Monday, January 30, 2012

මු සයන්ස් කරන එකෙක්

උදේ 9.00ට විතර බස් එකේ,,

x -හෙලෝ...හෙලෝ මචං ගුඩ් මෝනින් උබ කොහේ ද?

y -මම ඉස්කූල් එකේ මචං ( ලාවට මට ඇහෙනවා මොකෝ ඒ පොර ගාවමනේ මම ඉදගෙන හිටියේ )

x -අපේ පංතියේ කවුද බන් ඇවිත් ඉන්නේ ඒ හු.......... එකෙක් වත් ෆෝන් එක ආස්වර් කරන් නෑ බන්

y -_____ ව දැක්කා අනික් උන් දැක්කේ නෑ බන්

x -මචෝ අපේ පංති පැත්තට හොට දාලා physics   ටීචර් ආවද කියලා බලපන්කෝ

y -(ඇහුනේ නෑ මොනවාදෝ දිගට කියවගෙන යනවා)

x -ඔකේ අනිවා බලලා මට මැසේජ් එකක් දාපන් එහෙම උනොත් මම 10.00ට විතර එන්නම් .


කොහොමද ලංකාවේ පාසල් සංණිවේදන තාක්ෂණයේ දියුනුව.

කට්ටියටම දැන් ගොඩක් දේවල් හිතෙනවානේ අය මං මොකටද ඒවා කියන්නේ..

පාසලක් ඇතුලේ ජංගම දුරකතන පාවිච්චිය අවේලාවේ පාසල් යෑම.....ඕනි නෑ ඔයාලම ඒවා හිතන්න මේක ගැන කියන්න ගියොත් මේකට ඉහල නිළධාරීනුත් මාට්‍ටු ඒක නිසා කථාව මේ ඇති ඉතිරි  ටික  ඔයාලම කථාබහ කර ගන්න.
Read More

Saturday, January 28, 2012

මට මගේ කෙල්ල..පට්ට කෑල්ල මචං ..!

ගියවර ලියා තිබූ පේලි දෙක තුනට ලැබී තිබූ කුණුහරුප කමෙන්‍ටු පමනක් බැව් පලමුවෙන්ම සටහන් තබන්නට කැමතිය.ඒවා  අතුරි පල කල හැකි ඒවා එකකුදු නොතිබුනි.
අමු අමුවේ මට ඒසේ ඇමතු සියල්ලන්ට ස්තුතිය.
පලකල හැහිව තිබූ එකම කමෙන්‍ටුව පල කලෙමි.
එහෙනම් ඔන්න කථාවට එන්ටෙර් වෙන්නම් කෝ..

පට්ට කෑල්ල/බඩුව සහ සරල කෙල්ලක් අතර වෙනස





කාලෙකින් ලගපාත ගෙදර ඉන්න මගේම වයසේ ෆ්‍රෙඩෙක් හම්බවෙන්න ගියා මොකද මේ කාලේ ඔක්කෝම වගේ බ්සි නිසා සෙට් වෙන්නේ කලා තුරකින්..
මචන් මට නියම කථාවක් තියන පත්තර කෑල්ලක් හම්බ වුනා කියවලා බලපන්කෝ.
මම ඔය මතෘකාවට කොටසක් එක්කලාට ඒ පත්තර කෑල්ලේ "පට්ට කෑල්ල සහ සරල කෙල්ලක් අතර වෙනස" කියලයි උඩින්ම තිබුනේ..
ඒක දැක්ක ගමන් කියවන්න හිතුන හේතු දෙක තුනක් ම තිබුනා..දැන් ඉතින් ඒ හේතු විස්ථර කරන්න කාලයක් නෑ..

සටහන කියවපු මට ඒක හැමෝටම කියන්න හිතුනා ඉතින් මේ තියෙන්නේ ඒ කථාව කියවලා බලන්න.

කොල්ලෙක් අද කාලේ තවත් කොල්ලෙක්ගෙන් කෑල්ලෙක් යාලු කරගෙන ද ඉන්නේ කියලා අහන්නේ කොහොමද? ඉතාම සරලයි. අපි හැමෝම ඔය කතාව අහලා තියනවා.

 "උබ කෑල්ලක් දාගෙන ද ඉන්නේ....." "උබට කෑල්ලක් ඉන්නවද...." 

සරල භාෂා ව්‍යවහාරයේ දි ඒ වචනය භාවිතා උනාට කෙල්ලෙකුට කෑල්ලක් කියන භාවිතය තුළ පුංචහි පුංචි අවුල් ටිකක් තියනවා. එහි ගෞරව සම්පන්න බවින් පුංචි අඩුපාඩුවක් තියනවා. භාවිතයේ අර්ථයෙන් ගත්තම සමාජ විද්‍යාත්මක අරුත් බැලුවොත් කෙල්ලෙක් සහ කෑල්ලක බරපතල වෙනසක් තියනවා. කොල්ලෝ හැමෝම කැමතියි කල වයස ආවම කෑල්ලක් සෙට් කර ගන්න. ඒකත් එසේ මෙසේ කෑල්ලක් නෙමෙ පට්ට කෑල්ලක්. ඉතින් පට්ට කෑල්ලක් සෙට් කරගත්තු හැම් එකාම හරි ආඩම්බර වෙනවා. ඒ වගේම පොර ටෝක් දෙනවා. දාග්න බලමු පට්ට කෑල්ලක් සහ සරල කෙල්ලෙක් කියන්නේ කවුද කියලා. ..

පට්ට කෑල්ලක් කියන්නේ ඉතාම අකර්ශණීය විලාසිතා අනුගමනය කරන කාගෙත් සිත් දිනා ගත හැකි රූපකාය වශයෙන් ගත්තම කිසිදු පාඩුවක් නැති දෙයක්. තුන්සිය හැට පස් දවසේම කෑල්ලට තියෙන්නේ එක දෙයක්. ඒ ඇගේ රූපය සහ පෙනුම නඩත්තු කිරීම. හෙට මුණ ගැහෙන ඔහු හෝ අනෙකා පිනවන්නේ කෙසේද යන ගැටලුවට අමතර ගැටලුවක් ඇයට නැහැ. සාමාන්‍යයෙන් කෑල්ලට ගෙදර දොර වැඩ බෑ. උයන්න පිහන්න බැහැ. ගෙවල් දොරවල් අස්පස් කරන්න බැහැ. රෙදි හෝදන්න බැහැ. දරුවන් හදන්න පුලුවන් උනාට උන්ව නලවන්න බැහැ. දරුවන්ට කිරි දෙන්න බැහැ. දරුවන්ට හොද අම්මා කෙනෙක් වෙන්න බැහැ. නමුත් කෑල්ලක් සාමාන්‍යයෙන් තාක්ෂණික වශයෙන් සර්වකාලීනයි. (update) ඇය වෙළදපොළ තුළ පවතින සෑම සියලු ආකර්ශණීය භාණ්ඩයක් ගැනම දන්නවා. මිලදී ගන්නවා සහ භාවිතා කරනවා. කලින් කලට වෙනස් වෙන ජංගම දුරකථන, ලැප්ටොප් පරිගණක, නවීන පන්නයේ විලාසිතාමය ඇදුම් පැළදුම් ඇයට තියනවා. කෑල්ලක් පාරේ ගමන් කරන්නේ ලතාවකට හිතලා. ඇගට අරන්. අගල් 2ක් උඩින්. ඇය දිහා හැමෝම වගේ බලනවා. ඇය එහෙම කරන්නේ අනිත් අය බලන නිසාමයි. ආකර්ෂණීය හැමදේම ඇය කරන්නේ රටට ලෝකෙට පේන්න. නමුත් ඇය සහතික වශයෙන්ම හිස් චරිතයක්. හොදයි වගේ පෙනුනත් හොද නෑ. අහිංසකයි වගේ පෙන්නුවට අහිංසකත් නෑ. සංවරයි වගේ පෙනුනට සංවරත් නෑ. දිනපතා පහන තිබ්බත් ආගමික නෑ. එවැන්නියක් ඇය තුළ පවතිතැයි කියා කිව්වත් ඇත්තටම ඇය තුළ නැහැ.

සරල කෙල්ල ඊට හාත්පසින්ම වෙනස්. කෑල්ලක් ඔබ ලගට වෙලා කරන්නේ දිලිසෙන එක. සරල කෙල්ලෙක් කරන්නේ ඔබව දිරිමත් කරන එක. සරල කෙල්ලක් හරිම සංවරයි. ලැජ්ජාශීලියි. නමුත් අවශ්‍ය තැන් වලදි කතා කරනවා. පිරිමි සමග පවත්වන ගනුදෙණුව ඉතා සීමිතයි. ඇය ආශ්‍රය කරන්නේ අතිශය විශ්වාසවන්ත පිරිමි එක්ක විතරයි. චාම් සංවර විලාසිතා අනුගමනය කරනවා. තමන්ගේ රූපයට ආදරෙයි. නමුත් මානුෂික සබදතා වෙනුවෙන් තම රූපය සහ සුන්දරත්වය නොසලකා හරින්න ඇය සූදානම්. ආදරයක් වෙනුවෙන්, දරුවන් වෙනුවෙන් නොකානොබී වෙහෙසෙන්නත් එවැන්නියකට පුලුවන්. සරල කෙල්ලෙක් අම්මා කෙනෙක් උනාම දවසක දරුවෝ කිරි බීල බීලම ඇයව වැහැරිලා යනවා. කෑල්ලක් අම්මා කෙනෙක් උන දවසට ගොන් කිරි විතරක් බීල දරුවෝ වැහැරිලා යනවා. සරල කෙල්ලෙකුට ගේ දොර වැඩ ඕනෑම එකක් හැඩට වැඩට කරන්න පුලුවන්. කටට රහට උයන්න, ගේ දොර අස්පස් කරන්න,රෙදි හෝදන්න, මිදුල් අතු පතු ගාන්න, මල් වවන්නත් පුලුවන්. ඒ වගේම කොල්ලෙක්ගේ හිතක් උස්සලා ගෙනිහින් හදේ තියන්න තරම් ලස්සනට මල් කඩන්නත් පුලුවන්. කෑල්ලක් ලග තියෙන්නේ ආකර්ෂණීය කාමයක් සහ ලිංගිකත්වයක් පමණයි. සරල කෙල්ලෙක් ලග ආදරයේ උණුහුම පිරී ඉතිරී ගිය සුන්දර ශෘංගාරය තියනවා. කෑල්ලක් අපිට සැරින් සැරේට ලං වෙනවා සැරින් සැරෙට එහාට වෙනවා. ඒ උනාට ආදරය කරන සරල කෙල්ලෙක්ව ජීවිතේ හමදාම ලග තියාගන්න හිතෙනවා. කෑල්ලක් එක්ක තරහා උනාම ඒකිව බැනල එළවගන්න හිතෙනවා. සරල කෙල්ලෙක් එක්ක තරහා උනාම වුණත් ලගට වෙලා ඉන්න හිතෙනවා. කෑල්ලක් එක්ක ඉද්දී අපිට ඒකිව හුරතල් කරන්න හිතෙනවා. සරල කෙල්ලෙක් එක්ක ඉද්දී අපිට හුරතල් වෙන්න හිතෙනවා. කෑල්ලකට සාමාන්‍යයෙන් අවශ්‍යතාවලදි ඔබව මතක් වෙනවා. සරල කෙල්ලෙක්ට ඔබව හැම වෙලේම මතක් වෙනවා. ඒ නිසාම එය ඇණයක් කියලත් හිතෙනවා. කෑල්ලක් call කරන්න එපා කරදර කරන්න එපා කිව්වම ඒකි ඒකිට ඊළග අවශ්‍යතාව එනකං සද්ද වහලා ඉන්නවා. ඒත් ආදරේ කරන කෙල්ල එපා කියද්දිත් වාත වෙනවා. කෑවද නෑවද බිව්වද අහනවා. ගෙදර එන්නේ කීයටද අහනවා. පරිස්සමින් කියනවා. කොටින්ම කිව්වොත් කෑල්ලත් සුවද ගහනවා. නිතරම කොලොන් පාවිච්චි කරනවා. සුන්දර සරල කෙල්ලෙක් කොලොන් නැතැත් හැමදාම සුවද හමනවා. මොකද එයාල හැමදාම නානවා. කැල්ලක් ඉන්න මල්ලිලාට සුබ පැතුම්.


සරල කෙල්ලක් ඉන්න මල්ලිලාට බුදු සරණයි... දෙවි පිහිටයි.

මේක ලියලා තිබුනේ නම් සමන් එදිරිමුනි කියලා එක්කෙනෙක් ."ගුරු පාර" කියලයි සටහන සදහන් වෙන්නේ..


ප.ලි.
"ගුරු පාර" ලිපි පෙල පලවන්නේ තරුණයා පත්‍රයේ බැව් පසුව දැන ගතිමි.
Read More

Monday, January 23, 2012

ලිංගිකත්වය හා බ්ලොග් අවකාශය

කියවන්න නම් මේ පොස්ට් එකේ ලොකු දෙයක් නෑ.

එත් ඇයි එකපාරටම මේ පෝස්ට් එක බලන්න  ඔයා ‍තෝරගත්තේ රමීශා ,,වෛශාවක් නෙමේ, මගේ මතකටිකක් හිනාවෙන්න ඇවිත් යන්නමගේ ලොකේ දැම්ම ඉදිආප්පය ,අතීතයෙන් අහුලන මතකයන්,

මේවගේ කට්ටිය එක පාරටම දාන්න ගත්ත පොස්ට් නිසා මේකත් ඒ වගේ විචාරයක් කියලා හිතුවාද....

දැන් මෙතන්ට ගොඩවෙලා මොකුත් ලියලා නැති නිසා කවුරුත් කිපෙන්න එපා ඔන්න.

එත් ඇයි ඔය කතාකරන උත්තම සදාචාරයක් එක්ක.. කෑගහලා ඉල්ලන සාදාරණිකත්වය හමුවේ..තමන් තමන්ටව අවංකව පොඩ්ඩ්ක් සිතා බැලිය යුතු නොවේද.
ඔබත් වචනය පසුපස හබා යන්නෙක් ද


අවංක සංවාදයකට විවෘතයි..



Read More

Sunday, January 22, 2012

ඉක්මනින් රෝගය හදුනා ගන්න මන්ද ගෙවුනු කාලය නැවත ගෙන්වා ගත නොහැකි බැව්නි.

සැ.යු.-මෙම ලිපියේ අයිතිය මා සතු නොවේ.අයිතිකරු නොදන්නවා වූවාට කාරණා සැමට වැදගත් වේවි.

කාලයෙන් කාලයට ලෝකය පුරා විවිධ උන්මාදයන් පැතිර යයි. වර්තමාන ලෝකයේද ඉතා වේගයෙන් එක්තරා උන්මාදයක් ව්‍යාප්තවෙමින් පවතින බවට සමාජ විශ්‍ලේෂකයන් අනතුරු අඟවා තිබේ. එය වෙන කිසිවක් නොව “Face Book වබේ අඩවියට පිවිසීමේ උන්දමාදයයි”

මේ තත්ත්වයට (fad) ලෙස සමාජ විශ්‍ලේෂකයින් විසින් නමක්ද ලබාදී තිබේ.

සමාජ ජාල වබේ අඩවියක් වන “Face Book” යකෙක් හෝ රකුසෙක් හෝ නොවේ. එනමුත්, “වැඩි සෙනේ දබරයටයි” කියන්නාක් මෙන්, අනවශ්‍ය ආකාරයට නිරතුරුවම Face Book වෙත යොමුවීම, ඔබේ ජීවිතය පසුගාමී කරලීමටත්, ජීවිතයේ නොයෙක් ආකාරයේ ගැටුම් ඇතිකරලීමටත් හේතුවනු ඇත. ඇමරිකානු මනෝ වෛද්‍ය විශ්‍ලේෂකයින් පවසන්නේ නිරතුරුවම Face Book සමග බැඳී සිටීම, එක්තරා ආකාරයකින් “සයිබර් මත්ද්‍රව්‍යක්” ලබා ගැනීමට සමාන බවයි. ඇබ්බැහියක් ඇතිවීමට ගතවන්නේ සුළු කාල සීමාවකි.ඇතැම් පුද්ගලයින් උදෑසන අවදි වූ සැනින් තම Face Book ගිණුම පරීක්ෂාකර එය යාවත්කාලීන කරති. ඉන්පසු දිනකට 5-6 වතාවක්වත් නැවත නැවතත් තම ගිණුම පරීක්ෂා කරති. දිනකට පැය 4-5 අතර කාලයක් Face Book වෙනුවෙන් “මරාදමති” මෙම තත්ත්වය දිගින් දිගටම පැවතීම යනු අනිවාර්යයෙන්ම “Facebook Addication Disorder” තත්ත්වයයි. එනම් “Face Book උන්මාදය” යි.“ෆේස්බුක් උන්මාදය” හඳුනාගැනීමට මනෝවෛද්‍ය චිකිත්සකයින්ම අවශ්‍ය නොවේ. ඔබ මතෛක් “Face Book උන්මාදය” හෙවත් “Facebook Addication Disorder” පිළිබඳව දැනසිටියේ නැත. නමුත් දැන් ඔබ දනී. පහත සරල කරුණු කාරණා හොඳින් විමසා බැලීමෙන් ඔබත් අවදානම් තත්ත්වයේ පසුවන්නෙක් දැයි පහසුවෙන් වටහාගත හැකිවනු ඇත.

* ඔබේ එදිනෙදා වැඩකටයුතු, අධ්‍යාපනයට වෙන්ව ඇති කාලය, සමාජ ස්වේච්ඡා කටයුතු, ඔබේ විනෝදාංශය, ඔබේ ප්‍රියතම ටෙලි නාට්‍යය ආදිය අමතක කරදමා, Face Book වබේ අඩවිය පරීක්ෂා කිරීමටත්, ඔබේ සහ ඔබේ පවු‍ලේ ඡායාරූප එහි පළ කිරීමටත් (අප්ලෝඩ් කිරීමට) පෙළඹී සිටිනවාද ?

* ඔබේ ජංගම දුරකථනය හරහා දිනකට කිහිපවරක් Face Book වෙත පිවිසෙනවාද? එසේ නැතිනම් ඔබේ සහ ඔබේ ෆේස්බුක් මිතුරන්ගේ ගිණුම් පිළිබඳව නිරතුරුවම තොරතුරු දැනගැනීමේ “දොළදුකක්” ඔබට තිබෙනවාද?

* ඔබේ සහකරුගෙ, සහකාරියගේ හෝ ඔබේ දෙමාපියන්ගේ, පක්ෂ විපක්ෂ කරුණු දැක්වීම්, තර්ක විතර්ක හා එකඟ නොවීම් මධ්‍යයේත් ඔබ වෙනදා මෙන්ම Face Book පරිහරණය කරනවාද.?

* කිසිම ආකාරයකින් දන්නේ, හඳුනන්නේ නැති පුද්ගලයන් පවා ඔබේ මිතුරු මිතුරියන් ලෙස ඇතුළුකර ගනිමින් ඔබගේ Face Book ගිණුම විශාල කරගනීමේ “පිස්සුවකින්” පෙළෙනවාද?ප්‍රවේසම්වන්න, මෙය “fad” තත්ත්වයේ ප්‍රධානතම ලක්ෂණයක් ලෙස සැලකෙයි.

* Face Book තුළින් යම් පුද්ගලයෙකු සොයාගත නොහැකිවූ විට ඔබ ඒ පිළිබඳව ඉච්ඡාභංගත්වට පත්වෙනවාද..? අවම වශයෙන් දිනකට තුන්වතාවක්වත්, Face Book ගිණුම පරීක්ෂා කරනවාද? දිනයේ පළමු කාර්යය වශයෙන් Face Book පිරික්සීමත්, ඔබේ විවේක කාලයෙන් වැඩි ප්‍රමාණයක් Face Book වෙත වැයකිරීමත් ඔබේ පුරුද්දක් ද?

* ඔබේ සහ ඔබේ පවු‍ලේ ඕනෑම ඡායාරූපයක් Face Book වෙත ඇතුළු කිරීමට ඔබ පෙළඹෙනවාද..?

ඉහත කරුණුවලින් පහකට හෝ ඊට වැඩි ප්‍රමාණයකට ඔබේ පිළිතුර “ඔව්” යන්න නම් වහාම Face Book වෙතින් ඉවත්වන්න. එය ඔබේ ජීවිතයට පමණක් නොව ඔබ වටා සිටින අන්‍යයන්ගේ ජීවිතවලටද වඩා හොඳ වතාවරණයක් ලබාදෙනු ඇත.අනෙක් අතට “Face Book උන්මාදය” තීරණය වන්නේ ඔබ Face Book තුළ රැඳී සිටින කාලය මතම නොවේ. එදිනෙදා ජීවිතයේ ඔබගේ රාජකාරි, යුතුකම් , වගකීම් පැහැරහරිමින් Face Book තුළ කාලය ගත කරයිද යන්න මතයි. නමුත් යමෙකු Face Bookඋන්මාදයට යොමුකරවන ප්‍රධාන සාධකය ඔහු Face Book තුළ ගතකරන කාලය බව අමතක නොකළ යුතුය.පාසල්වියේ සොඳුරු මතක අවදි-කරගැනීමටත්, රට රටවල යහළුවන් හඳුනා ගැනීමටත්, දුරස්වෙමින් පවතින හිතවත්කම් අලුත් කරගැනීමටත් වර්තමාන සයිබර් අවකාශයේ ඇති හොඳම සේවාවක් ලෙස “Face Book” හැඳින්විය හැක “ඕනෑම දෙයක් ඕනෑවට වඩා එපා” යැයි කටවහරේ කියන්නාක් මෙන්ම, Face Book වුවද භාවිතා කළ යුත්තේ සීමාවක් තබා ගනිමිනි. එවිට ගැටලුවක් ඇත්තේ නැත. මේ වදන්පෙළ තිබුණේද Face Book තුළමය. ඒ තුළ සිතන්නට යමක් තිබේ.“මිනිසා Face Book අප්ලෝඩ් කරයි; Face Book මිනිසා ඩවුන්ලෝඩ් කරයි”
Read More

Wednesday, January 18, 2012

කාලයන්ත්‍රය

හෆ්ෆා කොහේද ඉතින් පොඩි පොස්ට් එක්ක  දාන්නවත් වෙලාවක් දැන් ඉතින්  රත්‍රං වලටත් වඩා කාලය ගනන්ලුනේ..අනේ මන්දා මෙචර මහන්සි වෙන්න ඕනි කියලා දන්නවා නම් මුල ඉදලම පාඩුවේ වැඩ ටික කරගෙන එනවානේ..
හර්මයිනි වත් හම්බ වෙන්න ගියානම් කාලයන්ත්‍රය වත් ඉල්ල ගන්න තිබ්බා..ආ අර සොනික්ලා ගාවත් තිබ්බා නේද කාලයන්ත්‍රයක් අපොයි ඒක එක පාරයි නේ පාවිචිකරන්න පුලුවන්..හම් එතකොට හර්මයිනි ගෙන් තමා ඉල්ල ගන්න වෙන්නේ..එකනම් ඉතින් සැහෙන්න අමාරු වෙයි වගේ එකත් අතෑරලා දාමු..හම්ම්.. ඔන්න තව කථාවක් මතක් වෙනවා ඇයි මතකයි අයියා කෙනෙක් බ්ලොග් පෝස්ට් එක්ක ලියලා තිබුනා මහාචාර්ය ස්ටීවන් හොව්කින්ග්  කාලයන්ත්‍රයක් හදාගන්න හැටි කියලා දුන්න එකක් එකත් ඉතින් සන්කල්පයක් නොවැ..


කස්ටියටම මම අද කාලයන්ත්‍රය ගැන කියන්න නෙවේ ආවේ.කස්ටියටම කිය්න්නේ මේක මාස 5කට 6කට පාළු සොහොනක් වගේ තිබුනට ගන්න එපා ඕන්,,මම ගියා..

ප.ලි.
අෆොයි දැන්නේ දැක්කේ මේ පොස්ට් කරන්නේ 100 වැනි පොස්ට් එක.අහපු ආපුවාම මම මේ ගැන වෙනම පොඩි ඇඩ් එකක් ලියන්නම් කො..
Read More

Monday, January 9, 2012







අධ්‍යාපන අධීක්ෂණ මන්ත්‍රී මොහාන් ලාල් ග්‍රේරු
BSc.(Eng), EDBA







සරත් හා ගාමිණී ව්‍යාපාරිකයෝ වෙති. 2011 දෙසැම්බර් 31 වැනි දින සරත් ගේ හා ගාමිණී ගේ වාහන වෙළෙඳසල්වල වාහන 4 බැගින් ඉතිරි වී තිබිණි. මේ වාහන හැරුණු විට දෙදෙනාට කිසි ම වත්කමක්‌ නොමැති යෑයි සිතමු.

සරත් හා ගාමිණී දෙදෙනා ගෙන් වැඩි වත්කමක්‌ ඇත්තේ කාට ද? දෙදෙනාට ම වාහන 4 බැගින් හිමි නිසා දෙදෙනා ගේ වත්කම් සමාන යෑයි සිතිය හැකි ය. වාහන සම්බන්ධව අන් කිසි තොරතුරක්‌ නො දන්නේ නම් වත්කම් සමාන යෑයි සිතීමට යමකු පෙලඹිය හැකි ය.

එහෙත් දෙදෙනා ගේ වත්කම් පිළිබඳ වඩා නිවැරැදි නිගමනයකට පැමිණීමට වාහන වර්ග, ඒවායේ අලුත් හෝ

පැරැණි ස්‌වභාවය සැලකිල්ලට ගත යුතු ය. කොටින් ම දෙදෙනා ගේ වාහනවල වටිනාකම් පිළිබඳව රුපියල් ශතවලින් නිවැරැදි හෝ පිළිගත හැකි ඇස්‌තමේන්තුවක්‌ ලබාගෙන ඒ අනුව වාහනවල වටිනාකම් පොදු සාධාරණ ඒකකයකට ගෙන ආ යුතු ය. දැන් එම වටිනාකම් එකතු කර බැලීමෙන් වැඩි වත්කමක්‌ ඇත්තේ සරත්ට ද, නැත හොත් ගාමිණීට දැයි වඩා නිවරැදිව නිගමනය කළ හැකි ය.

අපි තවත් උදාහරණයක්‌ ගමු. කාන්ති හා ශීලා පිටරට රැකියා කර එක ම දිනයක ලංකාවට පැමිණෙන්නේ යෑයි සිතමු. ඔවුන් ගෙදර රැගෙන එන විදේශීය මුදල් පහත දැක්‌වෙන්නේ යෑයි සිතමු.

            කාන්ති  ශීලා

ඩොලර්     230   340

පවුම්        40     60

දිනාර්       620   490

එකතුව     890  890

මේ දෙදෙනා ගේ මුදල් වර්ග නො සලකා එකතු කළ හොත් එක ම අගයක්‌ ලැබී තිබේ. එහෙත් වැඩිපුර වටිනාකමක්‌ ඇති මුදල් ගෙදර ගෙනෙන්නේ කවුද? නිවැරැදි තීරණයක්‌ ගැනීමට හොඳ ම ක්‍රමය නම් ඩොලර්, පවුම් හා දිනාර් එක ම මුදල් ඒකකයකට පරිවර්තනය කර සලකා බැලීම බව පැහැදිලි ය. මෙහි දී වඩාත් ම යෝග්‍ය ඒකකය රුපියල් ශත බව පැහැදිලි වේ.

සුනිල් හා ජයන්ත උසස්‌ පෙළ අවසන් කළ සිසුන් දෙදෙනෙකි. ඔවුහු 2009 වසරේ අගෝස්‌තු මාසයේ භෞතික විද්‍යාව, සංයුක්‌ත ගණිතය හා ජීව විද්‍යාව යන විෂයයන් තුන සඳහා උසස්‌ පෙළ විභාගයට වාඩි වූ හ. දෙදෙනා ගේ ප්‍රතිඵල සඳහා දළ (අමු) ලකුණු (raw marks)) පහත දැක්‌වේ.



එක්‌තරා උසස්‌ අධ්‍යාපන ආයතනයක එක ම විෂය පථයක්‌ හැදෑරීමට ඉතිරි වී ඇති එක ම එක පුරප්පාඩුවක්‌ සඳහා සුනිල් හා ජයන්ත යන දෙදෙනා ම අයදුම් කළේ යෑයි සිතමු. මේ දෙදෙනා ගැන ලබාගත හැක්‌කේ ඉහත සඳහන් උසස්‌ පෙළ ලකුණු පිළිබඳ දත්ත පමණක්‌ නම් ආයතනය විසින් මේ දෙදෙනා ගෙන් තෝරාගත යුත්තේ කවු ද? සුනිල් ද? ජයන්ත ද?

දෙදෙනා ගේ ම ලකුණු එකතුව සමාන ය. එහෙත් ඉහත දැක්‌වූ වාහන පිළිබඳ ප්‍රශ්නයේ දී හෝ විදේශීය මුදල් පිළිබඳ ප්‍රශ්නයේ දී හෝ මෙන් මේ ලකුණු තුළ ද, අන්තර්ගත යම් ප්‍රශ්නයක්‌, යම් විෂමතාවක්‌ තිබිය හැකි ය.

දෙදෙනා ගේ ලකුණු එකතුව සමාන නමුත්, විෂයයන් වශයෙන් දෙදෙනා ගේ ලකුණු වෙනස්‌ ය. වැඩි වටිනාකමක්‌ ඇති ලකුණු ඇත්තේ කාට ද? මේ ප්‍රශ්නයට පිළිතුරු දීමට විවිධ විදේශීය මුදල් එක ම ඒකකයක්‌ වූ රුපියල් ශතවලට ගෙන ආවාක්‌ මෙන් විවිධ විෂයන් ගේ ලකුණු කිසියම් පිළිගත හැකි, සම්මත, සාධාරණ හා විද්‍යාත්මක පොදු ඒකකයකට ගෙන ආ යුතු බව පැහැදිලි ය. දෙදෙනා ගේ ලකුණු එකතුවට වඩාත් නිවරැදි වටිනාකමක්‌, වඩා සාධාරණ අර්ථයක්‌ ලැබෙන්නේ එවිට බව පැහැදිලි ය.

උදාහරණයකට 2009 වසරේ උසස්‌ පෙළ විභාගයේ සංයුක්‌ත ගණිත විෂය පිළිබඳ ප්‍රශ්න පත්‍රය සාපේක්‌ෂව අසීරු විය හැකි ය. විභාගයට පෙනී සිටි වැඩි දෙනකුට මෙකී අමාරු ප්‍රශ්න පත්‍රය සඳහා අඩු ලකුණු ලැබී තිබුණේ නම් එම වසරේ සංයුක්‌ත ගණිතය සඳහා යම් අපේක්‌ෂකයකු ලබා ගත් ලකුණුවලට වැඩි වටිනාකමක්‌ දිය යුතු ය. එසේ ම එම වසරේ ජීව විද්‍යාව විෂයය සඳහා විභාග අපේක්‌ෂකයන්ට වැඩි ලකුණු ලැබී තිබුණේ නම් ඒ අනුව ජීව විද්‍යාව ප්‍රශ්න පත්‍රය සාපේක්‌ෂව සරල යෑයි තීරණය කළ හැකි ය. එවිට ජීව විද්‍යාව සඳහා ශිෂ්‍යයකු වැඩි ලකුණු ලබා තිබුණ ද, එකී ලකුණක සාපේක්‌ෂ වටිනාකමේ අඩුවක්‌ ගැන සිතිය හැකි ය.

දැන් සුනිල් හා ජයන්ත ගේ ලකුණු අධ්‍යයනය කළ හොත්, වඩා අමාරු සංයුක්‌ත ගණිත විෂයයට වැඩි ලකුණු (90) ගත් ජයන්ත ගේ ලකුණුවලට වැඩි වටිනාකමක්‌ තැබිය හැකි බව බැලු බැල්මට පෙනේ.

යම් තරමක අවබෝධයක්‌ ලබා ගැනීම සඳහා ඉහත විස්‌තර කළ උදාහරණ හා තීරණ ඉතා නිවැරැදි හා විද්‍යානුකූල නො වූවත්, සුනිල් ගේ හා ජයන්ත ගේ ලකුණුවලට ඉතා විද්‍යාත්මකව හා සාධාරණව නිවැරැදි වටිනාකම් දීමට ලොව පිළිගත් ගණිතමය ක්‍රමයක්‌ සංඛ්‍යානය (Statistics) හරහා ඉදිරිපත් කළ හැකි ය. මේ සධාරණ ක්‍රමය නම් ඉසෙඩ් ලකුණු (Z-Score) සොයා ලකුණු සංසන්දනය කොට තීරණයක්‌ ගැනීම වේ.

අ.පො.ස. උසස්‌ පෙළ විභාගය ශ්‍රී ලංකාවේ ජ්‍යෙෂ්ඨ ද්විතීය අධ්‍යාපනයේ අවසන් සහතිකකරණ විභාගයයි. 1990 දී අයදුම්කරුවන් 149,949ක්‌ ඉල්ලුම් කළ මේ විභාගයට 2009 දී අයදුම්කරුවෝ 238,921ක්‌ ඉල්ලුම් කළ හ. 1964 දී ආරම්භ කළ අ.පො.ස. (උ.පෙළ) විභාගය මඟින් මෙරට විශ්වවිද්‍යාල ප්‍රවේශය මෙන්ම අධ්‍යාපන විද්‍යා පීඨවලට ප්‍රවේශය ද තීරණය වේ. එබැවින් මේ විභාගය ඉතා තරගකාරී ය. ඊට අමතරව රැකියා සඳහා මූලික සුදුසුකමක්‌ ලෙස මෙන්ම, පෞද්ගලික අනුබද්ධිත උසස්‌ අධ්‍යාපන ආයතනවලට, නීති විද්‍යාල, වරලත් ගණකාධිකරණය, CIMA වැනි සමහර උසස්‌ අධ්‍යාපන පාඨමාලාවලට ද මෙය මූලික සුදුසුකමක්‌ ලෙස සැලකේ. විදේශීය විශ්වවිද්‍යාලවලට ඇතුළු වීමට බලාපොරොත්තු වන සිසුන්ට ද, මේ සුදුසුකම් භාවිත කළ හැක්‌කේ එකී විශ්වවිද්‍යාල පවා අප විභාග දෙපාර්තමේන්තුවෙන් පවත්වා අගයනු ලබන මෙකී විභාගය (ලොව පුරා) පිළිගන්නා බැවිනි.

එකී පිළිගැනීම් ආරක්‌ෂා වීම පිණිසත්, සැම අපේක්‌ෂකයකුට ම සාධාරණය ඉටු වීම පිණිසත් ප්‍රශ්න පත්‍ර සැකසීමේ දී හා ලකුණු දීමේ දී විභාග දෙපාර්තමේන්තුව පරීක්‌ෂකවරුන් ගේ හා ප්‍රශ්න පත්‍ර මණ්‌ඩලවලින් බලාපොරොත්තු වන කරුණු කීපයක්‌ කෙටියෙන් පහත දැක්‌වේ.

(1) අපේක්‌ෂකයන් ගේ මානසික වයසට හා අත්දැකීම්වලට සරිලන පරිදි ප්‍රශ්න පත්‍ර සැකසීම.

(2) මුළු නිර්දේශය ආවරණය වන විද්‍යානුකූල පදනමක පිහිටීම.

(3) ප්‍රායෝගික ක්‍රියාකාරකම් හා ඉහළ මානසික හැකියා මැනීමට ඉඩ තැබීම.

(4) විෂය නිර්දේශය එදිනෙදා ජීවිතයට හා වත්මන් සිදුවීම්වලට ගැලපීම.

(5) ජාතික පොදු අරමුණු හා නිපුණතා සාක්‌ෂාත් කර ගැනීමේ අවධානය.

(6) නිර්දේශයක වෙනස්‌ ඒකකවලින් දෙන ප්‍රශ්න සංඛ්‍යාව තීරණය කිරීමේ දී විද්‍යාත්මක ක්‍රමවේදයක්‌ අනුගමනය කිරීම.

(7) අදාළ විෂයය කාණ්‌ඩයේ සෙසු විෂයයන් ගේ සාධන මට්‌ටම් සැලකිල්ලට ගැනීම.

(8) විකල්ප ප්‍රශ්න අතර සමාන මට්‌ටමක්‌ පවත්වාගෙන යැම.

(9) හැකි සැම විට ම ව්‍යqහගත ස්‌වරූපයෙන් ප්‍රශ්න ඉදිරිපත් කිරීම.

(10) අපේක්‌ෂිත පිළිතුර ලබා ගැනීමට උචිත ම වචන යොදා ගැනීම.

(11) නිවැරැදි පාරිභාෂිත වචන මාලාව.

(12) නිවැරැදි ලකුණු දීමේ පටිපාටිය.

(13) ලකුණු දීමේ දී ප්‍රශ්න විසඳීමට ගත වන කාලය පිළිබඳව සැලකීම.

(14) ලකුණු ප්‍රමාණ ප්‍රශ්න පත්‍රයේ ම සටහන් කිරීම ආදියයි.

මේ සියලු කරුණු බලාපොරොත්තු වුව ද, සියල්ල සිදු කරන්නේ මනුෂ්‍යයන් බැවින්, පරීක්‌ෂණ ලකුණු මත ශිෂ්‍ය සාධනය සම්බන්ධ තීරණ ගන්නා විභාග ක්‍රමයක්‌ පවතින අප රටේ මෙකී විභාග ක්‍රමය මුහුණ දෙන ප්‍රධානතම ගැටලුවක්‌ නම් පරීක්‌ෂකවරුන් ගේ ලකුණුවලත්, ප්‍රශ්න පත්‍රවල සරල හෝ අසීරු භාවයන් ගේත් දක්‌නට ලැබෙන විචල්‍යතාවන් ය. මේ නිසග විචල්‍යතාවන් නිසා පරීක්‌ෂණ ලකුණු මුල් කරගෙන ගන්නා තීරණවල විශ්වාසය පිළිබඳව ගැටලු ඇති වේ.

මේ නිසා පරීක්‌ෂණ කටයුතුවල දී සංඛ්‍යාන විද්‍යාව (Statistics) අනුව දක්‌වා ඇති විද්‍යානුකූල ක්‍රම යොදාගෙන පරීක්‌ෂකයන් ගේ ලකුණු අතරත්, අවසාන ලකුණු එකතුවලත් ඇති විචල්‍යතා අවම කිරීමට ප්‍රයත්න දරනු ලැබේ. මේ සඳහා පරීක්‌ෂකයන් ගේ දළ ලකුණුත්, විවිධ විෂයන් පිළිබඳ දළ ලකුණුත් වෙනත් පරිමාණවලට පරිවර්තනය කිරීම දක්‌නට ලැබේ. මෙසේ සිදු කරන පරිවර්තන අතර දළ දකුණු (අමු ලකුණු) සංඛ්‍යානය අනුව වූ Z නමැති ලකුණකට පරිවර්තනය කිරීම මඟින් එම ලකුණු ආශ්‍රිතව වඩා නිවැරැදි තීරණවලට එළැඹිය හැකි යෑයි පරීක්‌ෂණ පිළිබඳ විශේෂඥයෝ විශ්වාස කරති.

මේ පිළිබඳව සාමාන්‍ය මට්‌ටමේ අවබෝධයක්‌ ලබා ගැනීම සඳහා නැවතත් සුනිල් ගේ හා ජයන්ත ගේ උසස්‌ පෙළ ලකුණු පිළිබඳ ප්‍රශ්නයට යමු.

දෙදෙනා ගෙන් තෝරා ගන්නේ කවුද යන්න පිළිබඳ වඩා නිවැරැදි තීරණයක්‌ ගැනීමට ඔවුන් විෂය පිළිබඳව ලබාගෙන ඇති වෙනස්‌ වූ ලකුණුවලට, වඩාත්

නිවැරැදි වටිනාකමක්‌ දිය යුතු බව පැහැදිලි කරන ලදි.

යම් ප්‍රශ්න පත්‍රයකට සිසුන් ලබා ගත් ලකුණු පිළිබඳව අධ්‍යයනය කිරීමේ දී ළමයින් ඒ ඒ විෂයට ලබා ගත් ලකුණුවල සමාන්තර සාමාන්‍යය එනම් මධ්‍යන්‍යය (average or mean) වැදගත් සාධකයකි. එකී විෂයයෙන් විභාගයට පෙනී සිටි සියලු ළමයින්ගේ ලකුණු එකතු කොට, එකී එකතුව ළමයින් සංඛ්‍යාවෙන් බෙදීමෙන් ළමයකු ලබාගත් ලකුණුවල සාමාන්‍යය එනම් මධ්‍යන්‍යය ලැබේ.

උදාහරණ වශයෙන් 2009 අගෝස්‌තු උ.පෙළ විභාගයේ සංයුක්‌ත ගණිතයට පෙනී සිටි ශිෂ්‍ය සංඛ්‍යාව 24,793ක්‌ ද, ළමයින් ලබාගත් සියලු ලකුණුවල එකතුව 738,583ක්‌ ද වේ.

මේ අනුව සංයුක්‌ත ගණිතය සඳහා සමාන්තර සාමාන්‍ය (මධ්‍යන්‍යය) ලකුණ

      කි.

මේ අයුරින් ම ජීව විද්‍යාව හා භෞතික විද්‍යාව සඳහා සාමාන්‍ය ලකුණු පිළිවෙළින්

   ක්‌ ද  ක්‌ ද විය.

දැන් මධ්‍යන්‍යයන් අනුව බැලු බැල්මට විෂයයන් තුනෙන් සිසුන් සාමාන්‍යයෙන් සාපේක්‌ෂව වැඩි ලකුණු ලබා ඇත්තේ ජීව විද්‍යාවට බවත්, අඩු ලකුණු ලබා ඇත්තේ සංයුක්‌ත ගණිතයට බවත් පෙනේ. එවිට වැඩි දෙනකු අඩු ලකුණු ලබාගත් ගණිත විෂයයට වැඩි ලකුණු (90ක්‌) ලබා ගත් ජයන්ත ගේ ලකුණුවලට වැඩි වටිනාකමක්‌ දිය යුතු යෑයි අනුමාන කළ හැකි ය. එහෙත් මේ අනුමානය ඉතා විද්‍යාත්මක නො වේ.

මේ ලකුණුවල නිවැරැදි වටිනාකම විද්‍යාත්මකව සෙවීමට, කලින් විස්‌තර කළ Z ලකුණු සොයාගත යුතු ය. සංඛ්‍යානය නො දන්නේ නම් Z ලකුණ පිළිබඳ විස්‌තරය තේරුම් ගැනීම එතරම් සරල නො වූවත් පහත දැක්‌වෙන්නේ යම් තරමක විස්‌තරයකි.

යම් ලකුණක ප්‍රමිත ලකුණ එනම් Z ලකුණ සෙවීමට එකී ලකුණු ශේ්‍රණියේ සම්මත අපගමනය (S) නමැති තවත් රාශියක්‌ සොයාගත යුතු ය. සම්මත අපගමනය යනු ලකුණු ශේ්‍රණියක එක්‌ එක්‌ ලකුණ එම ශේ්‍රණියේ මධ්‍යන්‍යයෙන් ඈත් වන ප්‍රමාණය දැක්‌විය හැකි මිම්මකි. ප්‍රායෝගික ලකුණු ශේ්‍රණියක සම්මත අපගමනය (S) සෙවීමට අනුගමනය කළ හැකි ගණිත සූත්‍රය පසුව දක්‌වමු.

දැනට තවදුරටත් Z ලකුණ තේරුම් ගැනීමට උත්සාහ කරමු.

විෂයයක්‌ සඳහා වූ යම් ලකුණක (X); ප්‍රමිත ලකුණ හෙවත් Z ලකුණ යනු, එකී ලකුණ, විෂය සඳහා අනෙකුත් සිසුන් ලබාගත් ලකුණු විසිරීමේ (ව්‍යාප්තියේ) මැද අගයේ (එනම් මධ්‍යන්‍යයේ) () සිට කවර සම්මත අපගමන (S) ප්‍රමාණයක්‌ වැඩි පැත්තට හෝ අඩු පැත්තට හෝ පිහිටන්නේ ද යන්නයි. මධ්‍යන්‍යයෙන් වැඩි පැත්තේ ඇති ලකුණක්‌ සඳහා Z අගය ධන (+) ද, අඩු පැත්තේ ඇති ලකුණක්‌ සඳහා Z අගය සෘණ (-) ද වේ. මෙහි සම්මත අපගමනය (S) එකී ලකුණු විසිරීමට අදාළ සම්මත අපගමනය වේ.

තවත් ආකාරයකින් සඳහන් කරන්නේ නම්, Z ලකුණ යනු යම් ලකුණක්‌ (X), සියලු ළමයින් එකී විෂය සඳහා ලබා ගත් ලකුණු ශේ්‍රණියේ මධ්‍යන්‍යයේ () සිට ඈත් වන ප්‍රමාණය එම ලකුණු විසිරීමේ (ව්‍යාප්තියේ) සම්මත අපගමනයෙහි (S) භාගයක්‌ ලෙස ඉදිරිපත් කළ විට ලැබෙන අගයයි.

මෙය ගණිතමයව ලබා ගැනීමට අදාළ ලකුණු (X) හා මධ්‍යන්‍ය () අතර වෙනස ලකුණු ශේ්‍රණියේ සම්මත අපගමනයෙන් (S) බෙදිය යුතු ය.

මේ අනුව     වේ.

මේ කරුණු තවදුරටත් තේරුම් ගැනීමට පහත දැක්‌වෙන උදාහරණය සලකා බලමු. මෙහි විෂයයන් තුනකට ළමයින් 7 දෙනකු ලබාගත් ලකුණු වගුවක්‌ ඉතා සෛද්ධාන්තිකව ගොඩනඟා තිබේ. මෙහි ලකුණු වුවමනාවෙන් ම ක්‍රමානුකූල විසිරීමක්‌ අනුව සකස්‌ කර ඇත්තේ අමාරු ගණිතයකට නො ගොස්‌ සම්මත අපගමනය සොයාගත හැකි වීම පිණිසත්, තේරුම් කිරීම, සරල කිරීම පිණිසත් ය. එහෙත් ප්‍රායෝගික උදාහරණයක මෙකී ගණනය කිරීම මීට අමාරු වුවත්, මේ සරල උදාහරණයෙන් Z ලකුණ ගැන සැලකිය යුතු අවබෝධයක්‌ ලබාගත හැකි යෑයි සිතමි. මෙය මනඃකල්පිත උදාහරණයක්‌ පමණක්‌ බව සලකන්න. මේ වගුව ක්‍රමානුකූලව පිළියෙල කර ඇත්තේ සම්මත අපගමනය පහසුවෙන් ම පෙනෙන පරිදි ය.

ඉහත දළ ලකුණු වගුව ඉතා හොඳින් හා ඉවසීමෙන් පරීක්‌ෂා කරන්න. එහි දී ගණිත විෂය සඳහා සිසුන් අඩු සාධන මට්‌ටමක්‌ පෙන්නුම් කර ඇති බව පෙනේ. සමහර විට පරීක්‌ෂකවරයා අඩුවෙන් ලකුණු දෙන ක්‍රමයක්‌ අනුගමනය කරන්නට ඇති. නැත හොත් ප්‍රශ්න පත්‍රය අමාරු වැඩි ය. සමහර විට මෙවැනි කරුණු කීපයක්‌ වැඩි අඩුවෙන් මිශ්‍ර වී තිබෙන්නට පුළුවන. මේ අයුරින් අනෙක්‌ විෂයයන් ගැන ද අනුමාන කිරීම් කළ හැකි ය.

එහෙත් ඒ ඒ ලකුණු සඳහා Z ලකුණු බැලූ විට අර්ථය වෙනස්‌ වී පෙනේ. ඉන් ප්‍රකාශ වන්නේ එක්‌ එක්‌ ලකුණ එයට අයත් ශේ්‍රණියේ මැද සිට කොපමණ දුරකින් වැඩි හෝ අඩු පැත්තේ තිබේ ද යන්න සම්මත අපගමනයේ භාගයක්‌ ලෙසට ය. මේ අනුව ලකුණු ශේ්‍රණිය යම් බලපෑමකට යටත් වුවත්, Z ලකුණ මඟින් යම් දළ ලකුණක්‌ අදාළ ශේ්‍රණිය තුළ පිහිටන ස්‌ථානය වඩා ස්‌වාධීනව ප්‍රකාශ කිරීමක්‌ බව පැහැදිලි ය.

මෙසේ අපේක්‌ෂකයකු ගේ දළ ලකුණු අදාළ, ලකුණු ශේ්‍රණියේ පිහිටන ස්‌ථානය පිළිබඳ අවබෝධයක්‌ Z ලකුණෙන් ලැබෙන නිසා එය ලකුණු සැසඳීමටත්, ලකුණු එකතු කිරීමටත්, තීරණ ගැනීමටත් වඩා හොඳ නැත හොත් වඩා සාධාරණ පදනමක්‌ ලබා දෙයි.

කෙසේ වුව ද, ඉහත වගුව, පැහැදිලි කිරීම සඳහා ක්‍රමවත්ව සකසන ලද විශේෂ වගුවකි. එහි ලකුණු ක්‍රමවත්ව (වුවමනාවෙන් ම) පෙළ ගසා ඇති බැවින්, ගණිත සමීකරණයකට නො ගොස්‌ සම්මත අපගමන (S) බැලූ බැල්මට ම පෙනේ. භෞතික විද්‍යාව සඳහා සම්මත අපගමනය 6ක්‌ ද, මධ්‍යන්‍යය 43ක්‌ ද ආදී වශයෙනි.



එහෙත් ප්‍රායෝගික දළ ලකුණු ශේ්‍රණියක සම්මත අපගමනය (S) සෙවීමට ගණිතමය ක්‍රමයක්‌ අනුගමනය කළ යුතු ය. එම සමීකරණය පැහැදිලි කිරීම මෙහි දී අසීරු වුවත්, සමීකරණය පහත දැක්‌වේ.



මෙසේ සම්මත අපගමනය ගණනය කළ හැක්‌කේ බොහෝ උසස්‌ පෙළ විෂයයන් සඳහා සිසුන් ලබා ගන්නා ලකුණු ව්‍යාප්ති ප්‍රමත වක්‍රයක පිහිටා තිබීම නිසා ය.

දැන් සුනිල් ගේ හා ජයන්ත ගේ 2009 අගෝස්‌තු විභාගයේ ලකුණු නැවතත් සලකා බලමු.

ඉහත සමීකරණ අනුව ගණනය කළ, 2009 වසරේ භෞතික විද්‍යාව, සංයුක්‌ත ගණිතය හා ජීව විද්‍යාව සඳහා සම්මත අපගමනවල සත්‍ය වටිනාකම් 15.92, 18.37 හා 14.85 විය. මේ අනුව සිසුන් දෙදෙනා ගේ Z ලකුණු මෙසේ ගණනය කළ හැකි ය.



මේ අනුව වඩා සාධාරණ ලෙස ලකුණු එකතුව විශ්ලේෂණය කළ විට පෙනෙන්නේ සංයුක්‌ත ගණිතයට ජයන්තට වඩා අඩු ලකුණු ලබාගෙන තිබුණත්, සුනිල් ගේ ලකුණුවලට වැඩි වටිනාකමක්‌ ඇති බවයි. එබැවින් දෙදෙනා ගේ දළ ලකුණු එකතුව සමාන වුවත්, තෝරාගැනීමේ තීරණයේ දී සුනිල්ව තෝරා ගැනීම වඩාත් නිවැරැදි වේ.

2011 වසරේ උසස්‌ පෙළ ප්‍රතිඵල සංසන්දනය කිරීම මීටත් වඩා සංකීර්ණ වූයේ විෂය නිර්දේශයන් වෙනස්‌ වූ නිසා, එක ම විෂයයක්‌ සඳහා වුව ද, පළමු වර විභාගයට පෙනී සිටින්නන් අලුත් නිර්දේශය අනුව එක්‌ ප්‍රශ්න පත්‍රයකට ද, දෙවැනි වර පෙනී සිටින්නන් පැරැණි නිර්දේශය අනුව තවත් ප්‍රශ්න පත්‍රයකට ද පෙනී සිටි බැවිනි.

විභාග දෙකකින් ලකුණු ගත් සිසුන් ගේ ලකුණු සඳහා යම් විෂයයකට ඒකරාශි කළ Z අගයන් (Pooled Z Score)) ලබා දීම පිණිස දී ඇති විෂයකට විභාග දෙක සඳහා ඒකරාශි කළ මධ්‍යන්‍යයක්‌ (Pooled Mean) හා ඒකරාශි කළ සම්මත අපගමනයක්‌ (Pooled Standard Deviation) ලබා ගත යුතු විය. මේ සඳහා දී ඇති විෂයක ප්‍රශ්න පත්‍ර දෙක සඳහා ලකුණු ව්‍යාප්ති සැසඳිය යුතු වූ අතර, ඒකරාශි කළ මධ්‍යන්‍යය හා ඒකරාශි කළ සම්මත අපගමනය ලබා ගැනීමේ ක්‍රමය සඳහා ගණිත මහාචාර්යවරුන් ගෙන් සමන්විත කමිටුවක උපදෙස්‌ ලබාගන්නටත්, වෙන ම පරිගණක ක්‍රමලේඛන මෙහෙයුම් කරන්නටත් සිදු විය. මේ නිසා මෙවර උසස්‌ පෙළ ප්‍රතිඵල නිකුත් කිරීම වෙන දාට වඩා ප්‍රමාද විය.

එපමණක්‌ නො ව මානසික පීඩනය යටතේ කාලය හා සටන් කරමින් නිලධාරීන් විසින් මෙය සිදු කරනු ලැබීමේ දී දිස්‌ත්‍රික්‌ක පිළිබඳව ඇති වූ සුළු පරිගණක දෝෂයක්‌ නිසා සිසුන් ගණනාවකට බලපාන ලෙස මුලින් නිකුත් කළ ප්‍රතිඵලවල දිස්‌ත්‍රික්‌ක කුසලතා ශේ්‍රණිගත කිරීම්වල දෝෂ ඇති විය. මෙය ප්‍රතිඵලවලට හෝ Z ලකුණුවලට හෝ විශ්වවිද්‍යාලවලට තෝරා ගැනීම සඳහා හෝ දිවයිනේ ශේ්‍රණිගත කිරීමට බල නො පෑ නමුත්, අහිංසක සිසුන් ගණනාවක ව්‍යාකූලත්වයකට හේතු විය. මෙවැනි කටයුත්තක දී කෙතරම් උනන්දුවෙන් හා වගකීමකින් ක්‍රියා කළ යුතු ද යන්නත්, සුළු දෝෂයක්‌ වුව ද කෙතරම් දෙනකුට බලපෑවේ ද යන්නත් ඉතා පැහැදිලි ය. එබැවින් එකී වගකීමෙන් පැන යන්නට අදාළ කිසිවකුට අයිතියක්‌ නැත.

කෙසේ වුව ද, පැය කිහිපයක්‌ ඇතුළත මේ දෝෂය නිවැරැදි කර යළි දිස්‌ත්‍රික්‌ කුසලතා ශේ්‍රණිගත කිරීම ඉදිරිපත් කරන ලදි. එහෙත්, සමහර දූ දරුවන් ගේ තැලුණු මනසට සැනසුමක්‌ ගෙන ආ හැක්‌කේ කෙසේ ද? මේ පිළිබඳව වාද විවාද කිරීමට වඩා වැදගත් වන්නේ කණගාටුව ප්‍රකාශ කර නැවත මෙවැනි සුළු ප්‍රශ්නයක්‌ වුව ද ඇති නො වීමට වගබලා ගැනීම ය.
Read More



මටනම් මෙම ලිපියේ හරවත් කරුණු ගොනු කිරිමක් දක්නට නොලබේ ඔබගේ අදහස් දැනගන්නට කැමැත්තෙමි. :(


තමාට දඬුවම් දුන් දිසාපාමොක්‌ ආචාර්යවරයා වෙතින් පළිගන්නට ක්‍රියා කළ කුමාරයකු ගැන රසවත් කතාවක්‌ ජාතක කතා පොතෙහි එයි. එය රසවත් ය කියන්නේ මේ කුමාරයා සොරා කෑවේ රසවත් තල නිසා ම පමණක්‌ නො වේ. තල සොරෙන් කෑමට කළ දඬුවම ඉවසාගෙන දිගු කලක්‌ බලා සිට රජකම ලද පසු ගුරුවරයා ගෙන් පළිගැනීමට ඔහු ඉටා ගනී. කෙසේ වෙතත් අවසානයේ දී ඔහු තමා කරන්නට යන වරදෙහි බරපතළකම වටහා ගනී.

වර්තමානයෙහි උසස්‌ අධ්‍යාපන ආයතනවල ශිල්ප ලබන කුමාරවරු මේ තරම් ඉවසිලිවන්තයෝ නො වෙති. ගුරුවරයාට පහර දෙන්නට මේ අයට රජකම ද ඕනෑ නැත. ගුරුවරයා ගෙන් පිට වන ඔවදනක්‌ පමණක්‌ ඊට ප්‍රමාණවත් ය. මේ අයට රජකම ලැබුණ හොත් මොනවා වේ දැයි හිතන්නට වත් බැරි ය.

මීට දින කිහිපයකට පෙර ප්‍රමුඛතම විශ්වවිද්‍යාලයක සිදු වූ මෙවැනි එක්‌ සිද්ධියක්‌ අද වන විට මාධ්‍ය කටගැස්‌මක්‌ බවට පත් ව ඇත. මේ විශ්වවිද්‍යාලයෙහි සිංහල අධ්‍යයන අංශයෙහි කථිකාචාර්යවරයකුට දෙවැනි වසරේ සිසුවකු පහර දුන්නේ අවවාදයක්‌ දෙන්නට ගිය අවස්‌ථාවේ ය. සිසුවියකට මේ සිසුවා කරමින් සිටි මානසික හිරිහැර නවත්වන ලෙස කළ අවවාදය කෙළවර වූයේ පහර දීමකිනි. මේ ආචාර්යවරයා රෝහල්ගත කිරීමට ද සිදු විය. සිසුවා බන්ධනාගාරගත කරනු ලැබ ඇත. සිසුවාට ඇප දීම පවා ප්‍රතික්‌ෂේප කරන ලද බව වාර්තා වේ. ඊට හේතුව මේ සිසුවා ගේ ක්‍රියා කලාපය හේතු කොට විශ්වවිද්‍යාලයෙහි සාමය බිඳ වැටේ යෑයි සැක පහළ වීම ය. මේ සිද්ධිය නිසා ආචාර්යවරුන් අතර නොසන්සුන්තාවක්‌ පැන නැඟෙතැයි යන සැකය ද මතු ව තිබේ.

මේ විශ්වවිද්‍යාල ශිෂ්‍යයකු ආචාර්යවරයකුට පහර දුන් පළමු වතාව නො වේ. එසේ ම අවසන් වතාව ද නො වනු ඇත. ආචාර්යවරුන්ට පහර දුන්, බැණ වැදුණු, හූ කී, ගල් පහර දුන් අවස්‌ථා එමට ඇත. ළමයින් එක්‌ ව විශ්වවිද්‍යාල ආචාර්යවරුන් ගේ මෝටර් රථවලට ලීවලින් පහර දෙනවා මා පෞද්ගලිකව ම දැක ඇත. ගුරු ගෞරවය මෙන්ම සමස්‌ත විශ්වවිද්‍යාල පද්ධතියෙහි ම විනය පිරිහී ගොස්‌ ඇති බවට නිරන්තර චෝදනා එල්ල වේ. මේ සිංහල අධ්‍යයන අංශයෙහි කථිකාචාර්යවරයාට පහර දීම ගැනත් විශ්වවිද්‍යාලයේ විනය පිරිහීම ගැනත් මා සමග කතා කළ නම හෙළි කිරීමට අකැමැති මහාචාර්යවරියක කීවේ "දැන් ඉන්නේ ළමයින් නො ව තාත්තලා" කියා ය.

"මේ ළමයි ගුරු ගෞරවය මොකද්ද කියා හඳුනන්නේ නැහැ. ගුරුවරයා ගේ වටිනාකම දන්නේ නැහැ. ඉස්‌සර අපි ශිෂ්‍යයො කාලේ ගුරුවරයා දුටුවා ම නැවතිලා හිනා වෙලා යම් ක්‍රමයකට ගෞරවය දක්‌වල ගියේ. දැන් එහෙම නැහැ. මහ මැරයො පිරිසක්‌" එසේ කීවේ විශ්වවිද්‍යාලයක්‌ අසල ජීවත් වන වයස්‌ගත මහත්මයෙකි.

මේ දෙන අර්ථකථන සියලු විශ්වවිද්‍යාල සඳහා පොදු දැයි යන ප්‍රශ්නය මතු වේ.

කලින් සඳහන් කළ කථිකාචාර්යවරයා පහර ලද දිනයේ ම මම කොළඹ ඇල්බට්‌ චන්ද්‍රවංකයේ පිහිටි සෞන්දර්ය කලා විශ්වවිද්‍යාලයට ගියෙමි. ඒ එහි පුස්‌තකාලයට පොත් කීපයක්‌ අලෙවි කරන්නට ය. ඒ කටයුත්ත සඳහා රැඳී සිටින අතරතුර දී මට අපූරු දසුනක්‌ දැකගත හැකි විය. එය නම් දේශන අවසාන වී යන්නට සැරසෙමින් සිසු සිසුවියන් පිරිසක්‌ ගුරුවරයාට වැඳ ආචාර කරන අන්දමයි. විශ්වවිද්‍යාල භූමියක දී මීට පෙර මා ශිෂ්‍යයන් ගේ වැඳීමක්‌ දැක තිබුණේ නවක වධ අවස්‌ථාවල දී (ජ්‍යෙෂ්ඨයන්ට වඳින කනිෂ්ඨයන්) පමණක්‌ නිසා විශාල කුතුහලයක්‌ ද, දරා ගන්නට බැරි තරම් සතුටක්‌ ද ඇති විය. විවිධ විශ්වවිද්‍යාල වෙත විවිධ කරුණු සඳහා ගොස්‌ තිබුණ ද මෙසේ ගුරුවරයාට වැඳ නමස්‌කාර කරමින්, ශිල්ප ලබන දරුවන් මා දැක තිබුණේ නැත. එනිසා ම ළඟ සිටි අයකුට කතා කොට එසේ ශිෂ්‍යයන් ගුරුතුමාට වඳිනු දැකීමෙන් මා පුදුමයට පත් වූ බව කීවෙමි.

"ඒක මෙහෙ නම් සාමාන්‍ය දෙයක්‌, පීඨාධිපති මහාචාර්ය ආරියරත්න කළුආරච්චි ශිෂ්‍යයන් ගේ හැසිරීම ගැන හරියට සැලකිලිමත් වන කෙනෙක්‌. ඔහු ගේ ආදර්ශය නිසා අපේ ළමයි ගුරුවරුන්ට බොහොම භක්‌තිමත්ව සලකනවා." පුස්‌තකාලය අසල සිටි කෙනා එසේ කීවේ ය.

"ඒ කියන්නේ ගුරුවරයාට වැන්දේ නැත්නම් දඬුවම් දෙනව ද?" මම ඇසීමි.

"නැහැ එහෙම නෙමෙයි. දඬුවම වෙනුවට ආදර්ශය හා පහදා දීම තමයි මහාචාර්ය කළුආරච්චි ගේ ආදර්ශ පාඨය. නිතර ම එයා මේ දරු දැරියන්ට කතා කරනවා, උපදෙස්‌ දෙනවා. ඒ ළමයින් ගේ ප්‍රශ්නවලට ඇහුම්කන් දෙනවා." ඔහු පැහැදිලි කළේ ය. පොත් අලෙවිය සඳහා අනුමැතිය ලබා ගැනීම සඳහා මේ කියන පීඨාධිපති කළුආරච්චි මහතා හමු වීමට යන්නට මට ද සිදු විය. සිසු සිසුවියන් කීප දෙනකු එතැන පෝලිමේ සිට ඔහු මුණ ගැසුණ අතර ඒ අය ආපසු යන විට පීඨාධිපතිවරයාට දණ ගසා වැඳ යනු මට දැකගත හැකි විය. කළුආරච්චි මහතා ගේ කාර්යාලය අසල දී මට තවත් ආකර්ෂණීය දෙයක්‌ දැකගත හැකි විය. එය නම් අතරමඟ දී හමු වන ගුරුවර ගුරුවරියන් එකිනෙකාට හිස නමා ආචාර කිරීමයි. මේවා ව්‍යාජ වූත්, කෘත්‍රිම වූත්, පලකට නැන්තා වූත් දේවල් යෑයි කුහකයකු කියන්නට ඉඩ තිබේ. එසේ ම මේ ශිෂ්‍යයා හා සරසවිය වැඩවසම් ක්‍රමයකට ඇදගෙන යැමක්‌ යෑයි චෝදනා එල්ල වන්නට ද ඉඩ තිබේ. එය මොන නමකින් හැඳින්වුවත් ඒ ක්‍රමවේදය තුළ විශාල ආලෝකයක්‌, සුන්දරත්වයක්‌ ඇත්තේ ය.

එහෙත් පීඨාධිපති කළුආරච්චි මහතා වැනි අයකුට පමණක්‌ මේ විශ්වවිද්‍යාල පද්ධතිය ගොඩගත නොහැකි ය. ගුරු ගෞරවය පිරිහීමට අමතරව තවත් බොහෝ ගැටලුවලින් විශ්වවිද්‍යාල පද්ධතිය ජරාජීර්ණ ව පවතී. අනෙක්‌ අතට විනය පිළිබඳ ගැටලු ඇත්තේ විශ්වවිද්‍යාල පද්ධතියෙහි පමණක්‌ නො වේ. කාර්මික විද්‍යාලවල හා වෙනත් උසස්‌ අධ්‍යාපන ආයතනවල ද විශේෂයෙන් ම පාසල්වල ද විනය පිරිහීම් ගැන සුලබව අසන්නට ලැබේ.

ගුරුවරුන්ට පහර දීම, ගුරුවරුන්ට බැණ වැදීම, අපහාස කිරීම, පෝස්‌ටර් වැනි දේ මඟින් විරෝධය දැක්‌වීම වැනි දේ බොහෝ විට මේ ආයතනවලින් අසන්නට ලැබේ. ගුරුවරුන් සමග ඇති වන ගැටුම්වලට අමතරව ශිෂ්‍ය කණ්‌ඩායම් අතර ඇති වන ගැටුම් පිළිබඳව නිතර ම අසන්නට ලැබේ. විශේෂයෙන් ම විශ්වවිද්‍යාල නම් පීඨ-පීඨ අතර සිවිල් යුද්ධවල ස්‌වරූපය සහිත අරගල ඇති වේ. විවිධ පීඨවලට අයත් සිසු සිසුවියන් පීඨ මට්‌ටමෙන් බෙදී ගල් මුගුරු, පොලු, ෙච්න් හා තවත් විවිධ ආයුධ භාවිත කරමින් සටනේ නියෑළෙනු පෙනේ. අවාසනාව නම් මෙවැනි විටක ගුරුවරුන්ට මේ ගැටුම් පාලනය කරන්නට නොහැකි ව යැමයි. ශිෂ්‍යයන් බොහෝ විට ගුරුවරුන් සමග ගැටුම් ඇති කරගන්නේ පරිපාලන ගැටලු මුල් කරගෙන ය. එසේ ම පෞද්ගලික ප්‍රශ්න ද ඇතැම් විට හේතු වේ. ගුරු-ශිෂ්‍ය ගැටුම්වලට තවත් හේතුවක්‌ වන්නේ නවක වධයයි. නවක වධයට පක්‌ෂ විපක්‌ෂ ශිෂ්‍ය කණ්‌ඩායම් අතර නිරන්තර ගැටුම් දැකගත හැකි ය. උසස්‌ අධ්‍යාපන ආයතනවල ඉගෙනුම ලබන දරු දැරියන් ගේ ප්‍රශ්න පිළිබඳව අවබෝධයකින් තොර ව මේ ගැටුම්වල මූලය විශ්ලේෂණය කළ නොහැකි වේ. සැබැවින් ම මෙය දේශපාලනිකව සමාජ විද්‍යාත්මකව මෙන්ම මනෝවිද්‍යාත්මකව විග්‍රහ කළ යුතු වේ.

ලෝක තත්ත්වය

ඇමෙරිකානු මනෝවිද්‍යාත්මක සංවිධානයට අනුව ඇමෙරිකාව තුළ හැම වසරක ම ගුරුවරු 2,53000කට ආසන්න පිරිසක්‌, ශිෂ්‍ය ශිෂ්‍යාවන් වෙතින් පහර දීම්වලට හෝ අවම වශයෙන් වාචික තර්ජනවලට ලක්‌ වෙති. 2004 දී ඇමෙරිකාවේ කරන ලද සමීක්‌ෂණයකින් හෙළි වූයේ 127000කට ආසන්න ගුරු පිරිසක්‌ සිසුන් වෙතින් කායික හිංසාවන්ට ගොදුරු වී ඇති බවයි. සිසුන් වෙතින් හිංසනයට ලක්‌ වන ගුරුවරුන් ගේ බහුතරය ස්‌ත්‍රීන් බව ද වාර්තා වේ. එනම් ගුරුවරුන් 30%ක්‌ හා ගුරුවරියන් 70%ක්‌ වශයෙනි.

විසඳුම්

ඇමෙරිකානු මනෝවිද්‍යාත්මක සංගමය ගුරුවරුන්ට පහර දීම් ගැන විශේෂයෙනුත් ගුරු සිසු සබඳතා පිරිහීම ගැන පොදුවේත් අවධානය යොමු කරමින් අනාගතයේ ගත යුතු ක්‍රියාමාර්ග මෙසේ නිර්දේශ කරයි.

1. පාසල්වල/විශ්වවිද්‍යාලවල උපදේශන සේවා වර්ධනය.

2. ශිෂ්‍ය ශිෂ්‍යාවන්ට සමීප ව කටයුතු කරන ගුරුවරුන් බිහි කිරීම.

3. විෂය නිර්දේශය සංශෝධනය කෙරෙහි යොමු වීම.

සමීප විය යුතුයි

ඇමෙරිකාවේ හා අපේ රටේ තත්ත්වය සර්වසම නො වුණ ද ඇමෙරිකානු මනෝවිද්‍යා සංවිධානයේ නිර්දේශ අපට ද යම් තරමකට සුදුසු බව පෙනී යයි. විශේෂයෙන් ම ගුරුවරයා සිසුවාට සමීප වීම මඟින් ගුරු සිසු සබඳතා වර්ධනය කරගත හැකි වන අතර බොහෝ ගැටුම් ද වළක්‌වා ගත හැකි වේ. බොහෝ ලාංකික විද්වතුන් ගේ අදහස ද මේ සඳහා වන උචිතම විසඳුම ගුරුවරයා ශිෂ්‍යයාට වඩාත් සමීප වීම බවයි.

ශ්‍රී ජයවර්ධනපුර විශ්වවිද්‍යාලයයේ මනෝවිද්‍යාව පිළිබඳ මහාචාර්ය ඥානදාස පෙරේරා මහතා මේ ගුරු සිසු සබඳතා පිරිහීමේ වරද පටවන්නේ නූතන සරසවි විභාග ක්‍රමය වෙතයි.

"සිසුන් ගේ විභාග මානසිකත්වය නිසා ගැටලු ඇති වෙලා. එනිසාම ගුරු-සිසු සබඳතා පවත්වන්න වෙලාවක්‌ නෑ. ආචාර්යවරයෙක්‌ විෂය නිර්දේශය ආවරණය කරනව විනා සිසුන් ගේ මානසිකත්වය අවබෝධ කරගන්න බලන්නේ නැහැ. එහෙම කරන්න වෙලාවකුත් නැහැ. අනෙක ශිෂ්‍ය ශිෂ්‍යාවන් වුණත් බයයි සබඳතා ගොඩ නඟාගන්න. මොකද ඒ ගොල්ල තුළ වුණත් විශ්වාසයක්‌ නැහැ ගුරුවරයා ගැන.

මහාචාර්ය ඥානදාස පෙරේරා යනු විශ්වවිද්‍යාල කීපයක ම මනෝවිද්‍යාව පිළිබඳ දේශන පවත්වන එසේ ම සිසුන් හා මනා සබඳතාවක්‌ පවත්වන ගුරුවරයෙකි. ඔහු අතීත විභාග ක්‍රමය තුළ පැවැති නිදහස වර්තමාන සිසුවාට අහිමි වී ඇති ආකාරය ගැන ඉතා හොඳ පැහැදිලි කිරීමක්‌ කරයි. සැබැවින් ම අතීතයේ දී විභාග පැවතියේ වසරකට එක්‌ වරක්‌ පමණි. එහෙත් ඒකක ක්‍රමය හඳුන්වා දීමෙන් පසු ඉතා කෙටි කලකින් විභාග පැවැත්වෙයි. එනිසා ගුරු-සිසු සබඳතා වර්ධනය වන ක්‍රියාකාරකම්වල යෙදෙන්නට සිසුන්ට වෙලාවක්‌ නැත. මේ වෙලාව පිළිබඳ ගැටලුව ගුරුවරුන්ට ද බලපායි. ඔවුන්ට අද ප්‍රශ්න පත්‍රයක්‌ සාදා හෙට උත්තර බලා යළි අනිද්දාට තව ප්‍රශ්න පත්‍රයක්‌ හදන්නට සිදු ව තිබේ.

කැලණි විශ්වවිද්‍යාලයයේ ප්‍රධාන විනයාරක්‌ෂක (මාෂල්) තනතුර හොබවන හෙට්‌ටියාදුර ප්‍රසාද් බ්‍රින්ඩ්ලි සෙනරත් ප්‍රනාන්දු මහතා ගේ අදහස වන්නේ ද ගුරු සිසු සමීපතාව ඉතා වැදගත් බවයි.

"මා විද්‍යා උපාධියෙන් පසු නාවික හමුදාවේ උප ලුතිනන්වරයකු හැටියට සේවය ආරම්භ කර වසර 10කට පසු නීත්‍යනුකූලව ඉවත් වී කැලණි සරසවියේ මාෂල් තනතුරෙහි රාජකාරී බර ගත්තා. මා ආ ගමන් හඳුනා ගත්තා ශිෂ්‍ය ශිෂ්‍යාවන්ට අවශ්‍ය දේ මොනව ද කියා. ඔවුන්ට ක්‍රීඩා ගැන ලොකු පිපාසයක්‌ තිබුණා. ඒ සංසිඳුවා ගැනීමට තිබූ එක ම ස්‌ථානය ක්‍රීඩා ශාරීරික අධ්‍යාපන අංශය පමණයි. ළමයින් තුළ ප්‍රශ්න ඇති වීමට මූලික හේතුව ජීවන ප්‍රශ්න. ඒ වගේ ම කැපී පෙනීමට ඇති ආසාව. ක්‍රීඩාව කැපී පෙනීමේ තෝතැන්නක්‌. මං හැම ශිෂ්‍ය ශිෂ්‍යාවකට ම කතා කරල පෞද්ගලිකව ම ක්‍රීඩාවට යොමු කළා. ඔවුන්ව මං පුහුණු කළා විවිධ ක්‍රීඩාවලට. ඒ නිසා ළමයින්ට සමීප වෙන්න හැකි වුණා. මේ සඳහා මට අනුදැනුම ලැබුණේ අපේ උපකුලපතිතුමා වෙතින්. එතුමා උපදෙස්‌ දුන්නේ ශිෂ්‍යයන් ක්‍රීඩා වැනි යහපත් ක්‍රියාකාරකම්වලට යොමු කරන්න කියා. එනිසා ශිෂ්‍ය ප්‍රශ්න පහසුවෙන් විසඳාගත හැකි වුණා. අපේ විශ්වවිද්‍යාලය තුළ නම් හොඳ ගුරු සිසු සබඳතාවක්‌ පවතිනවා. උපකුලපතිතුමා ළඟට මෙහි විනය සම්බන්ධ විශාල වගකීමක්‌ මට තිබෙනවා. පීඨාධිපතිවරුන් ගේ හා ආචාර්යවරුන් ගේ සහාය මට හොඳින් ලැබෙනවා. මා දන්නා ඉතිහාසය තුළ ආචාර්ය මණ්‌ඩලය සමග බරපතළ ගැටුම්, පහර දීම් වැනි දේ අපේ දරුවන් ඇති කර ගත්තේ නෑ. මං අපේ සරසවියේ ළමයින්ට අමතන්නේ "දරුවෝ" කියලයි. සැම විට ම සියලු ගුරුවරුන් දැනගත යුතු දෙයක්‌ වන්නේ සිසුන් ගෙන් ඈත් වීම නො ව ළං වීම වැදගත් බවත්, ඔවුන් අපි සියලු දෙනා ගේ දරුවෝ බවත්.

උසස්‌ අධ්‍යාපන ආයතනවල ගැටුම් දුරදිග යන්න ප්‍රධාන හේතුවක්‌ ලෙස මා දකින්නේ ගුරුවරු ශිෂ්‍යයන්ට සමීප නො වීමයි. මේ වරද අප හදාගන්න ඕනෙ. මං ගුරුවරුන්ට ආදරයෙන් මතක්‌ කරල දෙනව මේ අපේ දරුවො, ඔවුන්ට ළං වෙන්න, සවන් දෙන්න. ඔවුන්ව හදාගන්න අපට පුළුවන්." ඒ ඔහු ගේ අදහස්‌ ය.

විශ්වවිද්‍යාලයක විනය කටයුතු බාර ව ඇත්තේ මාෂල්වරයාටයි. එහෙයින් කැලණි සරසවියේ මාෂල්, ප්‍රනාන්දු මහතා ගේ අදහස්‌ ද ලෙහෙසියෙන් බැහැර කළ නොහැකි ය.

සිසු දරු දැරියන්ට සමීප වීම ගුරුවරුන් ගේ යුතුකමක්‌ වන අතර ඔවුන් වටහා ගන්නට ගුරුවරයා උත්සාහ දැරිය යුතු වේ. එහෙත් ශිෂ්‍යයන් ගේ පැත්තෙන් සිතන්නට අකැමැති ගුරුවරුන් ද සිටින බව අප අමතක කළ යුතු නො වේ. මා කතා කළ එක්‌තරා විශ්වවිද්‍යාලයක ජ්‍යෙෂ්ඨ කථිකාචාර්යවරියක පැවසුවේ ඇතැම් ශිෂ්‍ය උපදේශකයන් ළමයින් ගේ පක්‌ෂය නො ගෙන බලධාරීන් ගේ පක්‌ෂය පමණක්‌ ගන්න නිසා ළමයින් තුළ ගුරු ගෞරවය බිඳ වැටෙන බව ය. "මා දන්නා තරමින් නම් විශ්වවිද්‍යාල සිසු සිසුවියන් හොඳයි. ඔවුන් කවදා වත් අසාධාරණ ඉල්ලීම් ඉල්ලන්නේ නැහැ. මේ අයට උදව් දෙන්නයි ශිෂ්‍ය උපදේශකයන් ඉන්න ඕනේ. එහෙත් එහෙම නො වන අයත් සිටිනවා." ඒ ඇය කී දෙයයි.

ගුරුගෝල ගැටුම් සඳහා මත්පැන් ද හේතුවක්‌

නවතම අධ්‍යයනයකින් හෙළි ව ඇත්තේ උසස්‌ අධ්‍යාපන ආයතනවල හිංසනය ඉහළ යැම සඳහා ශිෂ්‍යයන් ගේ මත්පැන් භාවිතය මූලික හේතුවක්‌ වී ඇති බවයි. ඔබ එක්‌ වර ම කලබල විය යුතු නැත්තේ මේ අධ්‍යයනය අපේ රටට අදාළව කරන ලද්දක්‌ නො වන බැවිනි. මේ අධ්‍යයනය පිළිබඳ තොරතුරු පළ වන්නේ ඇල්කොහොලිසම් ක්‌ලිනිකල් ඇන්ඩ් එක්‌ස්‌පෙරිමන්ටල් රිසර්ච් ජර්නලයෙහි ය. මේ අධ්‍යයනය මෙහෙයවන ලද්දේ Centre for Addiction ආයතනයේ මහාචාරිනී සැමන්ටා වෙල්ස්‌ ඇතුළු පිරිස විසිනි. ඇගේ අධ්‍යයනය සඳහා විශ්වවිද්‍යාල 40ක ශිෂ්‍ය ශිෂ්‍යාවන් 6282ක ගේ දත්ත භාවිත කරන ලදී. එම අධ්‍යයනයේ දී පෙනී ගියේ මත්පැන් හේතු කොටගෙන සිසුන් වෙනත් සිසුන් සමග ද, ගුරුවරුන් සමග ද ගැටුම් ඇති කර ගන්නා බවයි. ඇතැම් විට ශිෂ්‍යයන් සමග ගුරුවරුන් ද මත්පැන් පානයට හවුල් වන අතර එවැනි අවස්‌ථාවල මෙවැනි ගැටුම් ඇති වීමේ ඉඩකඩ වැඩි වේ.

විශ්වවිද්‍යාල ශිෂ්‍යයන්ට මත්පැන් පානයට ඉඩකඩ ලැබෙන අවස්‌ථා සුලබ බව ද අධ්‍යයනය පෙන්වා දෙයි. මේ අධ්‍යයනයට අනුව ප්‍රිය සම්භාෂණවල දී මත්පැන් ගැනීම නිසා සිසුහු ගැටුම්කාරී තත්වවලට බහුලව යොමු වෙති. මත්පැන් ගන්නා සිසුවා සමග ඔහු ගේ පෙම්වතිය ද එම ස්‌ථානයේ සිටිනවා නම් සිසුන් ගැටුම් යොමු වීමේ අවකාශ ඉහළ යන බව මේ අධ්‍යයනය පෙන්වා දෙයි.

මෙවැනි අධ්‍යයනයක්‌ මඟින් තහවුරු කළ නොහැකි වුවත් අප ගේ විශ්වවිද්‍යාලවල තත්ත්වය මීට වෙනස්‌ වෙතැයි සිතිය නො හේ. අද විශ්වවිද්‍යාල සිසුන්ට ද විශාල පරිමාණයේ ප්‍රශ්න ඇතත් ප්‍රිය සම්භාෂණ ද නිමක්‌ නැත. අලුතින් සිසුන් ආපසු ඔවුන්ට ලබා දෙන නවක සාදය (Freshers night), වසරාවසාන සාද, සමුගැනීමේ සාද, විවිධ උත්සවවලට අදාළව පැවැත්වෙන සාද මෙවැනි ප්‍රිය සම්භාෂණවලට නිදසුන් වේ.

සිසුහු බොහෝ දෙනෙක්‌ විභාග අවසන් වූ පසු මත්පැන් සාද දමති. අතීතයේ දී මෙන් නො ව ඒකක ක්‍රමයට (Unit System) වසරකට කීප වතාවක්‌ විභාග පැවැත්වෙන බැවින් ඉස්‌සර ශිෂ්‍යයන්ට වැඩියෙන් දැන් අයට බොන්නට අවස්‌ථා වැඩි ගණනක්‌ ලැබී තිබේ. මා හා කතා කළ ඇතැම් සිසුන් පැවසුවේ මේ යුනිට්‌ ක්‍රමය නිසා විෂය කටයුතුවලට ඇලී ඉඳින්නට තමන්ට සිදු වන නිසා එමඟින් ඇති වන ආතතිය, බීමට පෙලඹවීමක්‌ ඇති කරවන බව ය.

පොලිසිය හා ගැටුම්

විශ්වවිද්‍යාලයක පොලිසි නිසා ගැටලු ඇත් වන්නේ ආසියාතික රටවල පමණක්‌ නො වේ. 2011 ඔක්‌තෝබර් 10 වැනි දා ඇමෙරිකාවේ ඨැදරටැ ඵ්sදබ විශ්වවිද්‍යාලයේ ශිෂ්‍යයන් ප්‍රාදේශීය බලධාරීන්ට වාර්තා කළේ සරසවියෙහි පිහිටුවා ඇති පොලීසිය ඉතා අසාධාරණ ලෙස හා පක්‌ෂපාතීව කටයුතු කරන බවයි. විශේෂයෙන් ම විශ්වවිද්‍යාලයේ ඉගෙනුම ලබන සුළු ජාතික ශිෂ්‍ය ශිෂ්‍යාවන්ට ඔවුන් ඉතා අකාරුණික ලෙස සලකන බව ශිෂ්‍යයෝ පෙන්වා දෙති. එසේ ම සරසවිය තුළ පොලිස්‌ ඒකකයක්‌ පිහිටුවීම ගැන මේ ශිෂ්‍ය කණ්‌ඩායම් විරෝධය පායි. එහෙත් එහි පොලිස්‌ ඒකකයක්‌ පිහිටුවනු ලැබුවේ 2011 මාර්තු මාසයේ දී ශිෂ්‍යයන් අතර ඇති වූ දරුණු ගැටුම්වල ප්‍රතිඵලයක්‌ ලෙසට ය.

විශ්වවිද්‍යාලවල ගැටුම් අවස්‌ථාවල සිසුන්ට ආරක්‌ෂක අංශ පහර දෙන අවස්‌ථාවල නොසැලකිලිමත්කම මත ආචාර්යවරුන්ට පහර දුන් අවස්‌ථා ද වාර්තා වේ. මෙවැනි සිද්ධි නිසා ගුරු ගෞරවය මෙන්ම ගුරු සිසු සබඳතා දෙදරා යන්නට ඉඩ තිබේ.

මවුපියන් ද වගකිව යුතුයි

ප්‍රකට භාරත අධ්‍යාපන විශේෂඥවරියක වන Nabiha Meher පෙන්වා දෙන්නේ ගුරු සිසු සබඳතා බිඳී යැමට ගුරුවරුන් සිසුන් මෙන්ම මවුපියන් ද වගකිව යුතු බවයි. බොහෝ මවුපියන්ට තම දරුවා වැරැදි කරන්නකු බව අවබෝධ කර දීම අපහසු බව ඇය කියයි. වරදක්‌ කරන දරුවකු ගැන මවුපියන්ට දැන්වූ විට මවුපියන් ඒ ගැන නො සලකා ගුරුවරයාට චෝදනා නඟන බව ඇය තම අත්දැකීම් ඇසුරෙන් පෙන්වා දෙයි. Nabiha Meher වරක්‌ දඟ වැඩක නිරත වූ පිරිමි දරුවකුගේ වරදක්‌ ලියා ඒ සටහන දරුවා ගේ මව වෙත යෑව්වේ ඒ සටහනට අත්සනක්‌ ලබා දෙන ලෙස දන්වමිනි. එහෙත් මව ආපසු ඒ සටහන එවා තිබුණේ ගුරුවරිය කී දේ තමා නො පිළිගන්නා බව දන්වමිනි. මවුපියන් මෙලෙස අසාධාරණ ලෙස දරුවන් ගේ පැත්ත ගැනීම දරුවන්ට ඉදිරියේ දී නිදහසේ වැරැදි කරන්නට දෙන අවසර පත්‍රයක්‌ බඳු යෑයි Meher පවසයි.

අපේ රටේ මවුපියන් අද ගුරුවරුන් ගේ දඬුවම් සම්බන්ධයෙන් දක්‌වන ප්‍රතිචාර ගැන අවධානය යොමු කරන්නට කැමැත්තෙමි. දඬුවම් දෙන ගුරුවරුන්ට එරෙහි ව පොලිසි උසාවි හා මානව හිමිකම් කොමිසම් කරා යන ප්‍රවණතාවක්‌ අද ඇති ව තිබේ. මේ ප්‍රශ්නය ඉතා සංකීර්ණ එකකි. තම දරුවකු අමානුෂික පහර ලැබීමකින් වළක්‌වා ගන්නට මවුපියන්ට ඇති අයිතිය අප පිළිගත යුතු වේ. එය දරුවා ගේ ද සිවිල් අයිතියකි. එහෙත් ඒ අයිතිය පළිහක්‌ කර ගනිමින් සැබෑ ගුරුවරුන් දඟ ගෙයට යෑවීමට කටයුතු කෙරෙනවා නම් එය ශෝචනීය කරුණකි. ගුරුවරයකු සාමාන්‍යයෙන් දරුවකුට පහරක්‌ දෙන්නේ දරුවා හොඳ මඟට ගැනීමේ අරමුණෙනි. (මේ අතර ඉතා කලාතුරකින් අමනෝඥ ගුරුවරුන් ද නො සිටිනවා ම නො වේ) දරුවා හොඳ මඟට ගන්නට සුළු දඬුවමක්‌ දෙන ගුරුවරයාට උසාවියකින් මහා දඬුවමක්‌ ලබා දෙන්නට කටයුතු යෙදීම කෙතරම් නිහීත ක්‍රියාවක්‌ ද?

පාසල් තුළ දඬුවම් ක්‍රම භාවිතය සුදුසු ද නුසුදුසු ද යන්න අද කතිකාවට බඳුන් ව ඇති මාතෘකාවකි. සමහරුන් කියන්නේ ඉස්‌සර මෙන් වේවැල හොඳහැටි පාවිච්චි කෙරෙනවා නම් මේ කියන ගැටලු කිසිවක්‌ මතු නො වන බවයි. ඉස්‌සර වේවැලෙන් දෙන දඬුවම හඳුන්වන ලද්දේ ද වේවැල් කෂාය යනුවෙනි. එමඟින් අර්ථවත් වන්නේ ද එය තරහකට කරන ලද පහර දීමක්‌ නො ව අර්බුදයකට ඔසුවක්‌/පිළියමක්‌ බවයි. සමහර පාසල්වල ශාරීරික දඬුවම් ක්‍රමය තවමත් භාවිත කෙරේ. විශ්වවිද්‍යාලවල වැරැදි කරන අයට වේවැල් කෂාය ලබා දෙන්නේ නැත. ඒ වෙනුවට කෙරෙන්නේ පංති තහනමයි.

වේවැල් කෂාය වුවමනායි

කැනඩාව තුළ රාජ්‍ය මැදිහත් වීමෙන් Leger Marketing නම් වූ පෞද්ගලික සංවිධානය මඟින් මෙහෙයවන ලද සමීක්‌ෂණ මඟින් හෙළි වූයේ එරට මවුපියන් ගෙන් සියයට හැට නවයක්‌ ම දරුවාට පාසලේ දී හා නිවසේ දී කායික දඬුවම් දීම (සාධාරණ හේතු මත) අනුමත කරන බවයි. කිසිදු හේතුවක්‌ මත දඬුවම් දීම නො කළ යුතු යෑයි කියා සිටියේ 21.9%ක ප්‍රතිශතයක්‌ පමණි. 9.1%ක ප්‍රතිශතයක්‌ උත්තරයක්‌ දීමෙන් වැළකී සිටිය හ.

වරද ගුරුවරුන් ගේ ද?

කෙසේ වෙතත් ශිෂ්‍ය ගුරු සබඳතා බිඳ යැම ගැනත් ශිෂ්‍ය විනය පිරිහී යැම ගැනත් මා හා අදහස්‌ දැක්‌වූ බොහෝ මවුපියන් හා වැඩිහිටියන් චෝදනාව එල්ල කළේ විශ්වවිද්‍යාල ආචාර්යවරුන්ටත් පොදුවේ ගුරුවරුන්ටත් ය. ඔවුන් කියා සිටියේ අතීතයේ සිටි අධ්‍යාපනය හා ශිෂ්‍ය විනය නඟා සිටුවන්නට වෙර දැරූ ගුරු උතුමන් වෙනුවට දැන් සිටින්නේ වාණිජකරණයට ලක්‌ වූ අමුතුම පිරිසක්‌ බව ය.

ගුරුවරුන් ශිෂ්‍යයන්ට "මචං" කියන තත්ත්වයට වැටී ඇති බවත් ඇතැමුන් සිසුන් හා එක්‌ ව මත්පැන් බී වෙරි වී තැන තැන වැටී සිටින බවත් ඇතැමෙක්‌ චෝදනා කළ හ. එසේ ම විශ්වවිද්‍යාලයයේ උගැන්වීම පසෙක ලා ටියුෂන් දීමේ නිරත වන බවත් පෞද්ගලික උන්නතිය කතා දේශපාලන ව්‍යාපෘති ද කර තබාගෙන සිටින බවත් චෝදනා කළ හ. විවිධ එන්ජීඕවලට සිය දැනුම අලෙවි කරමින් මඩිය තර කර ගන්නට හදන අය ගැන ද ඔවුහු අදහස්‌ දැක්‌වූ හ. තව ද ගුරුවරුන් ගුරුවරුන් අතර භේද ඇති කරවීමට මුල් වන ආචාර්ය මහාචාර්යවරුන් ගැන ද මේ අය සිය අප්‍රසාදය පළ කළ හ.

මේ පොදු ජනතාව ගේ චෝදනාවලට පිළිතුරු සෙවීම සඳහා අප තෝරා ගත්තේ කීර්තිමත් සමාජ විද්‍යාඥයකු වන ආචාර්ය මහීම් මෙන්ඩිස්‌ මහතායි. ඔහු ශ්‍රී ලංකා විවෘත විශ්වවිද්‍යාලයයේ සමාජ විද්‍යා හා මානව ශාස්‌ත්‍ර පීඨාධිපතිවරයා ද වේ.

"මේ ගැටලුවලට කවුරුන් හෝ ආචාර්යවරුන්ට චෝදනා කරනවා නම් අප එය එකහෙළා ප්‍රතික්‌ෂේප කරනවා. විශ්වවිද්‍යාල ආචාර්යවරුන් කියන්නේ බොහොම විනයගරුක පිරිසක්‌. අප තුළ ඇති විනය හරහා තමයි අප සිසුන් පෝෂණය කරන්නේ. ආචාර්යවරුන්ට චෝදනා කරන්නේ පටු වාසි ගන්න උත්සාහ කරන අය. සමාජ විද්‍යාත්මක දෘෂ්ටියකින් මේ ප්‍රශ්න දිහා බලමු. ප්‍රබල ම සමාජ සංස්‌ථාව වන රාජ්‍යය විශාල ලෙස පිරිහිලා. මේ පිරිහීම අන් සියලු සමාජ සංස්‌ථාවලට අහිතකර බලපෑම් ඇති කරනවා. එය තමයි හැම දේට ම මුල. ළමයින් ගේ විනය හොඳ නැහැ කියා ඇඟිල්ල දික්‌ කරනවා. ශිෂ්‍ය විනය දියුණු කරන්න අවශ්‍ය ගුරු සම්පත වර්ධනය කරනවා ද? නැහැ. විශ්වවිද්‍යාල පහළොවක්‌ තියනව ඒ හැම එකක්‌ ම සැලකු කල ආචාර්ය උපාධිධාරීන් සිටින්නේ සියයට විස්‌සයි. රටේ ඉහළ ම බුද්ධිමතුන් රට හැර යනවා. ඒ සම්පත නඟා සිටුවන්නේ නැති ව ඔය කියන ගුරු සිසු සබඳතා හොඳ තත්ත්වයකට ගෙනෙන්නේ කෙහොම ද?"

මෙන්ඩිස්‌ විද්වතා නඟන මේ පැනයෙහි ද පදනමක්‌ තිබේ. ආචාර්යවරුන් කිසියම් අතෘප්තිමත් බවකින් පසු වෙත් නම් ඔවුන් ගෙන් සැබෑ මෙහෙයක්‌ බලාපොරොත්තු විය හැකි ද? ආචාර්යවරුන් ටියුෂන් කාරයන් සේ හංවඩු ගසනා අය ඔවුන් ගේ වැටුප් ප්‍රශ්න ගැන සානුකම්පිතව සලකා බලා තිබේ ද?

මේ ප්‍රශ්නය හදිසියේ ප්‍රාදූර්භූත වූවක්‌ හෝ හුදකලා ගැටලුවක්‌ සේ නිර්වචනය දෝෂ සහගත යෑයි සිතේ. පේරාදෙනිය විශ්වවිද්‍යාලයයේ මහාචාර්ය සුමනසිරි ලියනගේ මහතා සරසවි විනය ගැන දැක්‌වූ මේ අදහස හරහා ලිපිය නිමා කිරීම සුදුසු යෑයි සිතමි.

"අපේ ජනමාධ්‍ය හා සමාජය හදිසියේ විශ්වවිද්‍යාල ශිෂ්‍යයන් ගේ විනය පිරිහිලා කියා හඳුනා ගත්තේ කොහොම ද? එහෙම දෙයක්‌ ඇත්තට ම පිළිබිඹු වෙලා නම් එමඟින් පිළිබිඹු වන්නේ සමස්‌ත සමාජයේ ම විනය පිරිහීම නො වේ ද? මේ දේශපාලකයන් හා බලධාරීන් ඇතුළත් සමස්‌ත සමාජයේ ගැටලුව ම නො වේ ද, මේ ශිෂ්‍ය ගුරු ප්‍රශ්න හරහා පිළිබිඹු වන්නේ?"

ඔහු ගේ මේ තර්කය ගැන ද ගැඹුරෙන් සිතා බැලීමට කාලය එළැඹ ඇත.
Read More

අරමුණු සීමා කරගන්න



පසුගිය වසර තුළදී ඔබට බලාපොරොත්තු ගණනාවක්‌ තිබෙන්නට ඇති.

"විභාගය සමත් වෙන්නට" වගේම, "විවාහයට" සුදුසු සහකරුවකු සොයා ගන්නටත්, හොඳ රැකියාවක්‌, නව නිවසක්‌, නවීන වාහනයක්‌, විදේශ ගතවීමක්‌ වැනි බලාපොරොත්තු ගොන්නක්‌ ඔබ තුළ තිබෙන්නට ඇති.

ඔබට පමණක්‌ නොවෙයි, බොහොමයක්‌ දෙනාගේ ආශාවන්ට සිමාවක්‌ නැහැ. නව වසරක්‌ සමඟ අරමුණු රැසක්‌ ඉටුකර ගන්නට සිතා ගත්තත්, වසර අවසානයේ ඉන් කිහිපයක්‌වත් ඉටුකර ගන්නට බැරි තරම්. අවසානයේ ඉතිරිවී ඇත්තේ අසහනය පමණයි.

ඔබ අතට එක්‌ ඊතලයක්‌ දීලා ඉලක්‌ක කිහිපයක්‌ පෙන්වුවොත් ඔබට කුමක්‌ සිදුවේවි ද? ඔබ අසරණ වෙනවා නේද? ඔබ කොහොමද එකවර ඉලක්‌ක හතර - පහකට විදින්නෙ. ඔබට එක ඊතලයකින් විදිය හැක්‌කේ එක්‌ ඉලක්‌කයකට පමණයි. ඒ නිසා ඔබට එක්‌ ඉලක්‌කයක්‌ පළමුව තෝරා ගන්න වෙනවා. එකවර සියලු ඉලක්‌කවලට විදින්න ගියහොත්, ඔබ අසාර්ථක වෙනවා.

ජීවිතයේ අරමුණු පිටුපස හඹා යද්දීත් ඔබට සිදුවන්නේ මේ දෙයමයි. අරමුණු ගණනාවක්‌ ඇතිවිට, ඔබ වෙනුවෙන් ඒවා ඉටුකර දීමට වගකීම භාර ගන්නෙ "යටි සිත". යටි සිතේ ශක්‌තිය අරමුණු ගණනාවකට බෙදිලා ගියවිට, එක්‌ එක්‌ අරමුණු වෙත යෙදෙන සිතේ බලය අඩු වෙලා යනවා. ඒ නිසා අරමුණු ඉටුවීම ප්‍රමාද වෙනවා.

මේ වසරේදි ඔබට වඩාත් ම අවශ්‍ය දේ පමණක්‌ පළමුව සොයා ගන්න. එය විභාගය සමත් වීම හෝ විවාහයක්‌ සිදුකර ගැනීම විය හැකියි. පළමුව වඩාත් වැදගත් දේ සොයා ගන්න. එයයි වැදගත්.

ලියන්න... නැවත නැවත ලියන්න

අලූත් අවුරුද්දක්‌ ලබන විටම, ඔබට ලැබෙන දෙයක්‌ තමයි දින පොත. පසුගිය වසරවල ඔබ එහි ලියුවේ මොනවා ද? එදිනෙදා සිදුවීම්, බිඳ වැටුණ බලාපොරොත්තු, වේදනාබර මතකයන්, අය-වැය සටහන්?

නමුත්, මේ වසරේදී ඔබ දින පොත භාවිතා කළ යුත්තේ සිහින දිනාගැනීමටයි. ඒ නිසා ඔබ තෝරා ගත් ඉලක්‌ක පැහැදිලි අත් අකුරෙන් දින පොතේ ලියන්න.

උදා- මම මේ වසරේදී A සාමාර්ථ 3 ක්‌ සමඟ උසස්‌ පෙළ විභාගය සමත් වෙමි.

මෙලෙස ඔබේ ඉලක්‌කය වඩාත් පැහැදිලිව හා සවිස්‌තරාත්මකව ලියන්න. ඔබේ ඉලක්‌කය වාහනයක්‌ නම්, එහි වර්ගය හැඩය, පැහැය, එය මිලදී ගන්නා දිනය, ඒ සඳහා මුදල් උපයා ගැනීමට බලාපොරොත්තුවන ක්‍රම ආදිය පවා එයට ඇතුළත් විය යුතුයි. හැකිනම් ඔබේ ඉලක්‌කයට අදාළ රූපයක්‌ සොයා එය ද එහි අලවන්න.

මතක තබාගන්න. ඔබ අරමුණක්‌ තීරණය කළ පසු, එය ලේඛන ගත කිරීමෙන් අරමුණ සැබෑවීමේ සම්භාවිතාවෙන් සියයට 50 ක්‌ සපිරෙන බව මනෝ විද්‍යාඥයින් සොයාගෙන තිබෙනවා.

වරක්‌ ලියූ පමණින් නොනැවතී ඔබේ අරමුණ වඩාත් ප්‍රබල, සිත් ගන්නා තනි වාක්‍යයක්‌ සේ සකසා ගෙන එය දිනකට අඩුම තරමින් දස (10) වාරයක්‌ බැගින් නැවත ලිවීම සිදු කිරීමෙන් ඔබේ සිහින සැබෑවීමේ යාන්ත්‍රණය ක්‍රියාත්මක වීම වේගවත් වෙනවා.

කියවන්න... ඔබට ම ඇසෙන සේ කියවන්න.

ඔබගේ අරමුණ සහිත ප්‍රකාශය සෑම උදෑසනකම හා සෑම රාත්‍රියකදීම (නින්දට පෙර) ඔබට ම ඇසෙන සේ කියවන්න. කියවනවිට මහත් විශ්වාසයෙන් ම කියවන්න. ඔබේ වචන සමඟ විශ්වාසය මිශ්‍ර කරන්න. වරක්‌, දෙවරක්‌ නොවේ කිහිප වාරයක්‌ කියවන්න.

සිතින් එය දකින්න... ඔබ කුඩා දරුවකුව සිටි කාලය සිහි කරන්න. ඔබට ඕනෑ වූ බෝනික්‌කා නැතහොත් වෙනත් සෙල්ලම් බඩුවක්‌ හෝ ඇඳුමක්‌ දෙමාපියන් ගෙනවිත් දීමට පෙර, ඔබ එය ගැන සිහින දකියි. බෝනික්‌කාගේ හැඩය, උස, පැහැය එහි ඇස්‌වල දිලිසීම පවා ඔබ මනසින් දුටු දේට බෙහෙවින් ම සමාන ය.

එහෙත් වැඩුණු අය බවට පත්වීමේදී අප මනසින් සිහින දැකීම සීමා වෙයි. දකිතත් දකින්නේ ජීවිතයට විය හැකි අහිතකර සිදුවීම් ගැන යි. ජීවිතයට සිදුවිය හැකි යෑයි ඔබ කලින්ම බියපත් වූ දේ බොහොමයක්‌ සිදු වී ඇත. එවැන්නක්‌ සිදු වූ විට, ඔබ මෙසේ කියති.

"මං හිතපු විදිහටම ඒක සිදුවුණා..." අනාගතය මනසින් දැකීමේ හැකියාව ඔබ මෙතැන් සිට භාවිතා කළ යුත්තේ ඔබේ ජීවිත ජයග්‍රහණ සඳහාම පමණි. ඒ නිසා ඔබගේ අරමුණ ගැන සිහින දකින්න විශාල සිහින දකින්න එය සැබෑවන බව විශ්වාස කරන්න. සිහින තුළ ජීවත් වන්න. නිවැරදිව සිහින දැක එය සැබෑ කරගන්න.

ක්‍රියාත්මක වන්න...

ඉහත ලෙස ක්‍රියාත්මක වනවිට "යටි සිත" ඔබට යම් යම් සංඥා ලබා දෙයි.

උදා - හදිසියේ ඔබට උපකාර කළ හැකි පුද්ගලයකු හෝ ආයතනයක්‌ හමුවෙයි.

ඔබට ඇවැසි දේ ලබා ගත හැකි තැනක්‌ ගැන හෝඩුවාවක්‌ ලැබෙයි.

අලූත් ඉපැයීම් මාර්ගයක්‌ ගැන ඔබට සිත දැනුම් දෙයි. එවන් මොහොතක එසැණින් ක්‍රියාත්මක වන්න.

ඔබ ඉහත පියවර 5 ම සිදුකළත් සුදුසු සංඥාව ලත්විට ක්‍රියාත්මක නොවේ නම් කිසිත් සිදු නොවේ.

ඒ නිසා ආරම්භ කිරීමේ උත්සාහය මෙන්ම එය පවත්වා ගෙන යාම හා ක්‍රියාත්මක කිරීමේ උත්සාහයද අත්‍යාවශ්‍යය.

නිවැරදි අවස්‌ථාවේ ක්‍රියාත්මක වුවහොත්, ඔබේ සිහින ඉටුවී ඇති බව නොබෝ කලකින් ඔබට අත්දකින්නට ලැබෙනු ඇත.

Super Minds අධ්‍යක්‌ෂිකා
සාර්ථකත්වය සඳහා ජීවිත පුහුණුකාරිණී
සමන්ති දේශප්‍රිය
Read More

Sunday, January 1, 2012

ම්.. නියමයි

ජනවාරි පළමුවනදා සිට එනම් අද සිට ශ්‍රී ලංකා ටෙලිකොම් ආයතනය විසින් නව අන්තර්ජාල පැකේජයන්
4 ක් හදුන්වා දී ඇත.මෙහි වේග පරාසය 16mbps දක්වා ලබා ගත හැක.

මෙම සියලුම පැකේජයන් හට සාධාරණ භාවිත ප්‍රතිපත්තිය යටතේ භාගත කිරීමේ සීමාවන් පනවා ඇත.

නමුත් බොහෝ දෙනා මැසිවිලි නගන කාරණයක් වනුයේ ටෙලිකොම් "අන්ලිමිටඩ්" පැකේජය භාවිතා කරන පැරණි පාරිභෝගිකයන් හටද සාධාරණ භාවිත ප්‍රතිපත්තිය යටතේ භාගතකිරීම් සීමාකොට ඇති බවයි.

මේ පිලිබඳ අප ශ්‍රී ලංකා ටෙලිකොම් ආයතනයේ නිලධාරියෙකුගෙන් විමසු විට ඔහු පැවසුවේ එවන් කිසිදු ක්‍රියාමාර්ගයක් ගෙන නොමැති බවයි.නමුත් අන්තර්ජාලයේ වැඩි පුර භාගත කරන්නන් හදුනාගෙන ඔවුන් අධෛර්ය කිරීමට ඔවුන්ගේ වේග සිමා පහත දමන්වාදැයි අප ඔහුගෙන් විමසු විට ඒ සම්බන්ධයෙන් පැහැදිලි පිළිතුරක් ලබාදීමට ඔහු අසමත්විය.

අපගේ පාඨකයන් අප වෙත ලිපි මගින් දන්වා සිටියේ ඔවුන් ශ්‍රී ලංකා ටෙලිකොම් විසින් "නිල නොවන බ්ලැක් ලිස්ට් කිරීමට" ලක්ව ඇති බවයි.මේ හේතුවෙන් බොහෝ දෙනා විකල්ප අන්තර්ජාල සබඳතා ලබාගැනීමට පෙළඹ සිටින අතර බොහෝ දෙනා තවමත් ටෙලිකොම් වෙත රැඳී සිටිනුයේ වෙනත් විකල්පයන් නොමැති හෙයිනි.

ශ්‍රී ලංකා ටෙලිකොම් විසින් සැමට සාධාරණ සේවයක් ලබාදීම සඳහා සාධාරණ භාවිත ප්‍රතිපත්තිය ප්‍රයෝජනයට ගන්නවාට අපගේ විරුද්ධත්වයක් නැත.නමුත් පැරණි අන්ලිමිටඩ් පාරිභෝගිකයන් හැංගි හොරා මුලා නොකට ඔවුන් දැනුවත්කොට එම ක්‍රියාමාර්ගය ගත යුතුය.

මන්ද ඔවුන් එම සේවාව ලබාගැනීමේදී වේගය සිමා කිරීමේ කොන්දේසියක් නොතිබූ බැවිනි.
සාධාරණ භාවිත ප්‍රතිපත්තිය යටතේ නියමිත දත්ත ප්‍රමාණය ඉකමවූ පසු ලැබෙන වේගය 64kpbs ය.

එම වේගය යටතේ අන්තර්ජාලය පරිහරණය කිරීම කල කෙතරම් ප්‍රයෝගිකදැයි ඔවුන් කල්පනා කල බැලිය යුතුය.නියමිත දත්ත ප්‍රමාණය ලබාගැනීමෙන් අනතුරුව තිබෙන වේගය අඩුකොට සාමාන්‍ය පරිදිවත් අන්තර්ජාලයේ සැරිසැරිය හැකි වේගයක් ලබාදීමට පියවරගන්නේ නම් එය ඉතා හොඳ ක්‍රියාමාර්ගයක් වනු ඇත.(නව පැකේජයන් තුල ඔවුන් එය ක්‍රියාවට නංවා ඇත)





මෙම නව වසරේ අප ශ්‍රී ලංකා ටෙලිකොම් වෙත මතක් කර සිටිනුයේ වෙළඳ ප්‍රචාරණයට වඩා පොරොන්දු වූ සේවාව ලබාදීම වැදගත් බවයි.
ශ්‍රී ලංකා ටෙලිකොම් ෆෑන් පේජ්හි සටහන් වූ පිළිතුරක් මගින් සනාථ වුයේ වේගය සිමා කිරීම සම්බන්ධයෙන් ඔවුන් යම්කිසි පියවරක් ගෙන ඇති බවයි. 


හදුන්වා දෙන නව පැකේජයන් 









How do you want to WWW?
Enjoy consistent, uninterrupted, high speed Internet, be it rain or shine, day or night without any signal loss with SLT Broadband. A host of unparalleled value packages are available to choose from depending on your specific requirement. So how do you want to WWW?
Broadband Packages
image
Package NameDownload SpeedUsage Charge (Rs)
Entree1 Mbps500.00
Web Surfer Plus1 Mbps1,390.00
Web Pro Plus2 Mbps3,500.00
Web Master Plus4 Mbps8,000.00
More >>
Package NameDownload SpeedUsage Charge (Rs)
Web Mate512 Kbps1,490.00
Web Surfer1 Mbps2,690.00
Web Pro2 Mbps4,890.00
Web Master4 Mbps8,890.00
More >>
Read More

Recent Posts

"

15. පව් කරන තැනැත්තා මෙලොව දී ශෝක කරයි. පරලොව දී ශෝක කරයි. දෙලොව දීම ශෝක කරයි. තමා ගේ අපවිත්‍ර ක්‍රියාවන් දැක ඔහු ශෝක කරයි, බොහෝ සෙයින් ශෝකයට පත්වෙයි.

15. The evil-doer grieves here and hereafter; he grieves in both the worlds. He laments and is afflicted, recollecting his own impure deeds.

"

-ධම්ම පදය | Dammapadhaya