Thursday, September 22, 2011















බ්ලේක්‌ ගේ නිව්ටන් සිතුවම


"පරමාණුව අවසාන වශයෙනුත් බින්දා ම අයින්ස්‌ටයින් ලියපු කවිය කියවල තියනව ද ?"

දුරකථනයේ එහා කෙළවරින් එන කටහඬ ප්‍රකට සිංහල කවියකු ගේ ය.

මම නැතැයි කීවෙමි.

නිර්වින්දනය කොට තිබෙන අධ්‍යාපන සංස්‌ථාවන්හි සැබෑව පිළිබඳව තදබල ස්‌වයං විවේචනාත්මක හැඟීමකින් යුතු ව මම එම කවිය අසා සිටියෙමි. අයින්ස්‌ටයින් ගේ කෙටි සටහන් රමණීය ගද්‍ය කාව්‍ය බව කලකට ඉහත හැඟී ගොස්‌ තිබුණ ද, ඔහු ලියූ කවි ගැන කිසිවක්‌ දැන නො සිටියෙමි. එම කවිය ඇසෙද්දී මහා කවියකු ගේ මිස මහා විද්‍යාඥයකු ගේ රුවක්‌ මසිත නො ඇඳිණ.

අයින්ස්‌ටයින් ගේ කවි කියවා නො තිබුණ ද මැක්‌ස්‌වෙල් හෝ ගූතර් වැනි විද්‍යාඥයන් ගේ කවි මීට ඉහත මට මුණගැසී තිබේ. ඒ කිසිවක කාව්‍යමය ගුණය ඉහළ වූවා මිස මඳ ව තිබුණේ නැත. මනසෙහි බුද්ධිමය ධ්‍රැවය නිරන්තරයෙන් පිරිමදින්නන් අතින් මෙවැනි භාව ප්‍රකාශන මෝචනය විය හැකි ද යන්න විටෙක පැනයකි. අනෙක්‌ අතට, පරමාණුව වැනි පාරභෞතික සංකල්ප කවියක මෘදු ගුණය හා සාදන විරුද්ධාභාසයෙන් කෙසේ මිදිය හැකි ද යන්න ද පැනයකි. එසේ වුවත් මෙය ඉතිහාසය පුරා අනවරතයෙන් සිදු වූවක්‌ බවට සාක්‌ෂි බොහෝ ය.

පුද්ගල මනස තුළ ද, අනතුරු ව එහි පිළිබිඹුවක්‌ සේ සමූහ මනස තුළ ද විතැන් වූ බුද්ධියත්, භාවයත් හදිසියේ එක්‌තැන් වන අරුම මොහොතක්‌ යනු අහම්බයක්‌ නො වේ. විරසක වූ පෙම්වතුන් යුවළක්‌ සේ දෙපසට ව හිඳින බුද්ධියත්, භාවයත්, ඇතැම් විට රහසේ ඔවුනොවුන් මුණගැසෙති. එවැනි ඇසිල්ලක්‌ වුව සොඳුරු මොහොතක්‌ ලෙස අතීතයට එක්‌ වෙයි.

එපිකියුරස්‌ යනු ක්‍රි. පූ. තුන්වැනි සියවස තරම් ඈත කාලයේ ජීවත් වූ දාර්ශනිකයෙකි. ඔහු පරමාණුකවාදයක්‌ ඉදිරිපත් කළේ ය. එසේ වුවත් එම වාදය සමාජගත වූයේ ක්‍රි. පූ. පළමුවැනි සියවසේ විසූ ලුක්‌රේෂස්‌ නම් කවියා ගේ De rerum natura කාව්‍යය ඔස්‌සේ ය. එය එතරම් කාව්‍ය ගුණයක්‌ ගැබ් කරගත් එකකැයි කිව නොහැකි ය. බුද්ධිමය ධ්‍රැවය කරා යොමු කරන ඊ හිස්‌වලින් එය පිරී තිබේ. එහෙයින් ම එහි බුද්ධියේ සහ භාවයේ තුලනය එළිපිට ම බිඳ වැටේ.

කෙසේ නමුත් ක්‍රි.ව. දහ වැනි සියවසේ දී පමණ "රුබයියාට්‌" කාව්‍යය රචනා කරන ඕමාර් ඛයියාම් ගේ පිවිසුම ඊට වඩා බොහෝ වෙනස්‌ වෙයි. ඛයියාම් යනු වීජ ගණිතය සහ ජ්‍යාමිතිය අතර සබැඳියාව ලොවට හෙළි කොට දුන් ගණිතඥයෙකි. මූල්‍ය විශේෂඥයෙකි. බොහෝ දෙනකු හඳුනන අන්දමට ඔහු සුරා විතක්‌ අතින් ගත් රස ලෝලියෙකි. සිය මනස තුළ ගොඩනැඟෙන බරපතළ විසංවාදයෙන් පීඩාවට පත් වන ඛයියාම්, ලුක්‌රේෂස්‌ට ඉඳුරා ම වෙනස්‌ මඟක්‌ ගනිමින් බුද්ධිය බැහැර කොට භාවය වැළඳගනී. "රුබයියාට්‌" කාව්‍යයෙහි බොහෝ කවි තුළින් ඔහු එය අවධාරණය කරයි.

ඛයියාම් ගේ තතු විමසන බොහෝ දෙනකු ගේ මතය වන්නේ තුරුණු වියෙහි ගණිතය හා අර්ථ ශාස්‌ත්‍රය කෙරෙහි යොමු වී හුන් මේ මිනිසා පසු කලෙක කවියටත් සුරාවටත් යොමු වූ බවයි. මේ බව ඔහු ගේ ම ඇතැම් කවි ඛණ්‌ඩයන් ගෙන් පෙනේ. එහෙයින් ම ඛයියාම් ගේ කාව්‍ය තුළින් විද්‍යමාන වන්නේ බුද්ධිමය හරඹයන් ගෙන් සිදු වූ අතීත පීඩාවකට වර්තමානයේ හිඳගෙන ප්‍රතිචාර දැක්‌වීමකි. ඔහු කවි ලියූ අවධියේ ගණිතය කෙරෙහි යොමු වූ බවක්‌ නො පෙනේ.

එහෙත් පසු කලෙක ජීවත් වූ මහා කවියකු මෙන් ම භෞතික විද්‍යාඥයකු ද වූ ජොහාන් වුල්µaගැන් වොන් ගූතර් එම පීඩාව තුළ වඩා සවිඥානිකව ජීවත් වූයේ යෑයි කීම වරදක්‌ නො වේ. ගූතර් සිය කිවි බවත් භෞතික විද්‍යා ඥාණයත් සමගාමී ව වැඩූ අයෙකි. බොහෝ විද්‍යාත්මක පර්යේෂණවල නියෑළුණු ගුතර් තම කවිවලටත් වඩා එම පර්යේෂණ උසස්‌ යෑයි තක්‌සේරු කළේ ය. එසේ වුවත්, විද්‍යාවේ එන පාරභෞතික සත්තාවන් ගේත් භාවයේත් ඝට්‌ටනයෙන් මිදෙන්නට නොහැකි වූ තැන, අතිශය සියුම් වූත්, දාර්ශනික වූත් කාව්‍ය බොහොමයක්‌ නිර්මාණය කළේ ය. ගූතර් ගේ කාව්‍යයන් තුළින් හිස හොවා බලන මේ ඝට්‌ටනය අතීතයට හිමි මළ හිසක්‌ නො ව, අව්‍යාජ වියවුලක්‌ නිරූපණය කරන සප්‍රාණික එකකි. භාව-බුද්ධි සංසර්ගයෙන් ප්‍රසූත එම ප්‍රකාශන තුළින් මහා කවියකු වන්නට ගූතර් සමත් විය.

ගූතර් මෙබඳු ප්‍රශ්න කිරීමකට පෙලඹෙන විට, ටී. එස්‌. එලියට්‌ සහ රොබර්ට්‌ ෙµ්‍රdස්‌ට්‌ වැනි කවියෝ විද්‍යාවෙහි එන ප්‍රපංච කෙරෙහි සෝපාහාස බැලුම් හෙළති. ගූතර් ගේ ඇතැම් ප්‍රශ්න සඳහා කට කොනකින් සිනා නඟන්නාක්‌ වැනි පිළිතුරු ගැබ් කොට ගත් කවි ලියූ රොබර්ට්‌ ෙµ්‍රdස්‌ට්‌, මානුෂික ගුණයන් ගෙන් සිය නිර්මාණවලට පණ පොවා විද්‍යාත්මක ප්‍රපංචකරණයෙන් මුදවා ස්‌වාභාවික ජීවිතය කරා මනුෂ්‍යයා යළි රැගෙන යාමට යෝජනා කරන්නාක්‌ වැන්න. රිචඩ් විල්බර් සෘජුව පාරභෞතික සත්තාවන් එළියට ඇද, ජනයා

රැස්‌ වන මංසන්ධියක තබා නිරුවත් කරන්නාක්‌ සේ විවේචනය කළේ ය. රොබින්සන් ජෙµර්ස්‌ ද සාරා තීස්‌ඩේල් ද එම විවේචනාත්මක අදහස දැරූ හ.

එහි අනෙක්‌ අන්තය ද ඉතිහාසයේ ප්‍රකට ය. ඇලෙක්‌සැන්ඩර් පෝප්, නිවුටන් පිළිබඳව මහත් භක්‌තියකින් සිටියේ ය. තර්කය සියුම් කිරීමෙන් වියවුලෙන් මිදිය හැකි බව විශ්වාස කළ කවියෝ රොමැන්ටික්‌ යුගයේ ද විසූ හ. මිල්ටන් වරක්‌ ගැලීලියෝ සමග දීර්ඝ වශයෙන් සාකච්ඡා කළේ ය. වර්ඩ්ස්‌වෝර්ත් නිවුටෝනීය විශ්වය මහත් සාදරයෙන් පිළිගත්තේ ය. කෙසේ වුවත් රොමැන්ටික්‌ යුගයේ වඩාත් විවාදාපන්න කවියා යෑයි සැලකිය හැකි විලියම් බ්ලේක්‌, හුදු තර්කය සියුම් කිරීමෙන් මිනිසා දෘඪ මායිම් සාදාගන්නා බැව් නිරන්තරයෙන් අවධාරණය කළේ ය.

උක්‌ත විරුද්ධාභාසය හමුවේ අනපේක්‍ෂිත හැසිරීමක්‌ ප්‍රකට කළ කවියකු ලෙස වෝල්ට්‌ විට්‌මන් හඳුනාගත හැකි ය. මුල් වරට සෘජු ලිංගික තේමාවන් කවි සඳහා යොදා ගැනීම මෙන් ම නිදහස්‌ පද්‍ය (Free verse) හඳුන්වා දීම නිසා ප්‍රසිද්ධියට පත් වූ මේ ඇමෙරිකානු කවියා තුළ ඒ අරභයා ගොඩනැඟුණු ද්වයතාව පහසුවෙන් තේරුම් ගත නො හේ. තර්කය හෝ විද්‍යාව පිළිබඳ ධනාත්මක මතවාද පළ කළ විට්‌මන් ගේ ඇතැම් කවි තුළින් ඒ කෙරෙහි ම සෝපාහාස බැලුම් විද්‍යමාන වෙයි. එය එක්‌තරා ආකාරයකට සිංහල කවියට ද බලපෑවේ යෑයි සිතිය හැකි ය. ජී. බී. සේනානායකයන් ගේ නිදහස්‌ පද්‍ය හෝ සිරි ගුණසිංහයන් ගේ නිසඳැස්‌, බටහිර Free verse අනුසාරයෙන් තැනුණු බවත්, ඒවා සබුද්ධික ප්‍රකාශන බවත් ඇතැම්හු පැවසූ හ. එහෙත් නිදහස්‌ පද්‍ය රීතිය තුළින් ගැඹුරු භාවයන් ප්‍රකාශ කොට තිබෙන බවත්, එය කිවියා ගේ සිට පාඨකයා කරා චිත්ත රූප හෝ භාව සම්ප්‍රේෂණයට වඩාත් යෝග්‍ය මාධ්‍යය බවත් සනාථ කරන සාදෘශ්‍ය බොහෝ ය. අනෙක්‌ අතට, නිදහස්‌ පද්‍යයෙන් වියුක්‌ත වූ රිද්ම, තාල තාක්‌ෂණික ප්‍රයෝග නම්, ඒවා යොදාගන්නා කවියා තාක්‌ෂණඥයකු බවත් එහෙයින් බුද්ධිමය අග්‍රය සුසර කරන්නකු බවත් කිව හැකි ය. ඒ සියල්ලෙන් මතු වන්නේ බුද්ධියේ සහ භාවයේ අන්තර් පැවැත්ම යෑයි කිව හැකි වෙළීමත් ගැටීමත් නම්, පළමුව Free verse භාවිත කරන්නට පෙලඹුණු වෝල්ට්‌ විට්‌මන් තුළින් එතරම් සංකීර්ණ ද්වයතාවක්‌ විද්‍යමාන වීම ගැන පුදුම වීමට අවශ්‍ය නැත.

මේ සංවාදයේ දී පෙරදිග කවීන් ගේ භූමිකාව කුමක්‌ වී දැයි සලකා බැලීම වටී. සංකීර්ණ චින්තාවලීන් සහ පාරභෞතික මතවාද කෙරෙන් නිසගයෙන් දුරස්‌ වන ස්‌වභාවයක්‌ සහිත පෙරදිග බොහෝ කවීන් කෙරෙහි විද්‍යාත්මක ප්‍රපංච කර ඇති බලපෑම අල්ප බව සැබෑවකි. එසේ වුවත් ප්‍රපංචකරණය කෙරෙහි ඉතා සියුම් ඇසකින් බැලීමට අප පෙර කී ඛයියාම් මෙන් ම ජලල්දීන් රුමි ද සමත් වී ඇත. ජපන් හෝ චීන කවි සම්ප්‍රදායන් දෙස බලන විට පෙනී යන්නේ, නිරන්තරයෙන් සෘජු අනුභූතිය කරා කවිය යොමු කරන සෙයකි. හයිකු, හොකුකු හෝ තන්කා නිර්මාණ සම්ප්‍රදායන් විසින් කවියෙහි ප්‍රපංචකරණයට තුඩු දෙන සබුද්ධික අංශය පමණක්‌ නො ව, භාවාතිශය සංරචකය ද ඉවත් කොට, නිර්ධ්‍රැවීය ප්‍රත්‍යක්‌ෂ්‍යයක්‌ කරා යොමු කරවනු ලබයි. මේ කරුණ සාංස්‌කෘතික වශයෙන් දකින්නේ නම්, එම චින්තනය තුළ විද්‍යාත්මක ප්‍රපංචකරණයට එරෙහි හෝ එකඟ ප්‍රපංච ගොඩනැඟීමේ විභවයක්‌ නො වූයේ යයි කිව හැකි ය.

අනෙක්‌ අතට වේගයෙන් පැතිර යන සංවර්ධන කුණාටුවට හසු වන පෙරදිග කාව්‍ය සම්ප්‍රදායට එම සංවාදයෙන් තවදුරටත් වියුක්‌ත ව සිටීමේ නොහැකියාවක්‌ දහ හත්වැනි සියවසේ සිට ඇති වෙයි. නව්‍ය තේමාවන් කරා කවීන්ට යැමට සිදු වෙයි. තාගෝර්ටත්, ඛලීල් ජිබ්රාන්ටත්, නත්සුමෙ සොසෙකිටත් මේ කුණාටුව කමටහන් වෙයි. තාගෝර් විසින් තත්වාරෝපණයකින් ද යුක්‌ත ව චිත්‍රණය කෙරෙන සොබාදහමේ යටි පෙළ තුළින් මේ වියවුල නිරන්තරයෙන් සාකච්ඡාවට ලක්‌ වෙයි. තර්ක ඥානයේ සිට රොකට්‌ටුව දක්‌වා තේමා තාගෝර්ට හමු වෙයි. එමෙන් ම භාවයේ සහ බුද්ධියේ රහසිගත ව්‍යාකූල බන්ධනය යළිත් හෙළි වෙයි. එක්‌ අතකින් කර්කෂ බුද්ධිමය ආක්‍රමණයකට ප්‍රතිචාර දක්‌වන්නටත්, අනෙක්‌ අතට අවිචාරයේ අගතියෙන් මිදෙන්නටත් තාගෝර් එක විට දැක්‌වූ සමත්කම පුදුමසහගත ය. එබඳු ම මඟක්‌ ගත් ජිබ්රාන්, භාවයේ සහ බුද්ධියේ ඉතා ගැඹුරු තුලිත ලක්‌ෂ්‍යයක හිඳ සිය ගද්‍ය කාව්‍ය නිර්මාණය කළේ ය.

එසේ ම සංවර්ධන කුණාටුව විසින් බටහිර කවීන්ට දායාද කරනු ලැබූ නව තේමා බොහෝ වෙයි. සඳ ගමන, පරිගණක, න්‍යෂ්ටික අවි වැනි තේමා ඔස්‌සේ ලියෑවුණු රසවත් කාව්‍යයන් ගේ යටි පෙළ තුළින් නිරන්තරයෙන් වනිත කරන කරුණු දෙකක්‌ ඇත. එනම්, බුද්ධියේ අග්‍ර ඵලයක්‌ වන සංවර්ධනය විසින් ඇති කරනු ලැබූ විපිළිසර බවත් - ඒ සමග මැදහත් ගනුදෙනුවකට මඟ සලසන සරල එකඟතාවකුත් ය.

මෙසේ භාව-බුද්ධි ධ්‍රැවීකරණය විද්‍යාඥයා හෝ දාර්ශනිකයා කෙරෙහි පමණක්‌ නො ව, කවියා කෙරෙහි ද බලපායි. විද්‍යාවේ සහ කාව්‍යයේ විවාදාපන්න සරණ බන්ධනය පසුපස තිබෙන ගාන්ධර්ව විවාහය වන්නේ එම ධ්‍රැවීකරණයයි.

එබඳු ප්‍රේම බන්ධනයක අඳුරු අහුමුළු ද සොයා යන චාරිකාවක්‌ අරඹන්නට අපි අදින්a මුල පුරන්නෙමු. මේ තේමාව කදිමට විත්‍රණය කළ හැකි යමක්‌ ද තිබේ. ඒ වනාහි සිතුවමකි. එයට නිමිති වන්නේ භෞතිකයෙහි පීතෘවරයෙකු වන නිවුටන් ය. එය නිමැවුණේ රොමැන්ටික්‌ යුගයේ මහා කවියකු වු විලියම් බ්ලේක්‌ අතිනි. තත්කාලීන ස්‌වභාව රීතිය ද ඉක්‌මවමින්, නිවුටන් ගේ රූපකාය දෘඪ, අනම්‍ය රේඛා තුළ සිර කළ මේ සිතුවම, සියවස්‌ දෙකක්‌ පුරා බුද්ධි-භාව ද්විත්වයේ විරසක ප්‍රේමය සංකේතවත් කළේ ය. කිවිවර ඇසින් ද එය දකිමු. එවිට බ්ලේක්‌ ගේ නිවුටන් සිතුවම අප ගේ චිත්ත කුටි ද වර්ණවත් කරනු ඇත.

අනුරාධ මහසිංහ
(කථිකාචාර්ය, ගණිත අංශය, කොළඹ විශ්වවිද්‍යාලයය)

 
Read More

Wednesday, September 21, 2011

















මේ කතාවට කලින් කරන  පොඩි හැදින්විමේ පාට් එක   
  ම් මේක කියන්න  පටන්ගනේ හරි ඉස්සෙල්ලාම  අතිතේ කියන්නම් කෝ මාත් ඉස්සර ඒ කියන්නේ  දැන් අවුරුදු එක් හමාරකට විතර ඉස්සර බ්ලොග් 1ක් ලියන්න පටන් ගත්තේ වෙබ් අඩවියක් දාන්න තියන ආසවට එතකොට මම ඩිරෙක්ටරි ,හිට්ස්, කොමෙන්ට්ස්, ෆලෝවර්ස් ඔය මොනුත්ම දන්නෑ එත් අසයි එක එක ඒවා දාන්න(හරි හරි මෙතන මන් ගැන වැඩි තමා පොඩ්ඩක් කිය වන්නකෝ) ඔහෝම ඉන්නකොට දක්කා එක අයියා කෙනෙක් තමන්ගේ අදහස් බ්ලොග් 1කේ දාලා තියනවා එතකොටයි හිතුනේ මටත් මගේ අදහස් මේකට දාන්න පුලුවන් කියලා  එයා ලියපුවාට එයගේ යලුවෝ කමෙන් එහෙමත් දාලාගිහින් තිබුනා,,වැඩේ  හරි ඔන්න මත් පොඩි එකා නේ ලියනවා මෙලෝ රහක් නෑ ඉතින් සති 2ක තුනක බැලුවා අර අයියාට වගේ කමෙන් එහෙමත් නෑ බ්ලොග් එකට ගිහින් බලපුවාම පලුවට ගිය සොහොන වගේ මොනවා කරන්නද,,දැන් අහපුවු ගියා අර අයියාගේ බ්ලොග් 1කට එකේ ෆ්ලෝව් කියලා තියන් තැන එයාගේ යලුවන්ගේ පින්තුර එහෙමත් තියනවා (මේ කියන්නේ දැන් වගේ නෙවේ බ්ලොග් බොහෝම  අඩු පිරිසක් අතරේ ජනප්‍රිය උණු කාලේ ගැනයි) හරි ඔන්න ඒ අයගේ බ්ලොග් වලටත් ගියා එවා ලස්සනයි මටත් ඒ වගේ ලස්සන බ්ලොග් 1ක් ඔනි උනා...


ඕන්න ඉතින් වඩේට එන්ටෙර් උනා බොලොග් ගැඩ වැඩ ද බ්ලොග් ලිපිද අනම් මනම් හැමදේම කියවනවා එත් කවදාවත් කාගේවත් බ්ලොග් 1කකට කමෙන්ට් 1ක් වත් දැන්මේ නෑ,,වැඩක් නෑ වැඩේ අවුරුද්දක් විතර ඇදගෙන ගියත් නෝ කමෙන්ට් එත් ලියන් කියන ලස්සන කරන වැඩවලින් මම ලොකු දැණුමක් වගේම සතුටකුත් මම ලබුව දැන් අවුරුදු දෙකකටත් ලංවෙනවා එත් කමෙන්ට් 1ක් නෑ ඒ නිසා මම ලියන එක නැවැතුවේ නෑ ..

 කථාවට එන්ටර් වෙනවා
    ඔය ඇති   දැන් කියන්නම් කෝ මම දැක්කා මේ දවස් වල ජනප්‍රිය බ්ලොග් ගනනාවක් ම අලුත් බ්ලොග් කරනයේ අයට අදහස් පලකරලා තියනවා..මටත් මොනවා හරි ලියන්න හිතුනා  ..ඔව් ගොඩාක් ඉන්නේ සැගවිච බ්ලොග් කියවන අය ,,අනික දැන් බ්ලොග් ලියන අයත් කරන්නේ ලස්සන ලිපියක් ලියන එක නෙවෙ අනම් මනම් දාලා පට්ට ලොකු බ්ලොග් 1ක් හදාගෙන් එක තියන් ඔක්කොම ඩිරෙක්ටරි වලට දාගනන් එක නැත්නම් කුණුහරුපයක් දාලා කමෙන්ට් පුරුවාගන්න එක ,,හදිස්සියෙන් වගේ එන අලුත්න්ම කියවන්න එන පොරක් ඔයවගේ එකකට ගොඩ උනොත් අය එන්නැ ඉතින් අහපු වෙන හොද පොරකගේ බ්ලොග් එකකටවත් එන්නේ නෑ(ඒ කීවෙ මගේ එකට එක පරක් අවොත් අය එනවා කියලා නම්  නෙවේ මොකද මෙකට ආත්මෙකට කෙනෙක් එන්නේ නැ පණ දාගෙන ලිව්වට)ඉතින් මම මෙහෙම කියන්නම් මොකද ගොඩක් අය ඒ පිලිබදව හොදට විස්ථර කරලා තිබුන නිසා මම පොඩිවට කියන්නම්,,
                             මම දැන් සැහෙන කාලයක් මේක ලියවන්නේ කමෙන්ට් බලාපොරොතුවෙන් නෙවේ ඔයාලත් එතෙම වෙන්න මොකද ඔයාගේ වැඩේ හරියට කරොත්  නිකම්ම කමෙන්ට් එයි..මොකද කමෙන්ට් නැතුවමත් බෑනේ කමෙන්ට් ඔයාලව අහපු ලියන්න උනන්දු කරයි.
                             අනිත් අයගේ ලිපි වලට හිතින්ම තමන් ගෙ ආදහස් ලියන එක හොදයි,,නිකන් බොරුවට කැගහන්නේ නැතුව මොකද එතකොට ඒ ලිපිය අයිතිකරයට වගේම ඔයාටත් ආඩම්බරයක්.
                            මේ මගේ එකවගේ නැතුව චාම් විදියට බ්ලොග් 1ක තියාගන්න උත්සහ ගන්න .එතකොට කියවන්න එන එක්කනාට එක කියවන්න හිතෙයි ඇස් දෙකට ප්‍රිය මනාප නිසා.

අය කියන්න දෙයක් නෑ මත් අනික් අය කීව එව්ම කියාලා වැඩක් නෑ නේ.කොහොම රහ කර කර කීවත් එකම කරුනු ටික.
ලොකුම දේ තමයි පොෂ් එක දෙනුම ගෙනත් දෙන් නැ කිඅයන් එක මොකද අද මම දන්න ගොඩාක් යලුවො කිඅවන එක අතැරලා දාලා එක නිසා වැදැගත්ම දේ තමා හොද දෙයක් ලියන්න හොද අදහස් එන්න හොද දේ කියවන්න...



ප.ලි.
මාත් බ්ලොග් එක ඩිරෙක් ටරි කිහිපයකට දාන්න තීරණය කලා මොකද මම ලියන ඒවා කියවන්න් ආස කෙනෙක් හිටියොත්,,


Read More

Sunday, September 18, 2011

අර....පුංචි එකෙක්












අර....පුංචි එකෙක් අඩනවා


මහපාර මැද
හො‍ටු පෙරාගෙන කමිසෙකුත් නැතිව.....
(හිගන කොල්ලෙක්)


අන්න තව පුංචි එකෙක් අඩනවා
අම්මාගේ අතේ එල්ලිලා.....
සෙල්ලම් බඩුවක් ඉල්ලලා වෙන්න ඇති
(පවු අසරණ පොඩි එකා . ඕක අරන් දුන්නා නම් ඉවරයිනේ.හරිම අමානුෂික අම්මා)

Read More

අගය කළයුත්තේ කවුරුන්ද?


මිනිස්‌ ලොව තුළ මිනිසුන් හැටියට ජීවත් වන කාලය තුළ දී ජීවත් වීම පහසුවීම සඳහා අප විසින් දැන ගත යුතු දේවල් බොහෝය. බොහෝ විට අප විසින් උගත යුතු දේවල් පිළිබඳව කථා කරද්දී අප සිතන්නේ පාසල් අධ්‍යාපනය පිළිබඳවයි. නමුත් අප ඉගෙන ගන්නවා යෑයි කියමින් විභාග සඳහා සූදානම් වන විෂය ධාරාවන් වලට ඇතුළත් නොවන එහෙත් අපගේ ජීවිත සාර්ථකත්වයට බෙහෙවින් බලපාන අප විසින් පුරුදු පුහුණු කර ගත යුතු ඉතා වටිනා ගුණාංග රාශියක්‌ තිබෙනවා. ඒවා අතරින් එක්‌ දෙයක්‌ තමයි අගය කිරීම.

අගය කළ යුත්තේ කාවද කෙසේද මොනවාද යන්න පිළිබඳව අවධානය යොමු කරන විට මේ ගැන නොයෙක්‌ අයුරින් සිතෙන්නට පුළුවන්. අප බොහෝ විට අප සතුව තිබෙන නොයෙක්‌ දේවල් අගය කරනවා. තමා සතු වත්කම් සුඛෝපභෝගී භාණ්‌ඩ, තමාගේ උගත් කම, රැකියාවෙ උසස්‌ බව නිලතල තනතුරු මේ ආදී සෑම දෙයක්‌ම අගය කළ හැකිය. බොහෝ අය දන්නා කථාවක්‌ තිබෙනවානේ අර නයාගේ කථාව එක්‌ කාන්තාවක්‌ තම නිවසට පැමිණි නයෙක්‌ නිවස පුරා ගිය ගමන් මාර්ගය විස්‌තර කළේ ඇය සතු සුඛෝපභෝගි භාණ්‌ඩවල අගය ඉස්‌මතු වන ආකාරයටය.

නමුත් අගය කළ යුතු ආකාරය නිවැරදිව අවබෝධ කර ගැනීම ද ඉතා අගනේය. තමාට ජීවත්වීම සඳහා ලැබී තිබෙන පරිසරය සම්පත් අගය කරමින් ඒවා රැක ගැනීම අවශ්‍ය වේ. එහෙත් අපට ජීවත් වන කාලය තුළ දී පමණක්‌ භුක්‌ති විඳිය හැකි ටික කලකට පමණක්‌ ලැබී තිබෙන භෞතික සම්පත්වල අගය තක්‌සේරු කරමින් ඒවා ගැන ආඩම්බර වී තව කෙනෙකුට ඒවායේ අගය පෙන්වමින් කටයුතු කිරීමෙන් තමාට යහපතක්‌ වෙනවාද යන්න සිතා බැලිය යුතු කාරණයකි.

ඊට වඩා අන් අයගෙන් අපට ලැබෙන ආදරය සහයෝගය රැකවරණය යන මේවා අප ඉතා අගය කළ යුතු වෙනවා. එසේම අන් අයගේ හොඳ යහපත් ක්‍රියා කාරකම් දක්‌ෂතා කුසලතා අගය කිරීමට පුරුදු වන්නේ නම් තම පුද්ගලික ජීවිතයේ සාර්ථකත්වයට එය ද එක්‌ හේතුවක්‌ වෙනවා.

එසේ අන් අයගේ දක්‌ෂතා කුසලතා යහපත් ක්‍රියාදාමයක්‌ අගය කරමින් ජීවත් වූ පුද්ගලයෙකු මිය ගිය පසුවද ජීවත්ව සිටින අය ඔහුගේ හෝ ඇයගේ එම ක්‍රියා කලාපය දැඩි ප්‍රසාදයකින් යුතුව කථා කරනු ඇත. එවිට ඔහු හෝ ඇය දුන් සුවඳ බොහෝ කාලයක්‌ අන් අය අතර රැඳී පවතිනු ඇත. එයා මගේ හැකියාව අගය කළ නිසයි ඉන් දිරිමත් වී අද මම මේ ස්‌ථානයට පැමිණ සිටින්නේ. එයා මගේ හැකියාව දක්‌ෂතාවය අගය කළා. ඒවා තව දියුණු කර ගැනීමට ඔවදන් දුන්නා. ඒ නිසයි මම මේ තැනම ආවේ. කියමින් තමා තව කෙනෙකු අගය කිරීම නිසා ඔහු හෝ ඇය ජයග්‍රහණයක්‌ ලැබුවා යෑයි කියමින් තමාව පැසසුමට ලක්‌ කරන විට එය මොන තරම් සතුටක්‌ද? එබැවින් අගය කිරීම සුළුවට සිතිය යුතු දෙයක්‌ නොවේ.

සිතා බලන්න දරුවෙකු චිත්‍ර ඇඳීමට, ලේඛන කටයුතුවලට ගායනයට හෝ වෙනත් කිසියම් දෙයකට සහජ දක්‍ෂතාවයක්‌ දක්‌වන්නේ නම් එය වැඩිහිටියන් අගය කරන්නේ නම් එයින් දිරිමත් වන දරුවාගේ අනාගතය ඒ තුළින්ම සාර්ථක වීමට ඉඩ තිබෙනවා. එසේ නම් දරුවන්ගේ දක්‍ෂතා කුසලතා අගය කිරීමෙන් ද ලැබෙන ප්‍රතිඵලය ඉතාම ශුභවාදීවේ.

අගය කිරීම නම් වූ මෙම උතුම් ගුණාංගය පිළිබඳ ව සිතා බලද්දී මෙයට විරුද්ධව සිත් තුළ ජනිත වන අශුභවාදී දෙයක්‌ ද ඇත. ඒ ඊර්ෂ්‍යාවයි. ඇතැම් විට අපට කෙනෙකුගේ හොඳ යහපත් ක්‍රියාවක්‌ දක්‍ෂතාවයක්‌ කුසලතාවයක්‌ දුටු විට එය අගය කරනවාට වඩා ඒ පිළිබඳව යටි සිතේ ඊර්ෂ්‍යා සහගත සිතුවිලි ද පහළ වන අවස්‌ථා තිබිය හැක. එසේ කිරීමෙන් අසාර්ථකත්වයට පත් වන්නේ තමාමය. අන් අයට ඊර්ෂ්‍යා කිරීමෙන් පිරිහීමට ලක්‌වන්නේ තමාමය.

ඇතැම් අය කියනවා මම කොච්චර හොඳ කළත් හොඳක්‌ අහන්න නැහැ මම එයාට මොන දේ කළත් කොපමණ හොඳ දේවල් කළත් එයාට අගයක්‌ නැහැ. එයා මගේ අගයක්‌ දකින්නේම නැහැ කියලා.

එබැවින් අන් අය අගය කිරීමට තරම් ප්‍රසන්න ප්‍රියමනාප මානසිකත්වයක්‌ කෙනෙකු තුළ නොමැති නම් කෙනෙකුගේ දක්‌ෂතාවයක්‌ හොඳ ක්‍රියාවක්‌ අගය කිරීමට මැලිවන්නේ නම් ඒ පිළිබඳව ඇති වන්නේ සියුම් ඊර්ෂ්‍යාවක්‌ නම් එවැනි තැනැත්තෙකුට හෝ තැනැත්තියකට කිසි විටෙක ප්‍රශංසා ගරු බුහුමන් නොලැබේ. එවැන්නෝ බොහෝ විට හුදකලාවේ.

අනෙකා අගය කිරීමේ ගුණාංගය පවුලක්‌ තුළ ද තිබිය යුතු අත්‍යාවශ්‍ය ගුණාංගයකි. නිවස තුළ දී සිය මව්තුමිය, සොයුරිය හෝ බිරිඳ හෝ ආහාර පිළියෙල කර සියලූදෙනාම එක්‌ වී ආහාර ගන්නා අතර අඩු තරමින් කෑම රසවත් කියමින් ඒවා අගය කළ හැක. ඉන් ලැබෙන ප්‍රතිඵලය ඉතා යහපත් වනු ඇත. එවිට ඇය නිරතුරුවම ඉතා ඕනෑකමින් සතුටින් රසවත්ව ආහාර පාන පිළියෙල කර දීමට පෙළඹෙනු ඇත.

ඇතැම් අය කිසියම් උත්සවයකදී ලබාගත් ආහාර වේලක රසවත් බව හෝ හිතවතෙකු ගේ නිවසකට ගිය විට ලැබුණ තේ කෝප්පයක රස තම නිවැසියන් සමග කීපවතාවක්‌ම පවසමින් ඒවා අගය කරන අවස්‌ථා තිබෙනවා. එසේ අගය කිරීම ද හොඳය.

නමුත් නිවසේ දී දිනපතාම තේ කෝප්ප කීපයක්‌ම පිළියෙල කර දෙන අතර දෛනිකව නොවරදවා තුන් වේලටම ආහාර පිළියෙල කර දෙන මව, සොයුරිය හෝ බිරිඳ ඇඟයීමකට ලක්‌ නොවන්නේ නම් එවැනි පවුලක්‌ තුළ සාමය සතුට රජවෙයිද?

යුග ජීවිතය තුළ සැමියා සහ බිරිඳ අතර එකිනෙකා අගය කිරීමේ පුරුද්දක්‌ නොමැති නිසාවෙන් ඇතැම් පවුල්වල සුහදතාවය බිඳී යැමට එය ද හේතුවක්‌ වී තිබෙනවා. එබැවින් එක පවුලක එකට ජීවත් වන පවුලේ සාමාජික සාමාජිකාවන් අතර එකිනෙකා අගය කිරීමේ ගුණාංගය තිබිය යුතුම දෙයකි.

අප ඉතා හොඳින් අවබෝධ කරගත යුතු වන්නේ කෙනෙකු තමා සතු වත්කම් උගත්කම යනාදිය පිළිබඳව තමා විසින්ම උද්දාමයෙන් කථා කරනවාට වඩා නිතරම පුරුද්දක්‌ කරගත යුතු වන්නේ අනෙකාගේ හොඳ ගුණාංග දක්‍ෂ්තා යහපත් ක්‍රියාවන් අගය කිරීමටයි. පවුල් ඒකකය තුළ දී එසේ එක්‌ අයෙකු අනෙකා අගය කරන විට අනෙකාද නිරායාසයෙන්ම ඔහුව හෝ ඇයව අගය කිරීමට පෙළඹෙනවා.

එබැවින් පවුල් ඒකකය තුළ තම ජීවිතයේ කොටස්‌කරුවන් කොටස්‌ කාරියන් කරන කියන දෑ නිරතුරුවම අගය කිරීම පුරුද්දක්‌ කර ගත හැකි නම් තම පවුලේ සාර්ථකත්වයට එය ද රුකුලක්‌ වනු ඇත. අන් අය අගය කිරීමේ උතුම් ගුණාංගය ආරම්භ කළ යුතු වන්නේ තම නිවසිනි.


සුරම්‍යා අතුකෝරළ
Read More
          වසරේ හොඳ ම චිත්‍රපටය ලෙසින් මෙවර "ඔස්‌කාර්" සම්මානය හිමි වූයේ KING'S SPEECH චිත්‍රපටයට ය. ගොත ගැසීමේ සහජ ආබාධයට ගොදුරු වූ බ්‍රිතාන්‍යයේ හය වැනි ජෝර්ඡ් රජු එකී දුබලතාව ජයග්‍රහණය කළ අයුරු විදහා දැක්‌වෙන මෙකී විශිෂ්ට සිනමා කෘතිය වෙත අසීමාන්තික ප්‍රේක්‍ෂක අවධානයක්‌ යොමු ව ඇති බැව් මේ වන විට දැකගත හැකි ව තිබේ.

KING'S SPEECH සිනමා කෘතිය ලොව පුරා අතිමහත් ජනාදරයට පත් වූයේ බ්‍රිතාන්‍යයේ හය වැනි ජෝර්ඡ් රජු මහජන දේශන පැවැත්වීමේ දී දැක්‌වූ සහජ සහ සත්‍යමය දුබලතාව ප්‍රබල සිනමාත්මක භාෂාවක්‌ ඔස්‌සේ ප්‍රේක්‍ෂකයා වෙත ඉදිරිපත් කිරීම හේතුවෙනි. එසේ ම එය හය වැනි ජෝර්ඡ් රජු ගේ සැබෑ ජීවිතය පදනම් කරගත්, සත්‍යවාදී සිනමා කෘතියක්‌ ද වෙයි.

මෙකී චිත්‍රපටය තුළින් මහජන දේශනයක්‌, වඩාත් සාර්ථක හා චතුර ලෙසින් පැවැත්වීම පිළිබඳව පූර්වාදර්ශයන් රැසක්‌ ම, සියලු වර්ගයන්හි සන්නිවේදකයන් වෙත ලබා දෙනු ලබයි. පහත ගොනු කර දැක්‌වෙන්නේ මෙකී සිනමා කෘතිය තුළින් ප්‍රකාශිත එකී කරුණු ය.

1. පොදු දේශනයක්‌ පැවැත්වීම පිළිබඳව කිසියම් අපහසුතාවකින් පෙළෙන්නේ නම් කිසිදු විටක දී හෝ ඒ සඳහා වූ උත්සාහය අත් නො හරින්න. ගැටලුව හඳුනාගැනීමත්, එය විසඳීම කෙරෙහිත් අවධානය යොමු කරන්න. තමන් හට ගැටලුවක්‌ පවතින බැව් පිළිගන්න.

2. දේශනය සිදු කළ යුතු ස්‌ථානය තුළ හෝ ඒ හා සමාන ස්‌ථානයක්‌ තුළ හෝ පුහුණුවීම් කටයුතු සිදු කරන්න. දේශනය සිදු කළ යුතු ස්‌ථානය තුළ දී ම පෙර පුහුණුව සිදු කිරීම ප්‍රධාන දේශනය පවත්වන අතරතුර මනස සන්සුන්ව හා නිරවුල්ව තබා ගැනීමට ඉවහල් වෙයි.

3. දේශනයේ ආරම්භය කෙරෙහි දැඩි සැලකිල්ලක්‌ දක්‌වන්න. සන්නිවේදකයන් වඩාත් නොසන්සුන්භාවයට පත් වන්නේ දේශනයක ආරම්භක විනාඩි කිහිපය තුළ දී විනා එකී මැද හෝ අවසන් හෝ භාගයේ දී නො වේ. දේශනය සඳහා හොඳ ආරම්භයක්‌ ලබාගැනීමත් සමග එහි මැද හා අවසන් කොටස වඩාත් සාර්ථක හා විශ්වසනීයව සිදු කිරීම පිණිස අස්‌වැසිල්ලක්‌ ලැබේ.

4. තමන්ට පහසුතම හා සාර්ථක වන ක්‍රමවේදය තමන් ම තෝරාගන්න. පුද්ගල ස්‌වභාවයේ හා දුබලතාවේ ප්‍රබලතාව එකිනෙකා කෙරෙහි අනන්‍ය වෙයි. දුබලතාව මඟහරවා ගැනීම පිණිස තමන්ට යෝග්‍යතම ක්‍රමවේදය කෙරෙහි අවධානය යොමු කරන්න. ජෝර්ඡ් රජු බොහෝ වෛද්‍යවරුන් වෙතින් ප්‍රතිකාර ලබාගත්ත ද සාර්ථකත්වයක්‌ ලබාගැනීමට නොහැකි විය. සාර්ථකත්වය කෙරෙහි මඟපෙන්වු දොස්‌තර ලයනල් ද එක්‌ අවස්‌ථාවක දී තමන් විසින් සිදු කෙරෙන සාම්ප්‍රදායික නො වූ ප්‍රතිකාර කෙරෙහි සැක පහළ කරයි.

5. කථන අපහසුතාව ම, සාර්ථක දේශනයක්‌ සඳහා උපයෝගී කරගන්න. වින්ස්‌ටන් චර්චිල් ද මෙකී අකරතැබ්බය ළමා වියේ දී තමන් හට ද පැවැති බැව් කිං ජෝර්ඡ් හට පවසයි. එහෙත් මෙහි දී චර්චිල් එකී දුබලතාව ජය ගැනීම පිණිස හඬ උච්චාරණයේ ශෛලිය වෙනස්‌ කරගත් බව ද සිනමා කෘතිය තුළ කියවෙයි. කිං ජෝර්ඡ් ද තම අවසන් දේශනය තුළ මෙකී ක්‍රමවේදය ම අනුගමනය කරන අතර එහි දී කාලය වැඩි කරගන්නා ආකාරය පැහැදිලිව දැකගත හැකි වෙයි.

හඬ උච්චාරණයෙහි අපහසු වචන දෙකක්‌ අතර නැවතුම් කාලය වැඩි කිරීම, කිං ජෝර්ඡ් වෙත යහපත් ප්‍රතිඵල අත් කර දෙයි.

6. දේශන පිටපතෙහි ගැටලු ඇති කරන ඡේදයන්හි වචන කෙරෙහි සැලකිලිමත් වන්න.

කිං ජෝර්ඡ් People යන වචනය උච්චාරණය කිරීම තුළ ඔහු ගේ ගොත ගැසීම උත්සන්න වෙයි. දොස්‌තර ලයනල් උපදෙස්‌ දෙන්නේ එය a people ලෙසින් හඬ නඟන ලෙස ය. ඇතැම් විටක අපහසු වචනය වෙනුවෙන් සමාන අරුත ඇති වෙනත් වචනයක භාවිතය ද සාර්ථක ප්‍රතිඵල අත් කර දෙයි. දොස්‌තර ලයනල්, රජු ගේ දේශන පිටපත්හි අවශ්‍ය සංස්‌කරණයන් සිදු කරමින් දේශනයන් සාර්ථකව ඉදිරිපත් කිරීම පිණිස රජුට සහාය වෙයි.
7. ගීත ගායනා කරන්න. වචන උච්චාරණයේ දී, රිද්මය හා ගලා යැම (Cadence) වැදගත් වෙයි. චතුර ලෙස කථා කිරිමේ දී වචන අතර නැවතුම් කාලය සහ රිද්මය පිළිබඳව වූ පුහුණුව හා අවබෝධය වැදගත් වෙයි. කිං ජෝර්ඡ් කථන පුහුණු අභ්‍යාසයන් තුළ දරු නැළවිලි ගීත හා ළමා ගී කියන්නේ මේ සඳහා ය.




කායික රෝග විශේෂඥ වෛද්‍ය
වරුණ ගුණතිලක - එක්‌සත් රාජධානිය






Read More

අසූචි කේක්‌ කිරීම



ආසනික්‌ ශරීරගත වීම පිළිබඳව මහාචාර්ය රවීන්ද්‍ර ප්‍රනාන්දු විසින් ප්‍රකාශ කරන ලදැයි 2011 අගෝස්‌තු මස 24 වැනි දින විදුසර පත්‍රයේ පළ වූ ප්‍රවෘත්තිය පිළිබඳවයි. විෂවේදය පිළිබඳව මෙරට සිටින ඉහළ ම තලයේ ප්‍රාමාණිකයකු ලෙස හඳුන්වා පළ කර තිබූ එම ප්‍රවෘත්තිය සාමාන්‍ය පුද්ගලයන් පවා විමතියට පත් කරවනසුලු ය. අංක එකේ පිළිකාකාරකයක්‌ වන ආසනික්‌ ශරීරගත වීම නිසා මිනිස්‌ සිරුරට සිදු කරන හානි පිළිබඳව චීනය, බංග්ලාදේශය, වියට්‌නාමය, ඉන්දියාව, තායිවානය, චිලී, ආර්ජන්ටිනාව ආදි රටවල සිදු කරන ලද පරීක්‌ෂණ විශාල සංඛ්‍යාවක්‌ ඇති අතර, ඒවා ඕස්‌ටේ්‍රලියාව, එංගලන්තය, චීනය, කැනඩාව ආදී විවිධ රටවල පිළිගත් විද්‍යා සඟරාවල පරීක්‌ෂණ පත්‍රිකා විශාල ගණනක්‌ මගින් පෙන්වා දී ඇත. මෙවැනි කරුණු පිළිබඳව මෙරට සිටින ඉහළ ම තලයේ ප්‍රාමාණිකයකු ලෙස හුවා දක්‌වා ඇති පුද්ගලයකු නො දැන සිටීම අතිශයින් පුදුමසහගත ය. එතුමා අදාළ පරීක්‌ෂණ පත්‍රිකා නො කියවනවා ඇතැයි අපි විශ්වාස නො කරමු. බොහෝ දුරට විශ්වාස කළ හැක්‌කේ ස්‌වකීය පෞද්ගලික අභිමතාර්ථ තකා කරුණු නො දන්නවා සේ හඟවනු විය හැකි බවයි.

එසේ ම මෙරට කෘෂිරසායනික භාවිතය හා විවිධ රසායන ද්‍රව්‍ය අතර සම්බන්ධතාව පිළිබඳ පර්යේෂණවල සත්‍ය තොරතුරු ගැන ඒ මහතා වැනි අයකු නො දැන සිටිනවා යෑයි කීම එයටත් වඩා විස්‌මය දනවනසුලු ය.

මෙරට සාමාජයීය ප්‍රශ්න ගැන අවදියෙන් සිටින ජනතාව මෙහි දී විමසිලිමත් වී ඇත්තේ සමාජය පිළිගත් විද්‍යාඥයකු මෙරට ජනතාව අද මුහුණ පා ඇති බරපතළ ම සෞඛ්‍ය ගැටලුවක මූලාරම්භයට කෙළින් ම බලපා ඇති සාධකයක්‌ පිළිබඳව කර ඇති ප්‍රකාශය මෙරට ජනතාව ගේ ආකල්ප, සෞඛ්‍යය, ආර්ථිකය සහ ජාතියක අනාගතයට බලපාන ආකාරයට සමාජගත වීම පිළිබඳව ය. ඒ අද එය ජාතියේ ඉරණම කෙරෙහි බලපා ඇති නිසා ය.

නව පර්යේෂණ පත්‍රිකා විමර්ශනයට ලක්‌ කරමින් ඒවා ජනතාව ගේ සුබසිද්ධිය තකා භාවිත කිරීම විද්‍යාඥයන් ගෙන් ඉටුවිය යුතු සමාජ සත්කාරයයි.

සැබෑ විද්‍යාඥයන් ගේ යුතුකම හා වගකීම වන්නේ විෂ ශරීරගත වීම සුළු, මඳ, වැඩි හෝ කෙටිකාලීන, දිගුකාලීන ආදී වශයෙන් එසේ නැත හොත් තම මතය මෙය ය යනාදී වශයෙන් තර්ක විතර්ක ඉදිරිපත් කරමින් මහජනතාව නොමඟ යෑවීමට කටයුතු කිරීම නො ව, නිවැරැදි පර්යේෂණ මගින් සත්‍ය තොරතුරු අනාවරණය කරගනිමින් පාලකයක්‌ සහ මහජනතාව නිසි මඟට යොමු කිරීම බව අවධාරණයෙන් සඳහන් කළ යුතු ය.

අවසාන වශයෙන් කිව යුත්තේ තම අභිමතාර්ථය වෙනුවෙන් අසූචි, කේක්‌ ලෙස ප්‍රකාශ කිරීමෙන් නො නැවතී එය මහජනතාව ඉදිරියේ අනුභව කිරීමෙන් ඒ බව ඔප්පු කිරීමට උත්සාහ කිරීමට සමානව මෙරට විද්‍යාඥයන් ලෙස පෙනී සිටින පිරිසක්‌ විසින් ගෙන යන ලද ක්‍රියා කලාපය නැවත වරක්‌ කරළියට පැමිණ ඇති බව ය. මෙරටට සත්‍ය වශයෙන් ම ආදරය කරන ජනතාව වෙනුවෙන් අකැමැත්තෙන් වුව ද මේ සටහන තැබීමට සිදු වූ බව සඳහන් කරමි. 

විදුසර
Read More

Thursday, September 15, 2011

අඩ්ඩඩ්ඩා මේ ලංකාවේ අපේ ඇත්තෝගේ වැඩ

පාරම්පරික ගොවිතැන දිරිගන්වන නිර්මාණාත්මක ව්‍යායාමයගොයම් තොරණ


ලංකාවාසීන්ට තොරණ අරුමයක්‌ නො වේ. මේ සියලු තොරණවල පොදු ලක්‌ෂණ රැසකි. මේ සියල්ලක්‌ ම පොළොවේ සිට ඉහළට සිරස්‌ව නිර්මාණය වී තිබීම ඉන් එකකි. සියල්ලක්‌ ම අජීවී නිර්මාණයන් ය. වෙසක්‌ තොරණ නම් පෙන්වන්නේ රෑට පමණි. 

එහෙත් අද දවසේ මීට හාත්පසින් වෙනස්‌ ආකාරයකට තොරණක්‌ ඉදිරිපත් කරනු ලැබ තිබේ. මේ තොරණ පොළොවේ වැතිරී ඇති තිරස්‌ව ඉදි වුණ නිර්මාණයකි. එය පොහොර, වතුර ලබමින් දින දින විවිධ වර්ණයෙන් හා විවිධ ප්‍රමාණයෙන් වර්ධනය වන්නක්‌ ද වේ. පෙන්වන්නේ හෝ දැකිය හැක්‌කේ දවල්ට පමණි. ප්‍රමාණයෙන් ගත් කල දැනට ලංකාවේ ඉදි වුණු විශාලතම තොරණ මෙය වෙයි. එය පැතිර පවතින භූමි ප්‍රමාණය වර්ග මිටර් 8400කි. මේ ලිපිය පළ වන මොහොතේත් එය දැකබලා ගත හැකි වෙයි. මෙවැන්නක්‌ ලංකා ඉතිහාසයේ නිර්මාණය වන්නේ ප්‍රථම වතාවට ය. එහි නම "ගොයම් තොරණ" වෙයි. 

ගොයම් තොරණ ශ්‍රී ලංකාවේ අනාදිමත් කාලයක්‌ තිස්‌සේ වගා කරන ලද වී ප්‍රභේද 74ක්‌ භාවිත කරමින් කරන ලද නිර්මාණයකි. ගොයම් පැළ සිටුවීම ක්‍රමවත්ව සිදු කිරීම මඟින් මහ පොළොවෙන් ඉස්‌මතු කරන ලද නිර්මාණයකි. එහි එක්‌ කෙළවරක සිට දිග මීටර් 120කි. පළල මීටර 70කි. එහි එක්‌ තීරයක්‌ ගල් බිංදුව නමැති අප ගේ පාරම්පරික මෝස්‌තර නිර්මාණය මතු කරයි. අනෙක්‌ තුන් පැත්ත නෙළුම් පෙති රටාවකින් යුක්‌ත වෙයි. 

සාමාන්‍යයෙන් කුඹුරුවල ලියෑදි හතරැස්‌ හැඩයෙන් යුක්‌ත වේ. තැනිතලා භූමිවල පිහිටි බොහෝ කුඹුරු මේ හැඩය ගනී. එහෙත් ගොයම් තොරණේ නියර සකසා ඇත්තේ හතරැස්‌ ලියෑදි මතු වන ආකාරයට නො වේ. එය චෛත්‍යයක හැඩය මතු වන පරිදි සකසා ඇත. 

පේසා වළලු, ගර්භය, හතරැස්‌ කොටුව, කොත් කැරැල්ල ආදී චෛත්‍යයක මූලික අංගයන් එකී චෛත්‍ය සටහනේ ද වෙයි. මේ චෛත්‍ය සටහනේ හතරැස්‌ කොටුව ප්‍රදේශයේ "2600" යන ඉලක්‌කම් ගොයම් පැළවලින් ම මතු කර චිත්‍රණය කර ඇත. ඒ සඳහා රතු පැහැති ගොයමක්‌ සතු "රත් කඳ" නැමති වී ප්‍රභේදයත්, කොළ පැහැති ගොයමක්‌ සතු "සුවඳැල්" නමැති වී ප්‍රභේදයත් භාවිත කර තිබීම විශේෂත්වයයි. එක්‌ ඉලක්‌කමක්‌ අඩි 15ක පමණ උසකින් යුක්‌ත වෙයි. ගර්භයේ ඉහළින් ම "ශ්‍රී" අකුරකි. ඊට පහළින් "සම්බුද්ධත්ව ජයන්තියට පිළිවෙතින් පෙළ ගැසෙමු" මැයෙන් ගොයමින් ම සටහන් කර ඇත. "පිළිවෙතින් පෙළගැසෙමු" වැකියේ එක්‌ අකුරක්‌ අඩි 22ක්‌ වෙයි. 

මෙය දෙහිඅත්තකන්ඩිය ගල්වලකඳුර මහවැලි ගොවිපළ තුළ නිර්මාණය කර ඇත. රත්කිඳ ජලාශයේ බැම්ම මතට මේ තොරණේ හැඩරුව තරමක්‌ පෙනේ. අක්‌ෂාංශ දේශාංශ විස්‌තරයට අනුව මේ ස්‌ථානය හැඳින්විය හැක්‌කේ 7.30.33.06N, 81.03.10.95.E ලෙසිනි. දෙහිඅත්තකණ්‌ඩිය මහියංගන මාර්ගයේ හමු වන දියවිද්දාගම හන්දියෙන් රත්කිඳ දෙසට කිලෝමීටර් හතරක්‌ පැමිණීමෙන් මේ ස්‌ථානයට පිවිසිය හැකි ය. 

මෙය ලෙහෙසි පහසු නිර්මාණයක්‌ නො වූයේ මේ ගොවිපළ ප්‍රදේශයේ පවතින අධික උෂ්ණත්වය හා වාෂ්පීකරණය නිසාවෙනි. බිම් සැකසීම සිදු කර ඉතා ටික කාලයකින් මඩ කරන ලද පොළොව නැවත තදින් සවි වීම නිසා ගොයම් පැළ සිටුවීම ඉතා දුෂ්කර කරනු ලැබී ය. අධික උෂ්ණත්වය ගොවීන් ගේ හා අත්උදව්කරුවන් ගේ ශරීර වෙහෙස වැඩි කරයි. කුඹුරු වතුර උණු වතුර මෙන් උණුසුම් ය. සියලු නිර්මාණ කටයුතු කළ යුත්තේ මඩේ එරී එරී ය. එරෙන ගතිය අඩු නම් නැවත වතුර හරවා කුඹුර යළිත් මඩ කරගත යුතු ය. මේ කර්තව්‍යයට ගත වූ කාලය දවස්‌ 15කි. මිනිස්‌ පැය 160කි. සියලු අංක හා අකුරු නිර්මාණය කරන ලද්දේ ජ්‍යාමිතික හැඩතල හා සරල උපකරණ කිහිපයක්‌ භාවිත කරමිනි.

ගොයම් තොරණේ ඇති ළාබාල ම වී වර්ගය සඳහා දින 70 ක්‌ ගත වෙයි. හැට දා වී නමින් ජන ව්‍යවහාරයේ ඇති එම වී වර්ගය දින හැටක්‌ ඇතුළත සිය ජීවන චක්‍රය සම්පූර්ණ කර ගනී. වැඩිමල් ම වී වර්ගය මාස 5 1/2 ක්‌ වයසැති මුතු මානික්‌කම් ය. ඒ අතර මාස 3, 3 1/2, 4, 4 1/2, 5 1/2 ආදී විවිධ වයසින් යුත් වී වර්ග වෙයි. විවිධ ගුණයෙන්, විවිධ රසයෙන්, විවිධ සුවඳින්, විවිධ වයසින් යුත් අපේ පාරම්පරික වී වර්ග එක්‌ යායක එකට වගා කිරීම ඉතා අපහසු උත්සාහයකි. මෙහි දී වැඩිමල් වී වර්ග ආරක්‌ෂා කර ගැනීමට අධික වෙහෙසක්‌ දැරීමට සිදු වීම අනිවාර්ය අභියෝගයකි 

සියලු ම වී වර්ග වගා කරන ලද්දේ කාබනික ක්‍රමෝපායන් යටතේ ය. ඉකුත් කන්නයේ පිදුරු, නන්චි කොළ (Gliricelia Sapium) දහයියා අඟුරු, එළුබෙටි, කුකුළු පොහොර, ගෙරි කටු. ගොයම් තොරණ ඇතුළු "අපේ යාය"ට එකතු කරන ලද මූලික පොහොර වෙයි. අනතුරුව සියුම්ව වියළන ලද ගොම පොහොර, වියළි කොම්පෝස්‌ට්‌ යොදන ලදී. මූලික අවස්‌ථාවේ සිට ම මහපොළොවේ ප්‍රතිඋත්පාදන ශක්‌තිය දියුණු කිරීම පිණිස ජීවාමෘත යෙදීම සිදු කරන ලදී. ජීවාමෘත යනු ගව මුත්‍රා, ලියදි පස්‌, ගොම, පියලි ධාන්‍ය පිටි (මුං ඇට, කවුපි) හා සස්‌කර හකුරු භාවිත කරමින් සකස්‌ කරනු ලබන පොහොර සාරයකි. 

ඉකුත් කන්නයේ පුරන් ඇරඹීමත් සමග ලියදිවල හතර කොනේ කපන ලද වළවලට රොක්‌ කරන ලද විවිධ කොළ අතු අනෙක්‌ කන්නයේ ආරම්භය තෙක්‌ ගොඩගසා, පස්‌වලින් වසා තබන ලදී. එසේ නිර්මාණය කරන ලද පොහොරින් කුඹුරු වැඩ කරන කල අර්ධ දියර කොම්පෝස්‌ට්‌ පොහොරක්‌ ලැබේ. එය කුඹුරු පසේ පසට හිතකර ක්‌ෂුද්‍රජීවී ගහණයක්‌ රඳවා තබා ගැනීම පිණිස යොදා ගත් කදිම උපක්‍රමයකි. 

ගොයම් තොරණ යනු මේ විවිධ පොහොරවල ක්‍රියාකාරීත්වය පිළිබඳව කරන ලද ප්‍රායෝගික අත්හදාබැලීමක්‌ ද වෙයි. අද දවසේත් පියවි ඇසින් දැකිය හැකි යථාර්ථයකි. 

ගොයමට එන පළිබෝධ හානි පාලනය ද අත්‍යවශ්‍ය වෙයි. කොහොඹ සාරය ඒ සඳහා මනා උපයෝගයකි. ඊට අමතරව විවිධ කෙම් ක්‍රමවල උපකාරය ද පිරිත් සූත්‍රවල ඇති ශක්‌තීන් ද විශ්ව ශක්‌තීන් හා සහසම්බන්ධ කරගනු ලබන ක්‍රමෝපායන් ද ඉතා ප්‍රයෝජනවත් වෙයි. කුඹුර හා බැඳුණු විවිධ භෞතික පළිබෝධ පාලන ක්‍රම ද මෙහි දී නොඅඩුව භාවිත කර ඇත. 

මේ ගොයම් තොරණ දෙරණ පදනමේ නිර්මාණයකි. "අපේ යාය" නමින් නම් කර ඇති දෙරණ පදනම සතු ගොවිපළේ වපසරිය හෙක්‌ටයාර 5කි. ඉන් එක්‌ හෙක්‌ටයාරයක ප්‍රමාණයක්‌ මේ ගොවි තොරණ සඳහා යොදාගෙන ඇත. 

ඡායාරූපයේ දැක්‌වෙන අකුරු ගොයමින් ම පිළිබිඹු කිරීම සඳහා ජ්‍යාමිතික වෘත්ත හා රේඛා සටහන් කරන ලද්දේ ලණු හා මේ සඳහා විශේෂයෙන් තනාගත් කතිර හැඩැති උපකරණ මගිනි. එහි කොන්a අතර දුර 2, 3, 6 ලෙස පවතින පරිදි සකස්‌ කරන ලදී. අකුරුවල දුර ප්‍රමාණයන් ඉහත දුර ප්‍රමාණවලට අයත් වන සේ මූලිකව සැලසුම් කිරීම මහත් පහසුවක්‌ විය. 

අකුරු සකස්‌ කිරීම සඳහා කොටු සටහන් කොළයක උපකාරය ලබා ගන්නා ලදී. එහෙත් ක්‌ෂේත්‍රයක දී සම්පූර්ණ අකුර නිර්මාණය කිරීම සඳහා අවශ්‍ය වූයේ කේන්ද්‍රීය ලCෂ්‍ය පමණි. 

සියලු ම සිංහල අකුරු ඉරි හා වෘත්ත ආශ්‍රයෙන් නිර්මාණය කළ හැකි බව මේ අභ්‍යාසය තුළින් පැහැදිලි වූ අමතර කරුණකි. 

වී වර්ග 74ක්‌ වගා කිරීම මෙන්ම සපයා ගැනීමත් ලෙහෙසි පහසු කරුණු නො වේ. ලංකාවේ විවිධ ප්‍රදේශවල ගොවිතැනින් දිවි ගෙවන අපේ ගොවි මහත්වරුන් දුන් සහයෝගයත් ගන්නෝරුව කෘෂි විද්‍යා පර්යේෂණායතනය, බතලගොඩ වී පර්යේෂණායතනය, බෝම්බුවල වී පර්යේෂණායතනය යන ආයතනවල නිලධාරී මහත්ම මහත්මීන් ලබා දුන් සහයෝගය ද ස්‌තුති පූර්වකව සිහිපත් කළ යුත්තකි. 

ගොයම් තොරණ යනු මහා හිම කන්දක මතුපිට පෙනෙන ඉතා සුළු ප්‍රමාණයක්‌ තරම් සරල නිර්මාණයකි. ඒ තුළින් අපේක්‌ෂා කරන්නේ පාරම්පරික වී පිළිබඳව මහජන අවධානයක්‌ යොමු කරවීම පමණි. ගොවියාත් පාරිභෝගිකයාත් අතර අවියෝජනීය පෞද්ගලික මානුෂීය සම්බන්ධතාවක්‌ ගොඩනඟා දෙපාර්ශ්වයේ ම අෙන්‍යාන්‍ය පැවැත්ම තහවුරු කිරීම ගොයම් තොරණ පසුපස ඇති සැබෑ ජාතික වුවමනාවයි. 

මේ නිර්මාණාත්මක සත්කාර්යය සඳහා තම තම සවි ප්‍රමාණයෙන් දායක වීමට ඔබ සැමට ද අවකාශය ඇත. සහල් මිල දී ගැනීම, බිත්තර වී මිල දී ගැනීම, කුඹුරු වැඩට සහභාගි වීම, අනුග්‍රාහක භවතුන් සම්බන්ධ කර දීම බොහෝ දෙනකුට කළ හැකි සරල නමුත් ප්‍රබල අත්‍යවශ්‍ය උපකාර වෙයි. වැඩිදුර විස්‌තර සඳහා 0718348457 දුරකථන අංකය ඔස්‌සේ විමසීම් කළ හැකි ය. 

රුචිර ශ්‍යාමන්ත ගුණතිලක 

 
Read More














1Gbps වේගයකින් යුතු නව අන්තර්ජාල සබඳතාවක්‌ Google ආයතනය මගින් පසුගිය (30) වැනි දා අත්හදා බලන ලදී. 300 Mbps භාගත කිරීමේ (Download) වේගයක්‌ හා 150 Mbps අන්තර්ජාලයට දත්ත ඇතුළත් කිරීමේ (Upload) වේගයක්‌ මේ නව සබඳතාව සතු ය. මේ නව සබඳතාව මඟින් 95ඵඉක්‌ පමණ වන ඉහළ විභේදනයකින් යුතු චිත්‍රපට තත්පර 9කින් භාගත කර ගත හැකි බව Google ආයතනය පවසයි. 
















වැඩියෙන් කියවලා බලන්න ඔනි නම් මෙතන්ට යන්න

Read More

Sunday, September 11, 2011

අනේ අනිච්චං ...











අනම් මනන් බ්ලොග් එකට දැම්මට සැහෙන් කාලෙකින් මට මොනුත් ලියන්න බැරි උනා.මොකද ස්කෝලේ වැඩත් තිබුන නිසා ගෙදරින් බර බරේ.
              ඔන්න ලගදී දවසක ඉස්කෝලේ ගියාම මාර වැඩක් උනා.කඩ්ඩ පීරියඩ් එකේ උගන්නන්න ගුරුවරයෙක් නැති නිසා අපි  පොඩි පිස්සුවක් කෙල කෙල හිටියා අපේ පංතියේ ඉන්න ශිෂ්‍යනායකයෝ ටික ගියා ප්‍රයිමරි සෙක්ටෙන්  එක පත්තේ  පොඩි එව්න්ට බැනලා සද්දයක් එහෙම දාලා එන්න.මොකද වුන් සෙට් එකේ පොරත්වය පෙන්වන අයිටම් එකතමා ඔය පොඩි එවුගේ වැරදි හොයන එක.සමහර ශිෂ්‍යනායකයෝන්ගේ හොබී එකත් එකනේ.
           ඔන්න ඉතින් ඉලග පිරියඩ් එක පටන් ගත්තා දැන් ඉතින් කට්ටියම අහපු සන්සුන් වෙලා අසන්සුන් වන පීරියඩ් එකට ගියා එත් ගිය එක ශිෂ්‍යනායකයෙක් නෑ ...අවුලක් නෑ ටිචර් උගන්වනවා මොකද ඔය පොර හැමදාම පිරියඩ් 1කෙන් 1/2 ගියාමයි එන්නේ..
ඔන්න එදත් පොර පංතියට ආවා

ටිචර්  -මොකද ______ පරක්කු


x       - නෑ ටිචර් මම පොඩි මල්ලි කෙනෙක් සෙල්ලම් කරදි වැටිලා __________තව බොරු ටිකකුත් කියලා කීව එ පොඩි එකා බෙහෙත් ගන්න එක්කන් ගියා කිවා (මොකද මේවා ශිෂ්‍යනායකයයන්ගේ වැඩනේ)


ටිචර් - _____ඉතින් ඉස්කොලේ ඇවිත් ඉගන ගන්නැතුව ඔවම කරකර ඉන්න තියෙන්නේ (ඔය මම කියන ටිචර්  ඔහොම තමා පවු පිං නෑ පංතිය ඉස්සරහ  අරූගේ මුනටම කීවනේ)

දැන් හරි අහපු උගන්වනවා පොර ඇවිත් මං ලග ඉඩ තිබුන නිසා මං ලගින් වාඩි වුනා.දන් වි.15 විතර උගන්නනකොට අහපු පොඩි පොරක් අවා ටිචර්ට මල එත් නෑ වගේ හිටියා .බලනකොට අර පොඩි පොර  අහපු ඇවිත්තියෙන්නේ හොස්පිටිල් 1කෙන් පොරට දුන්න බෙතෙත් බොන්න ඔනි එත් එවා බොන්න ඔනි වෙලාව ලියලා තියන් එක කියව ගන්න බෑ. ටිචර් කීවා ටක් ගාලා____ අහගෙන ඉක්මනට යන්න කියලා මොකද පොරනේ  හොස්පිටිල් 1කට එක්කන් ගියේ.බලනකොට පොරටත් ඒවා කියවන්න බෑ ඊට පස්සේ  ටිචර් ආවා මොකද එවා ගැන පොඩ්ඩක් දන්න කෙනෙක් තමා අපේ ටිචර් මොකද කෙමිකල් පැත්තෙන් වගේම හොස්පිටිල් පැත්තෙමුත් ටිචර්ට ලොකු සම්බන්දයක් තියනවානේ..යකෝ මාර වැඩේ කියන්නේ ටිචර්ටත් එක කියවන්න බෑ.
             මම ලග හිටිය නිසා පොඩ්ඩක් හොට දලා බැලුවා මට හිතුනා ලංකාවේ හොස්පිටිල් වල බෙහෙත් දෙන අයටත්  ඩොක්ටස්ලා වගේ ලියන්න ආස ඇති.මොකද ඩොක්ටර් ඩොක්ටර් බෙහෙත් ලියන්නෙත් ඩොක්ටර් ටයි බෙහෙත් දෙන කෙනාටයි කියවන්න පුලුවන් විදියටනේ..අනේ අනිච්චං ...කියන්නේ මෙකනම් කටවත් කියව ගන්න බැරි උනා.මටත් පෙනුනේ පොලිම් 2ක් හැම එකකම ක‍ටුගාලා තියනවා විතරයි.
         දන්න කියන රජයේ රෝහ්ල්වල වැඩ කරන හැමොටම කියන්නේ මේවා හොදට හිතලා බලන්න කියලයි මොකද   රජයේ රෝහ්ල්වලට වැඩියෙන්ම එන්නේ දුප්පත් අහිංසක මිනිස්සුයි.එදා මේ බෙහෙත් ටික අහපු ගිහින්  අහගත්තා ලියලා තියෙන්නේ මොනවාද කියලා. එත් එදා මේ බෙහෙත් ටික හදිසි රෝගියෙකුට ඔනි වුනා නම්.
එදා ඒ අසරණයකුගේ ජිවිතයක් තිරණය වෙන්න තිබුනා නේද..
Read More

කඨින චීවර මාසය අදින් ආරම්භ වේ…..






බිනර පුර පසළොස්වක පොහෝ දිනය අදට යෙදී තිබේ.
දාන, ශීල, භාවනා ආගමික වැඩසටහන්වලට ප‍්‍රමුඛත්වය ලබාදෙමින් දිවයිනේ සෑම වෙහෙර විහාරස්ථානයකම පිංකම් පැවැත්වේ. කාන්තාවන්ට පැවිද්ද ලබාදෙන ලෙස මහා ප‍්‍රජාපති ගෝතමිය කළ ඉල්ලීමට බුදුරජාණන් වහන්සේ අනුමැතිය ලබාදුන්නේ අදවන් පොහෝ දිනකයි.
කඨින චීවර මාසය ආරම්භ වන්නේද බිනර පුන් පොහෝ දිනයෙනි.

http://lankaelink.com
Read More

Thursday, September 1, 2011

ආධානග්‍රාහී අයින්ස්‌ටයින්

                                                                                                                                                         බටහිර විද්‍යාවේ ඕනෑ ම අයකුට කළ හැකි පරීක්‍ෂණ යනුවෙන් හැඳින්වෙන්නේ පාර තොටේ හමුවන ඕනෑ ම අයකුට කළ හැකි පරීක්‍ෂණ නො ව බටහිර විද්‍යාව හදාරා ඒ ඒ ක්‍ෂෙත්‍රයෙහි යම් පරිණතභාවයකට පත් වූ අයකුට කළ හැකි පරීක්‍ෂණ බව අපි දුටුවෙමු. එහෙත් බටහිර විද්‍යාවේ හා විද්‍යාවේ දර්ශනයේ එසේ නො කියෑවෙනවා පමණක්‌ නො ව ජනතාවට වැරැදි නිගමනවලට පැමිණීමට ඉඩ සලසවමින් ඒ පාරතොටේ හමු වන ඕනෑ ම අයකුට වුව ද කළ හැකි පරීක්‍ෂණ ලෙස ඒත්තු ගැන්වෙන අයුරෙන් ඉදිරිපත් කෙරෙන බව පැහැදිලි ය.

බටහිරයන් එසේ කරන්නේ එක්‌තරා තක්‌කඩි අදහසකින් යෑයි සිතමි. එසේ බටහිර විද්‍යාවේ පරීක්‍ෂණ පාරතොටේ වුවත් හමු වන ඕනෑ ම අයකුට කළ හැකි පරීක්‍ෂණ ලෙස හඳුනා ගැනීමට සැලැස්‌වූ කල අනෙක්‌ දැනුම් පද්ධතියක්‌ ද ඕනෑ ම අයකුට දැනගැනීමට හැකි අයුරෙන් තිබිය යුතු බවට නිර්ණායකයක්‌ පැනවීමට බටහිරයන්ට අවකාශ ලැබෙයි. ඒ තම දේශපාලන ආධිපත්‍යය පවත්වාගෙන යැම උදෙසා කරන සටකපට ප්‍රයෝගයක්‌ වේ. බටහිරයන් අනෙක්‌ අය ගෙන් ඉල්ලන්නේ තමන් ද නො රකින ප්‍රතිපත්තියක්‌ රැකීමට ය. පාරතොටේ හමු වන ඕනෑ ම අයකුට තබා විශ්වවිද්‍යාලයකින් භෞතික විද්‍යාව පිළිබඳ ප්‍රථම උපාධියක්‌ ලත් අයකුට වත් ගිබ්ස්‌ බෝසෝනය ඇත් ද නැත් ද යනුවෙන් දැනගැනීමට පරීක්‍ෂණයක්‌ කළ නොහැකි ය.

පළමුවෙන් ම ඒ සඳහා බටහිර භෞතික විද්‍යාව පිළිබඳ අදාළ පශ්චාත් උපාධි පාඨමාලාවක්‌ හදාරා තිබිය යුතු ය. දෙවනුව ඒ සඳහා පරීක්‍ෂණ කරන කණ්‌ඩායමක්‌ සමඟ එකතු විය යුතු ය. එවැනි කණ්‌ඩායම් ලෝකය පුරා හතු පිපී ඇත්තාක්‌ මෙන් දැකගත හැකි නො වේ. එයට හේතුව ඒ සඳහා විශාල ධනස්‌කන්ධයක්‌ වැය කිරීමට සිදු වීම ය. තමන් ගේ වියදමින් එවැනි පරීක්‍ෂණ කණ්‌ඩායමක්‌ ඇති කර ගැනීමට හැකියාවක්‌ හා උනන්දුවක්‌ ඇති පුද්ගලයකු ඇතැයි සිතිය නො හැකි ය. ගිබ්ස්‌ බෝසෝනය ඕනෑ ම අයෙකුට කළ නො හැකි පරීක්‍ෂණයක්‌ සඳහා දිය හැකි එක ම උදාහරණය නො වේ. බොහෝ සාමාන්‍ය පරීක්‍ෂණ පවා ඕනෑකම තිබිණ ද ඕනෑ ම අයකුට කළ හැකි නො වේ.

අනෙක්‌ අතට බටහිර විද්‍යාව ප්‍රථම උපාධි මට්‌ටමට වත් හැදෑරීමට අවකාශ ලැබෙන්නේ කීයෙන් කී දෙනාට ද? බොහෝ දෙනකු සාමාන්‍ය පෙළ මට්‌ටමෙන් ඉහළට බටහිර විද්‍යාව නො හදාරති. එයට විවිධ හේතු තිබිය හැකි ය. අදාළ පාසලේ අවශ්‍ය පහසුකම් නැති වීම එයට එක්‌ හේතුවක්‌ පමණකි. ඇතැමුනට බටහිර විද්‍යාව ඉගෙනීමට එතරම් කැමැත්තක්‌ නැති වීම තවත් හේතුවකි. ඔවුන් වඩා කැමැති මානව ශාස්‌ත්‍ර, සමාජයීය විද්‍යා විෂය හැදෑරීමට ය. තවත් අයට බටහිර විද්‍යාව ඉගෙන ගැනීමට අවශ්‍ය චින්තනය නැත. විශේෂයෙන් ම බටහිර භෞතික විද්‍යාව හැදෑරීමට තරමක වුවත් වියුක්‌ත චින්තනයක්‌ අවශ්‍ය වෙයි. බොහෝ බටහිර ජෛවීය විද්‍යා ශිෂ්‍යයනට තරමක වියුක්‌ත චින්තනයක්‌ තිබිණි ද බටහිර භෞතික විද්‍යාව හැදෑරීමට අවශ්‍ය තරමේ වියුක්‌ත චින්තනයක්‌ නැත.

ආධ්‍යාත්මික ගුණ වගාවෙන් හෝ දෙවිවරුන් ගෙන් හෝ අත්පත් කරගන්නා දැනුම් සම්බන්ධයෙන් ද කිව හැක්‌කේ එවැනි ම කරුණු ය. ඕනෑ ම අයකුට එසේ දැනීම ලබාගැනීමේ හැකියාව නැත. ඒ සඳහා සසර කරන ලද කුසල් තිබිය යුතු ය. ඇතැම් විට පාරමී ශක්‌තිය වර්ධනය කර තිබිය යුතු ය. බටහිරයන් තමන් ගේ ආධිපත්‍යය රැක ගැනීම සඳහා ඕනෑ ම අයකුට දැනගත හැකි වන අයුරින් අදාළ දැනුම ඉදිරිපත් කරන ලෙස කියා සිටිය ද අප එසේ කිරීමට බැඳී නැත. එයට ප්‍රධාන හේතුව වන්නේ බටහිරයන් ගේ පරීක්‍ෂණ ඕනෑ ම අයකුට කළ හැකි ගණයේ ඒවා නො වීම ය. ප්‍රතිශතයක්‌ වශයෙන් ගත් කල බටහිර විද්‍යාවේ පරීක්‍ෂණ කිරීමට හැකියාව ඇත්තේ ලෝක ජනගහනයෙන් කී දෙනකුට ද?

එසේ නම් ආධ්‍යාත්මික ව දැනුම ලබාගැනීමේ හැකියාව ඇති අය ගේ ප්‍රතිශතය එයටත් වඩා අඩු විය යුතු ය. සමස්‌ත සත්ත්ව සංඛ්‍යාව ගත හොත් මිනිස්‌ භවයක්‌ ලබාගෙන ඇත්තේ ඉන් ඉතා සුළු ප්‍රතිශතයක්‌ බව ඉතා පැහැදිලි ය. මිනිසුන් අතර ආධ්‍යාත්මික ශක්‌තියෙන් හෙබි අය ගේ ප්‍රතිශතය ඉතා කුඩා වීම අරුමයක්‌ නො වේ. ඒ සඳහා කුසල් ශක්‌තිය අවශ්‍ය වෙයි. මට ද ආධ්‍යාත්මික ව දැනුම ලබාගැනීමට තරම් වාසනාවක්‌, කුසල ශක්‌තියක්‌ නොමැති බව ප්‍රකාශ කළ යුතු ය. එහෙත් එවැනි ශක්‌තීන් ඇති පුද්ගලයන් සිටින බව පිළිගැනීමට මගේ නොහැකියාව ප්‍රශ්නයක්‌ නො වේ.

අප බොහෝ දෙනකු බොහෝ දෑ විශ්වාස කරන්නේ අප ඒ සම්බන්ධයෙන් අවශ්‍ය සියලු අධ්‍යයනයන් කිරීමෙන් පසුව නො වේ. එසේ කිරීමට ගිය හොත් අපට කිසිවක්‌ කරගත නො හැකි වනු ඇත. අප බොහෝ දෑ විශ්වාස කරන්නේ අපේ විශ්වාසය දිනා සිටින පුද්ගලයන් ඒ දේ කියන බැවිනි. අප ඉලෙක්‌ට්‍රොaන ඇති බව විශ්වාස කරන්නේ අප ඉලෙක්‌ට්‍රොaන දැක ඇති නිසා නො වේ. අප තබා කිසිවකු ඉලෙක්‌ට්‍රොaන දැක නැති සන්දර්භයක අප ඉලෙක්‌ට්‍රොaන ඇති බව විශ්වාස කරන්නේ අපේ විශ්වාසයට පාත්‍ර වූ පුද්ගලයන්, ගුරුවරුන්, ඊනියා බුද්ධිමතුන් ආදීන් ඉලෙක්‌ට්‍රොaන ඇතැයි යන හැඟීම අපට දී ඇති බැවිනි. බොහෝ විට ඒ අයට ද ඒ හැඟීම ඇත. ඉලෙක්‌ට්‍රොaන ගැන නො ව විද්යුතය ගැන වත් කිසි ම පරීක්‍ෂණයක්‌ නො කළ අය ඉලෙක්‌ට්‍රොaන ඇතැයි විශ්වාස කරන්නේ පරීක්‍ෂණවල බලමහිමය නිසා නො වන බව පැහැදිලි ය. ඔවුන්ට එසේ විශ්වාස කිරීමට පරීක්‍ෂණ පැවැත්වීමේ අවශ්‍යතාව පැන නො නඟී. ඔවුහු ඒ ගැන ප්‍රශ්න කිරීමකින් පවා තොර ව ඉලෙක්‌ට්‍රොaන ඇති බව විශ්වාස කරති.

උගත් යෑයි සම්මත අය ආධ්‍යාත්මික ශක්‌තිය ඔස්‌සේ දැනුම ලබාගන්නන් කියන දේ විශ්වාස නො කරන බව ප්‍රකාශ කරන්නේ ඔවුන්ට ඒ අය පිළිබඳ ප්‍රසිද්ධියේ විශ්වාසයක්‌ ඇති කර ගැනීමට සමාජයෙන් ඉඩක්‌ නො ලැබෙන බැවිනි. මෙරට උගතුන් යෑයි සම්මත වූවනට අයින්ස්‌ටයින් කියා ඇති මෝඩ කතාවක්‌ වුව ද විශ්වාස කිරීමට හා එය පුනරුච්චාරණය කිරීමට බාධාවක්‌ නැත. දෙවියන් වහන්සේ දාදු කෙළින්නේ නැතැයි අයින්ස්‌ටයින් ප්‍රකාශ කර ඇත්තේ ක්‌වොන්ටම් භෞතිකයේ කෝපන්හේගන් විවරණය ගැන එකඟ නො වෙමිනි.

කෝපන්හේගන් විවරණයේ අඩුපාඩුකම් ඇති බව පැහැදිලි ය. එහෙත් ක්‌වොන්ටම් භෞතිකයේ මිනුම් ගැන ද නිව්ටෝනීය හා අයින්ස්‌ටයිනීය භෞතිකයේ මිනුම් ගැන මෙන් කල් ඇති ව ප්‍රකාශ කළ හැකි විය යුතු යෑයි යමකු ප්‍රකාශ කරන්නේ නම් ඒ ආධානග්‍රාහීව (dogmatically) කරන මෝඩ ප්‍රකාශයක්‌ පමණකි. ක්‌වොන්ටම් අංශූ හා ඊනියා සම්භාව්‍ය අංශූ එක ම ආකාරයකින් හැසිරිය යුතු යෑයි අපට උපකල්පනය කිරීමට ඇති අයිතිය කුමක්‌ ද? එහෙත් අයින්ස්‌ටයින් ගේ ප්‍රකාශය මහදැනමුත්තකු ගේ ප්‍රකාශයක්‌ ලෙස ඉදිරිපත් කිරීමට මෙරට උගතුන් යෑයි සම්මත අය ගෙන් ඒ ප්‍රකාශය ගැන කියවා ඇති අය (ඔවුන් මහා පරිමාණයෙන් සොයාගත නො හැකි ය) සැදී පැහැදී සිටිති. ක්‌වොන්ටම් භෞතිකය සම්බන්ධයෙන් අයින්ස්‌ටයින් ඉතා ම ආධානග්‍රාහී පුද්ගලයකු ලෙස එයට විරුද්ධව විවිධ ප්‍රකාශ කළේ ය.

දෙවියන් දැක ඇති අය දෙවියන් සිටින බව කී විට මෙරට උගතුන් ඒ විශ්වාස නො කරන්නේ ඇයි? අද නාථ දෙවියන් නමින් පෙනී සිටින දෙවි කෙනෙක්‌ හා තවත් දෙවිවරු, විශේෂයෙන් ම විපස්‌සක දෙවියන්, ඔවුන් සමඟ සම්බන්ධකම් පවත්වන එක්‌ කාන්තාවකට සිංහල නිල වෙදකම හා සිංහල ගොවිකම පිළිබඳව විවිධ උපදෙස්‌ දෙති. මට දෙවිවරුන් සමඟ සම්බන්ධ වීමට තරම් කුසල් ශක්‌තියක්‌ නොමැති නමුත්, ආධ්‍යාත්මික ව දැනුම ලබාගැනීමට තරම් වාසනාවක්‌ නැති නමුත්, ඉතා මෑතක දී මගේ හෘදයාබාධයක්‌ සුව කරන ලද්දේ මේ දෙවිවරුන් විසින් බව මා කිහිප වතාවක්‌ ම ප්‍රසිද්ධියේ කියා ඇත. මේ දෙවිවරුන් සිටින බව මම විශ්වාස කරමි. එසේ ම ඒ දෙවිවරුන්ට ඉතා විශිෂ්ට වූ දැනුමක්‌ ඇති බවත් මම දනිමි.

එහෙත් ඒ දැනුම පිළිබඳ විශ්වාසයක්‌ ඇති කර ගැනීමට උගත් සමාජයෙන් අපට බාධා එල්ල වෙයි. මේ උගතුන් ගෙන් බොහෝ දෙනා කතරගම යන බව ද පෞද්ගලික ව දෙවියන් විශ්වාස කරන බව ද මම දනිමි. එපමණක්‌ නො ව ඔවුන් ගෙන් කිහිප දෙනකු පෞද්ගලික ව විපස්‌සක හා නාථ දෙවිවරුන් ගෙන් ප්‍රතිකාර ගෙන තමන්ට වැළඳී තිබූ අසනීප සුව කරගත් බවත් දනිමි. අවශ්‍ය වුව හොත් ඔවුන් ගේ නම් ගම් හෙළිදරව් කිරීමට ද මම පසුබට නො වෙමි. එහෙත් ඒ නාථ දෙවියන් ම රජරට වකුගඩු රෝගයට ප්‍රධාන හේතුව ආසනික්‌ (ආසනේට්‌) බව ද ඇතැම් පෙදෙස්‌වල ඇති කිවුල සහිත ජලය හා කුඹුරු පස ද එයට අවශ්‍ය වන බව ද පවසන විට මේ උගත්තු එයට විරුද්ධ වෙති.

මේ නාථ දෙවියන් යනු මතු බුදු වන මෛත්‍රී බෝසතාණන් වහන්සේ යෑයි ඔවුන් සමඟ සම්බන්ධකම් පවත්වන කාන්තාව කියයි. එය ඇත්ත වුවත් නැතත් මේ දේව මණ්‌ඩලයෙහි ප්‍රධානියා නාථ නම් දෙවි කෙනකු බව මම විශ්වාස කරමි. එසේ ම ඒ දෙවියන් කවරකු වුවත් තවමත් බුද්ධත්වයට පැමිණ නොමැති බැවින් එතුමන් අතින් ඇතැම් විට වැරැදි සිදු විය හැකි බවත් මම විශ්වාස කරමි. එමෙන් ම එතුමන්ට ද යම්කිසි දේශපාලනයක්‌ ඇති බවත් මෙරට සුබ සිද්ධිය සඳහා මේ මේ දේ මේ මේ ආකාරයට සිදු විය යුතු යෑයි එතුමන් විශ්වාස කරන බවත් මට තේරුම් ගොස්‌ ඇත. ඒ දේශපාලන ව්‍යාපෘතියෙහි මා සිටියත් නැතත්, එතුමන් ගේ සැම ක්‍රියාවක්‌ සමඟ ම මට එකඟ වීමට නොහැකි වුවත්, සිංහල බෞද්ධ විද්‍යාවක්‌ ගොඩනැඟීම හා සිංහල බෞද්ධ සමාජයක්‌ නැවත ඇති කිරීම යන කරුණුවල දී මම එතුමන්ට සහාය වෙමි.

එතුමන් ගේ ඇතැම් අදහස්‌ සමග මා එකඟ නො වන්නේ මට වැටහෙන ආකාරයට බව අමුතුවෙන් කිව යුතු නො වේ. මට වැටහෙන අයුරින් මා ඇතැම් කරුණුවල දී එතුමන් සමඟ එකඟ නො වන්නේ වෙනත් අයකු සමග එකඟ නො වන ආකාරයෙන් ම ය. වර්තමානය සම්බන්ධයෙන් මේ දෙවිවරුන්ට ඇති දැනුම අති විශිෂ්ට ය. ඒ දෙවිවරු තම දැනුම ප්‍රකාශ කිරිමේ දී මාධ්‍යයක්‌ ලෙස ඇතැම් විට බටහිර විද්‍යාවේ බස ද යොදා ගනිති. ඒ අපේ පහසුව සඳහා ය. විපස්‌සක දෙවියන් ගේ දැනුම සම්බන්ධයෙන් එතුමන්ට නොබෙල් තෑගි දෙන්නේ නම් රාශියක්‌ ම දිය හැකි ය. එහෙත් අනාගතය ගැන දෙවිවරුන්ට වුව ද සියයට සියයක විශ්වාසයකින් ප්‍රකාශ කළ හැකි නො වේ. රහතන් වහන්සේ අතර ද ඒ ඒ කාරණා සම්බන්ධයෙන් අගතැන් පත් වූවෝ සිටිය හ. එසේ නම් දෙවිවරුන් අතර අනාගතය කීම සම්බන්ධයෙන් ද විවිධ හැකියාවන්a ඇති අය සිටීම අරුමයක්‌ නො වේ.

පෞද්ගලික ජීවිතයෙහි දී නාථ දෙවියන් විශ්වාස කරමින් එතුමන් ගෙන් ප්‍රතිකාර ගනිමින් ප්‍රසිද්ධ ජීවිතයෙහි දී නාථ දෙවියන් නැතැයි කීමට තරම් ඊනියා උගතුන්, විද්‍යාඥයන් යෑයි කියාගන්නා තාක්‍ෂණ ශිල්පීන් (මේ, තාක්‍ෂණ ශිල්පීන්ට කරන අගෞරවයක්‌ ලෙස නො සැලකිය යුතු ය) කුහක වන්නේ ඔවුන් බටහිර විද්‍යාවේ ආධිපත්‍යයට ඇති බිය මේ යෑයි පෙන්නුම් කරමිනි. අයින්ස්‌ටයින් මොන තරම් මෝඩ ආධානග්‍රාහී ප්‍රකාශයක්‌ කළත් එය පිළිගැනීමටත්, නාථ දෙවියන් හා විපස්‌සක දෙවියන් සංයුක්‌තව වර්තමානයේ දී තමන්ට දැනෙන දේ ප්‍රකාශ කළ විට ඒ ප්‍රතික්‍ෂේප කිරීමටත් ඊනියා විද්‍යාඥයන් පෙලඹෙන්නේ බටහිර දැනුම් ආධිපත්‍යය මෙරට ක්‍රියාත්මක වන බැවින් ය. වත්මන් දේශපාලනය ප්‍රධාන වශයෙන් ම බටහිර දැනුම ඔස්‌සේ ක්‍රියාත්මක වෙයි. ඊනියා දැනුම් සමාජ ආදී සංකල්ප බටහිරින් අපට එවන්නේ මේ ආධිපත්‍යය උපයෝගී කරගනිමිනි. අනෙක්‌ පැත්තෙන් ඒ සංකල්ප ඔස්‌සේ බටහිර ආධිපත්‍යය දිගට ම පැවැත්වෙයි.

මහාචාර්ය නලින් ද සිල්වා



 
Read More

Recent Posts

"

15. පව් කරන තැනැත්තා මෙලොව දී ශෝක කරයි. පරලොව දී ශෝක කරයි. දෙලොව දීම ශෝක කරයි. තමා ගේ අපවිත්‍ර ක්‍රියාවන් දැක ඔහු ශෝක කරයි, බොහෝ සෙයින් ශෝකයට පත්වෙයි.

15. The evil-doer grieves here and hereafter; he grieves in both the worlds. He laments and is afflicted, recollecting his own impure deeds.

"

-ධම්ම පදය | Dammapadhaya