපට ඉදිරියට යා  යුතුයි එය අවසාන ලෙස තොරා ගතහොත් දැඩි තුවාල සහිතව අපට බඩගාගෙන කැලයෙන් එලියට යා හැක නමුත් එතැනින් එහා දැඩි බැවුමක් හමු වූවොත් අප නැවත මෙතනට පැමිණිය යුතුයි.අප ඒ අදහස අතැහැර දමා නැවත පිරිස සමග එක වුනෙමු.අනුශ්ක සහ කවින්ද සහ මහේෂ් අයියා මාර්ගයක් සොයා ගෙන තිබුනි.


                                     අප නැවත ආ මාර්ගයෙන් කැලයෙන් එලියට පැමින කන්ද උඩට ගියෙමු එලස ගමන් කොට නැවතත් ඝණ යටි වගාවක් පසු කොට කැලයට ඇතුල් වුනෙමු.මෙවර අප වාසනාවන්තව සිටියෙමු ඒ ඌරන් ගමන් කල මාර්ගයක්ක් වන්න්නට ඇත එම නිසාම අපට අපහසුවකින් තොරව ඉදිරියට ගමන් කලෙමු.
පාඨකය අප නැවතතත් අසමත්ය අප නැවත් කැලය පිරා කලින් සිටි තැනට මදක් ඉහලින් නැවති සිටියෙමු.......................නැවතත් පල්ලම් බැස කලින් තැනටම ගියෙමු අපි ඉතා අවසනාවන්තව සිටියෙමු නමුදු කිසිවෙකු උත්සහය අත් නොහලෙමු විටවීමට මාර්ගයක් සෙවූවෙමු..මට ඒ වේලාවේ තිබූ තත්වය ඔබට පැහැදිලි කිරීමට නොහැකි වීම ගැන මාගේ කණගා‍ටුව ඔබ හට ප්‍රකාශ කරන්නම් මාගේ පාඨකය මන්ද ඒ වෙලාවේ තිබු කලබල ගතිය මා මතකය ඒ අවස්තාව ගැන අඩු මතකයකින් පුරුවාලන්නට ඇත.කෙසේ හෝ සහනදායි වචනයක් චමිල් අයියා කන්ද උඩින් ‍රැගෙන පැමිණියාය."තැනක් තියනවා ලොකු ගලකින් තමා නගින්න තියෙන්නේ එක තමා තියන එකම පාර කට්ටියම උඩට එන්න..."
     ඉතා දැඩි බැවුම් සහිත ලිස්සන කොල මතින් අප කැලයෙන් උඩට ගමන් කලෙමු.වෙහෙසව සිටි අපට එය නොදැනෙන්නට ඇත්තේ කැලයෙන් එලියට යාමේ අදිටන අප සිත් තුල් තිබුනු නිසා වන්නට ඇත.සියල්ලන් ගල්කුල සහිත තැනට පැමිනියෙමු එහි යටින් ගල් ගුහාවක් හා සමානය හතර පස් දෙනෙකුට නොතැමී හොදට එතන නිදන්නට පුලුවනි.දැන් කිසි කඹයක ආධාරයෙන් තොරව අපි මේ ගල් කුල තරණය කල යුතුයි...ගලට යටින් ගලත් සමග ගසක් වැසී තිබුනි ඒ අපගේ වාසනා ගසයි එය දිගේ ගල් පොත්තට නැග ඉතිරි කොටස උඩින් වැවි ඇති පදුරු අල්ලාගෙන නැගිය හැක .ඉන් පසු පදුරු කිහිපයක් රිංගා යාමෙන් අපට අප නැවත තණ පදුරු ඇති නිදහස් භූමියක..මේ තැන ගැන කිසිදු පින්තුරයක් අප කැමරා වල සටහන්ව නැත මන්ද කිසිවෙකු එ මොහොතේ හිත්වල තිබූ එකම අරමුනේ සිටියෙමු ඒ මෙයින් එලියට යාමයි.
         වේලාව ගැන සදහනක් මට මතක නැත නමුත් වේලාව සවස පහ හමාරත් සවස හය හමාරත් අතර වේලාවක් වන්නට ඇත. කවින්ද ගල් පොත්ත උඩටම නැඟ ගත් පසු අපි පලමුවෙන් ආරක්ශිතව කන්තා පාර්ශවය  ගලෙන් උඩට නැග්ගුවෙමු.ඉන් පසුව ඔනාල් ද ලෝචන අයියාද  උඩට නැග්ගුවෙමු.සමීරද නැගගත් පසු ඊලඟ වාරය එලඹියේ මාගෙයි.නමුදු අනපෙක්ශිත ලෙස ගල් පොත්තේ උඩ සිට පැමිණි මහත අතු කැබැල්ලක් මාගේ හිස මත ව‍ටුනි.
             
සිතා ගත නොහැකි තරම් කතාව දි වෙනවා මට  හිතා ගන්න බැරි තරම් කතාව ලියනකොට දිගයි.පාඨකට ගැටලු දෙකක් දැන් ඔබට ඉතිරි පලමු ලිපියෙන් පැමිණි ගැටලුව එලසම
කණ්ඩායම කන්දෙන් එලියට පැමිනෙයි ද?
අද
හිස මතට වැ‍ටුනු පොල්ලෙන් මට මොකද උනේ ?
හන්තාන කදු වැටියේ සුන්දර ගම්න් විස්තරය සමඟ ඊලඟ ලිපියෙන් මා ඔබ හමු වෙන්නම්.

-මයියා
Read More

Wednesday, June 4, 2014

මහින්ද මාමේ , මහනුවර මහ රෝහලට ගියෙමි

මහින්ද මාමේ,
අද ගියා යාලුවෙක්ගේ ලෙඩ බලන්නට
මහනුවර  මහ රෝහලට
ගේ ගාව ඉදන් නුවර රෝහල ලගට යනකම් කාපට් පාරේ
ස්තූතියි!
ඒත් මට ගැටලුවක්
රෝහලට ඇතුල්වන මාර්ගය කාපට් නෑ
චූටි හිරි පොද වැස්සට ඒවගේ කඩතොලු වලවල් වලට වතුර පිරිලා
"29 වාට්‍ටුව"
සොයා ඇවිද්දෙමු රෝහල පුරා
එලියේ ඇද හැලෙයි හිරි පොද වර්ෂාව
ගෙනෙයි තෙත් පාවහන්  මඩ කොරිඩෝ පුරාවට
මා අසලින් මිනිසෙක් සතපා ටොරොලියක් තල්ලු කරන්
ගමන් කරති හෙදියෝ කලබලයෙන්
දඩස්
තඩි වලවල් කිහිපයකි කොරොඩෝව දිගේ
හෙදිය බලයි අනෙක් හෙදිය දෙස බියෙන්
මා මිතුරා බලයි මදෙස වික්ෂිප්ත දෙනතින්
තෙරපි බෙහෙත් සැර ‍රැදි මිනිසුන් අතරන්
සොයයා යමු අපි  අප මිතුරිය ‍රැදි වාට්‍ටුව විගසින්
ඊලග කොරිඩෝ පුරාවට  තැනින් තැන පැදුරු අතුරා
මා බලයි මිතුරා දෙස වික්ෂිප්ත දෙනතින්
රෝගින්න් සිටී වෙහෙසී
ඇදන් නොමැතිව කොරිඩෝ පුරාවට
අතුරා ඇතිරිලිද පැදුරු ද සෙලයි බෝතල්  ඇති
කණුවක් ද සමගින් මගින්
ගලවන්න මා නිවස පසුකර නගරයට දිවෙනා මේ මාර්ගයේ
කාපට්
සලසන්න සුව සෙත මේ අසරණ අපේ මිනිසුන් වෙනුවෙන්
නැත ජාතියක් බේදයක් ඇත එක ලෙස වැතිර බිම දිග
විදී "ආසියාවේ අශ්චර්යය"

ජායාරූප ගැනීම නොසුදුසුයි හොරහින් දෙක තුනක් ගතිමි.

Teaching Hospital Kandy, in Kandy, is the second largest Hospital in Sri Lanka -wikipedia.org


නැත ජාතියක් බේදයක් සැවොත් විදිති දුක් කොරිඩෝවේ
ගෙවන වාට්‍ටුවේත් සිවිලිම කඩාගෙන වතුර ගලනා සැටි දුටිමි
Read More

Sunday, October 13, 2013

දිනය සැප්තැම්බර් 28 ලෙස සටහන් විය.පස්වරු 7.0ට පමණ වෙලාව සටහන් වන්නට ඇත.මා සිටියේ මාක් අයියාගේ බිස්නස් එකට හම්බ කරමිනි කෙටියෙන් කීවොත් මා සිටියේ ෆෙස්බුක් හි මොකක් හෝ වැඩකය.චැට් ලිස්ට් එකේ ළහිරු හිමේෂ් යන නමද දිස්විය.එහි කිලික් කොට ඔහුට මැසේජයක් කෙටීය."අඩෝ" එසේ ආරම්භ වු කතාබහ මෙලස අවසන් වේ යැයි කිසි කලක සිතන්නට ද? මේ ඒ කතාවයි.

මම-"අඩෝ"
ළහිරු-"කියන්න මහේෂ්"
මම-"ලෝක ළමා දිනේ එනවා නේ බන්.ගෲප් එකටයි පේජ් එකටයි කවර් ෆෝටෝ දෙකක් එඩිට් කරලා දාපන්.සයිට් එකටත් පුලුවන් නම් ඔය මල් ටිකක් වත් දාපන්"
ළහිරු-"අපි මොකක් හරි වැඩසටහනක් කරමුද මහේෂ් කීයක් හරි හොයා ගත්තානම් ළමයි කිපදෙනකුට මොනවා හරි දෙන්න තිබුනා"
මම-"ම්...එක සුපර්'
ළහිරු-අපේ ගෙවල් පැත්තේ දුප්පත් ස්කෝලයක් තියනවා.ළමයි 20කටත් වඩා අඩුවෙන් ඉන්නේ.
මම-එළ නේ.. අපි 3න් දෙනා සල්ලි දාලා මදි වෙයි නේ.
ළහිරු-ඒක ඇත්ත කොහොමද සල්ලි හොයන්නේ.ධනා අයියටත් කියපන්කෝ
මම-මචං බ්ලෝග් කාරයෝ සෙට් එකෙන් උදව් ඉල්ලමු.ෆොටෝ ටෝක් එකේ සෙට් එකෙමුත් උදව් ගන්න පුලුවන්නේ
ළහිරු-දවස් 3යි නේ කල් මදිවෙයි නේ මහේෂ් ඒ අයගෙන් උදව් ගන්න.ධනාට මැසේජ් එකක් දැම්මා ද?
මම- මැසේජ් එකක් දැම්මා මන් නෝ රිප්ලේ :( මම කෝල් එකක් දීලා බලන්නම්.
ළහිරු-හෙට උදේ ඔන්ලයින් එන්න.
මම-එල මම දනාට කෝල් එකක් ගන්නම්,උබ ස්කෝලේ ගැන හරියට හැම විස්තරයක්ම  හොයලා  හරියට කියපන්.

හෙලෝ  DK  අයියා මන් ඔයට මැසේජ් එකක් දැම්මා  වැඩකද?
නෑ බන් කියපන්
අපි ලෝක ළමා දිනේට පොඩි වැඩසටහනක් කරන්න යන්නේ.සල්ලි තමා
තව දවස් කීයක් තියනවා ද?
හතරයි
එල මන් අපේ කොල්ලෝ සෙට් එකටත් කතා කරලා හවස කෝල් එකක් දෙන්නම්
එල මන් අපේ සෙට් එකෙමුත් කීයක් හරි එකතු කරගන්න බලන්නම්.හවස ඔෆීෂියල් ගෲප් එක බලන්න මන් විස්තර ටික දලා තියන්නම්
බායි!
බායි!

මෙසේ ආරම්භ වු වැඩසටහන මුදල් සොයා ගැනීමේ අපහසුව නිසාම සතියකට කල් දමන ලදී ඒසේම ආධාර ලබා දීමට වෙනත් පාසලක් ද එම පාසලේ අඩු ආදායම් ලාබී සිසු සිසුවියන් කිහිප දෙනෙක් ද අධ්‍යාපනයට දක්ෂ සිසු දරුවන් 20 දෙනෙක් අවසානයේ ‍තෝරා පත් කර ගැනුනි.
වැඩ සටහන "සිතැගි " ලෙස නම් කෙරුණි.
සිතැගි -සාගරයෙන් ගෙනා දිය බිදුව ව්‍යාපෘති යෝජනාවක්  DK අයියා විසින් සකස් කොට මේ සදහා ප්‍රවීන ඇදුරු තුමන්ලා දෙදෙනකු ගේ සහය ලබාගෙන තිබුනි. එනම්
රසායන විද්‍යා ආචාර්ය්‍ය -අමිල සේනාධීර ගුරුතුමා
භෞතික විද්‍යා ආචාර්ය්‍ය -මහේන් ජෙකබ් ගුරුතුමා
මේ නිසා අපගේ මූල්‍යම  ගැටලුව අඩක්ම සපිරිණි.

රජිතයා මචං පොඩි වැඩක් කරනවා FB  එකේ දාලා තියනවා "සිතැගි"කියලා ඉවෙන්ට් එකක් පොඩ්ඩක් බලපන්.එක මැසේජකින්  කවක‍ටු පෙට්ටි 20ක්  ඔහුගේ පොරොන්දුව විය.මෙසේ අපගේ  අරමුණට යන මග පෑදින.

එක ළමයකු සදහා,

තනි රූල් පි‍ටු 120 පොත් 05යි.
තනි රූල් පි‍ටු 80 පොත් 05යි.
කො‍ටු රූල් පි‍ටු 120 පොත් 03යි
පි‍ටු CR 120 පොත් 03යි
චිත්‍ර පොත් පි‍ටු 80 එකයි
නිල් 5 කලු 3 රතු 2 පෑන් 10
පැන්සල් 5
මකන කෑලි 02
මෙයට රජිත ලබා දුන් කවග‍ටු පෙට්ටියද අයත් විය.

මෙලස ළමුන් විසි දෙනක් සදා මෙවා අඩංගු කට්ටලය බැගින් ලබාඅ දීමට අපට හැකි විය.

8 වනිදා එතනට ගිය පසු හැගුනේ මේ සියලු දෙනාට මොනවා හෝ ලබා දීමට හැකිනම් කෙතරම් අගනේද යන්නයි.

උඩු අළු දෙණිය මහා විද්‍යාලයේ විදුහල්පති තුමා ඇතුළු ආචාරය මණ්ඩලයට alhelp.org සමූහය වෙනුවෙන් මාගේ ස්තූතිය.
අමිල සේනාධීර හා මහේන් ජේකබ් ගුරුතුමන් දෙපලට,
ළහිරු හිමේෂ් ගේ මවට හා ප්‍රවාහන පහසුකම් සලසා දුන් පියාට
රජිත තවමත් නම් ලබා නොදුන් ඔහුට මුල්‍ය ආධාර සොයා ගැනීමට උදව් දුන් හා ආධාර කල සැමට
පේරාදෙණිය සරසවියේ DK අයියාට උදව් දුන් හා මූල්‍යම උපකාර කල සැමට
මහනුවර Esoft  Metro Campus හි  BIT+ #008 කණ්ඩායමේ සැමට 
වචනයකින් හෝ සහය දුන් ඔබ සැමට ස්තූති alhelp.org කණ්ඩායම වෙනුවෙන් මාගේ ස්තූතිය.

"වැඩසටහනේ මට සංවේදීම අවස්තාව මතක් කරන්නට කැමතිය -" වැඩ සටහන අවසානයේ එක් ගුරුතුමියක් එක් පොඩි එකියක් වෙත "අනේ ___ කොහේද හිටියේ.එන්නකෝ ඔයාටත් තැග්ගක් තියනවා කියු විය ඇගේ නෙත් වලට නැගුනු කදුළු .." මා සංවේදී කලාය.රුපියලක් හෝ පරිත්‍යාග කිරීමේ වටිනාකම හදවතට දැනුනි.


සිතැගි යනු කුමක්ද මේ වැඩසටහන මෙහෙය වන්නේ කෙසේ ද? -http://alhelp.blogspot.com/2013/10/sithagi.html
වැඩසටහනේ ජායාරූ  ඇලබම්-
alhelp.org ඇල්බමය
DK's ඇල්බමය

ඉදිරියටත් කරන මේ වැඩසටහන සදහා ඔබ සියලු දෙනාට ආරාධනා කර සිටිමි.


විදුහල්පතිතුමාගේ කථාව

ඔවුන්ගේ බලාපොරොත්තු

විද්‍යාලීය ශිෂ්‍යාවක් වැඩසටහන මෙහෙයවමින්


ආරම්භයට පෙර

DK යාළුවා එක්ක

මොනවා කරනවාද මේ අය :)

මේ ඉන්නේ මම

අමිල සේනාධීර ගුරුතුමා (වම් පස) විදුහල්පති තුමා (දකුණු පස)

මමයි DK පහණ පත්තු කරනවා :)
තැග්ග ගන්න මේ පුංචි එකීගේ හිනාව :) මන් තමා ඉතින් ඔය ඉන්නේ


Read More

Wednesday, June 27, 2012

මිස්ටර් ප්‍රසිඩන්ට් මේ අහන්න ටිකක්

පද්මජීව ගනේපොල
පත්තර මිටියක් අදිනකොට ඒක පත්තරයක ඒ කියන්නේ විදුසර පත්තරයක "1959 දි රොකොට්‍ටුවක් ගුවන් ගත කර වාරථාවක් තැබූ පලමු ශ්‍රි ලාංකිකයා" නමින් හෙඩ් ලයින් එකකට අමල් උඩවත්ත ඉතිහාස කතාව සමග සම්මුක සාගජ්ජාවක කොටසක් ඇතුලත් කර තිබුනි.එම පත්‍රය. 2009 ජූනි 17 වන දින නිකුත් වුවකි.

ඒ සම්මුක සාගජ්ජාව මට ‍ෆිට් එක නිසා දාන්න හිතුවා.මෙන්න


ඔබ සිතන හැටියට තුන්වන ලොකයේ රටක් හැටියට ශ්‍රි ලංකාවේත්,ආසියාවේ දියුනු රටක් වන ජපානයෙත් සංවර්ධනයට විද්‍යාවේ හා තාක්ශනයේ බලපෑමක් තිබේ ද?


එදා මම ජපානයට ගිය වෙලාවේ සිංගප්පුරුවට ගියා එද ඒක මන් දැක්කේ බදුල්ල නගරය වගේ.ලංකාව එදා හරි දියුණුයි.අද මොකද වෙලා තිබෙන්නේ ?සිංගප්පුරුව දියුණු වුනේ නිසි ආර්ථික ක්‍රම වේදය අනුගමනය කරලා.ඉන්දියාව දුප්පත් වුනත් විද්‍යාත්මක පරීක්ෂන දියුණු කරලා අධ්‍යාපනය තුලින් විද්‍යාත්මක දැණුම නිවරදිව ලබා දුන්නා.
                     ශ්‍රි ලංකාවේ අධ්‍යාපනය ක්‍රමය තුලත් විද්‍යාත්මක ස්ංකල්ප දියුණු කලහොත් හොද අනාගත්යක් අපටත් තිබෙනවා.ජපානයේ සියලු දෙනාට විදි්‍යාත්මක අධ්‍යාපනය ක්‍රමවත්ව ලබා දෙනව.කලා,වණිජ විෂයන් ඉගන ගත්තත්  විද්‍යාව ගණිතය ඉගන ගත  යුතුයි.ඒ නිසා සෑම නිළධාරියකුටම විද්‍යාව හා ගණිතය පිළිබදව දැණුමක් තිබෙන නිසා පරිපාලනය ඉතාමත් පහසු වෙනවා.
       මම කියන්නේ රටේ සෑම කෙනකුටම ඔහුට හෝ ඇයට අවශය පරිදි විද්‍යාව ගණිතය සාහිතය වැනි විෂයන් සියල්ල ඉගන ගැනීමට අවස්ථාව සලසා දිය යුතුයි.අන්න ඒ නිසයි අනික් රටවල් දියුණු වෙලා තියෙන්නේ.



ගෝලීය කරණය ගැන ඕබේ අදහස කෙබදු ද?
ඇමරිකාවේ අධ්‍යාපන ක්‍රමය කෙබදුද?



මේක කියවන්න ඉතිරි කොටස කමින් සූන්.........
Read More

Recent Posts

"

15. පව් කරන තැනැත්තා මෙලොව දී ශෝක කරයි. පරලොව දී ශෝක කරයි. දෙලොව දීම ශෝක කරයි. තමා ගේ අපවිත්‍ර ක්‍රියාවන් දැක ඔහු ශෝක කරයි, බොහෝ සෙයින් ශෝකයට පත්වෙයි.

15. The evil-doer grieves here and hereafter; he grieves in both the worlds. He laments and is afflicted, recollecting his own impure deeds.

"

-ධම්ම පදය | Dammapadhaya